獅房菜

今晚難得同兩個中同聚舊，就揀咗呢間餐廳，貪佢位處於旺角東站旁的帝京酒店裡，方便大家，而且之前聽聞餐廳的食物同埋服務都唔錯。餐廳入面個環境，都幾襯新派中菜大家懶得揀野食，留番d時間傾計，索性直接試呢個餐。食呢個餐係買一送一既，我地三個人，即係比2個set既錢就ok，yeah!第一道菜，我最鍾意個松露酥，鬆化又唔太油膩，入口好香。第二道菜，個人覺得唔特別，有d似炸豆付個湯好甜，幾潤喉全餐飯最鍾意呢個魚，個汁有d似梅菜扣肉，魚皮煎得好香脆，魚肉滑得黎又結實，個配搭好襯。我同d中同講，如果有個白飯就仲正啦！哈哈！跟住有隻花膠，花膠都真係原隻，雖然唔算好厚身，但喺酒店餐廳食到呢個質素亦算好唔錯。呢個南瓜蓉我就麻麻地，但同行的中同就清哂碟呢碟餸最畫龍點睛既係嗰兩pat醬，好襯隻迷你雀脾，加埋超油香既飯，好唔錯抹茶奶黃原來好襯架，呢個甜品簡直係完美既句號！呢餐飯，邊食邊傾邊嘆茶，3小時轉眼就過去。好多人都會覺得，中同聚會都係醉翁之意不在酒，我都覺得係呀，難得可以三人聚舊再加埋美食，真係一個愜意的晚上。