影片
更多
2023-01-10
1331 瀏覽
🐶自助晚餐小妹一家喺除夕嗰晚去咗西環萬怡酒店食自助晚餐😆相對其他高級酒店 呢度人均只系$404雖然食物款式唔多 但食物質素對得住價錢👍🏿-☻︎ 海鮮分別有生蠔 雪場蟹腳 海蝦 青口同蜆生蠔超細隻 基本上咩味都食唔到 唔腥唔臭亦冇鮮味 唔介意嘅可以試吓食多兩隻回本嘅🤣蟹腳有甜味🦀但海水味較重 偏鹹海蝦彈牙但冇鮮味🦐青口唔腥唔臭 亦冇味😂蜆都系冇乜味嘅好彩隔離有幾款sauce提供可以搭救下小妹就覺得可以淨食蟹腳😛味道: 6.5/10-㋡ 刺身有三文魚 帶子 八爪魚同刺身蝦三文魚似近腩位 都算系肥美嘅 唔系嗰啲冇三文魚味嘅奇怪貨色 可以食多兩轉😝帶子有鮮味 不過唔系我哋平時食開嗰隻日本刺身帶子 識落口感似煮食用帶子 不過系凍食咁解 小妹就麻麻地啦😗八爪魚冇試🙌🏿刺身蝦唔錯 夠鮮甜 不過每人每次只限攞一隻 唯有排多幾次隊去攞啦😜味道: 8/10-㋡ 芝士款式唔多 亦都唔系平時食buffet食開嗰啲款式有奶酪芝士 藍芝士 仲有一隻應該系羊奶芝士奶酪芝士系硬芝士嚟嘅 三款入面最淡味但仍充滿芝士鹹香😙小妹最鐘意呢款😍藍芝士最濃味 未必個個接受到😛草奶芝士系軟身嘅 有啲油浸住 芝士味都幾香濃😆小妹覺得三
小妹一家喺除夕嗰晚去咗西環萬怡酒店食自助晚餐😆
相對其他高級酒店 呢度人均只系$404
雖然食物款式唔多 但食物質素對得住價錢👍🏿
-
☻︎ 海鮮
分別有生蠔 雪場蟹腳 海蝦 青口同蜆
生蠔超細隻 基本上咩味都食唔到 唔腥唔臭亦冇鮮味 唔介意嘅可以試吓食多兩隻回本嘅🤣
蟹腳有甜味🦀但海水味較重 偏鹹
海蝦彈牙但冇鮮味🦐
青口唔腥唔臭 亦冇味😂
蜆都系冇乜味嘅
好彩隔離有幾款sauce提供可以搭救下
小妹就覺得可以淨食蟹腳😛
味道: 6.5/10
-
㋡ 刺身
有三文魚 帶子 八爪魚同刺身蝦
三文魚似近腩位 都算系肥美嘅 唔系嗰啲冇三文魚味嘅奇怪貨色 可以食多兩轉😝
帶子有鮮味 不過唔系我哋平時食開嗰隻日本刺身帶子 識落口感似煮食用帶子 不過系凍食咁解 小妹就麻麻地啦😗
八爪魚冇試🙌🏿
刺身蝦唔錯 夠鮮甜 不過每人每次只限攞一隻 唯有排多幾次隊去攞啦😜
味道: 8/10
-
㋡ 芝士
款式唔多 亦都唔系平時食buffet食開嗰啲款式
有奶酪芝士 藍芝士 仲有一隻應該系羊奶芝士
奶酪芝士系硬芝士嚟嘅 三款入面最淡味但仍充滿芝士鹹香😙小妹最鐘意呢款😍
藍芝士最濃味 未必個個接受到😛
草奶芝士系軟身嘅 有啲油浸住 芝士味都幾香濃😆
小妹覺得三款都算唔錯 可以一試🤪
味道: 8.5/10
*利申 小妹本身好鐘意食cheese😚*
-
☹︎ 冷盤
款式唔多 得煙三文魚同另一隻ham
煙三文魚系死鹹嘅 冇乜魚油香☹️
另一隻唔知系咩ham 望落去已經完全冇食落口嘅衝動 最終都系冇試到🥹
煙三文魚系冇再refill嘅 食完第一轉換咗另一隻ham 個樣似臘腸咁嘅花紋 小妹都冇去試😅
味道: 4/10
-
㋡ 西式熱葷
同樣地款式偏少 有牛排 羊架 德國腸同燒菠蘿 仲有一款好特別叫紙包三文魚
牛排都有牛味嘅 正正常常 唔試冇損失😗
羊架有浸羶味 偏鞋口🫤
小妹就唔食腸仔嘅 母親大大食完話ok唔錯
燒菠蘿酸酸甜甜 幾開胃😆
唔好意思因為燈光問題小妹影唔到張靚仔嘅紙包三文魚🙇🏿♀️
父親大大第一時間就沖咗去攞三文魚頭 啖啖都充滿魚油香 有驚喜😍
小妹就攞咗啲魚腩位 又滑又肥美 真系超好食 我哋都encore咗好幾次🤤
味道: 7.5/10
-
☹︎ 燒味
賣相已經好唔吸引 小妹就冇試到
細佬幫大家親身試伏😳
味道就同外表一樣又乾又柴 可以唔使試😂
味道: 3/10
-
♡ 沙律前菜
小妹試咗幾款都系充足伏味🥹
唔系太鹹就冇浸怪味
真系想食菜嘅建議自選配料再加sauce🙌🏿
味道: 4.5/10
-
另外有個麵檔 pasta risotto同pizza
不過小妹太飽就唔食呢啲澱粉啦🙌🏿
-
☹︎ 甜品
款式就唔系好多 小妹都基本上試晒咁滯
呢度嘅甜品好特別 特別難食😵💫
麵包布甸又硬又韌 布甸完全唔滑😓
藍莓cheesecake系淋blabla嘅好難食🫠
泡芙完全唔甜 小妹都唔知食緊啲咩😩
有塊Oreo喺面嘅嗰款cake一樣淋blabla真心唔想擺落口😢
另外仲有兩款硬身嘅cake 黃色同綠色都系好難食
小妹真系試晒全部都冇樣惦🤢
留返個肚食movenpick好過啦😅
味道: 1/10
-
Movenpick有12款口味 分別系雲尼拿夢幻 士多啤梨 瑞士朱古力 冧酒提子 意大利奶凍 意大利芝士蛋糕 法式焦糖燉蛋 藍莓芝士蛋糕 楓糖合桃 檸檬青檸 特濃咖啡同埋椰子
味道小妹就唔講啦😜
隔離有雪糕筒同配料可以任加
仲有窩夫添
不過窩夫唔系自己用機整嘅 有人預先整定 凍咗就唔好食啦 見到即刻整起都可以試下
但系佢個窩夫勁重牛油味 唔試都冇所謂😂
-
自助餐好難樣樣都好好食
回本位嘅食物質素唔差😆
整體食物亦都對得住佢個價錢
小妹認為可以一試😚
總評分: 7.5/10
順帶一提
自助餐嘅價錢同款式都會隨住唔同日子而變
所以上述食物質素只可以反映小妹當日去嘅情況🙌🏿
張貼
