悦川

營業中

休息中

朋友話荃灣「悅川」唔錯今日就去試下，叫左個「三寶套餐」$328有老壇酸菜魚+小炒黃牛肉+麻辣牛肚，我哋仲加多個啫啫肉碎粉條煲，四道菜兩個人食到捧住個肚走，性價比超高。老壇酸菜魚 魚片完全冇骨，酸菜夠晒酸爽，湯底唔會太油，辣度剛剛好，仲有大量芽菜同粉絲墊底，撈飯一流。小炒黃牛肉 牛肉切得薄身，鑊氣十足炒得嫩滑唔韌，配埋芹菜同辣椒一齊炒，香辣惹味。麻辣牛肚 牛肚切得夠薄，口感爽脆入味，麻辣汁唔會太嗆喉，麻香十足，愈食愈上癮。啫啫肉碎粉條煲 $98粉條吸晒肉碎同醬汁嘅精華，啫啫聲上枱熱辣辣，口感煙韌。份量足味道正真係抵食，環境舒服服務又好，荃灣友想食川菜可以試下，下次想試埋佢個水煮魚同口水雞。