大本瀛日式放題

營業中

休息中

【油尖旺區】【大本瀛日式放題】同一大班同事去食嘢，一人有一個意見嘅情況之下就梗係去食放題最好，自己顧自己，唔使理人哋。今次我哋就嚟咗呢間喺兆萬中心 10 樓嘅日式放題餐廳，之前我都冇食過，見佢哋環境唔算好企理，不過咁大班人又冇理由即刻走，所以唯有都係坐低食啦。佢哋將嘢食分成好多類，包括刺身、手握壽司、火炙壽司、特色卷物手卷、軍艦、凍盤小食、和風料理、一品料理、爐端燒、鐵板燒、炸物、天婦羅、南亞風味、火鍋，仲有甜品，當然仲有自助任飲嘅飲品同甜品，不過總括而言食物質素都係好一般，麻麻哋。就算講到放題最重視嘅刺身，佢哋都唔算好特別，冇乜話好新鮮呀之類嘅亮點。當然如果話難食佢哋又算唔上，只係真係好普通。睇其他人嘅食評話啲侍應會掟嘢，又真係會，不過係掟啲唔會彈汁嘅嘢例如甜品。埋單每人 $244，我哋午市食，中規中矩啦。。。（地址：旺角西洋菜南街1N號兆萬中心10樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #