獅房菜

我喜歡的餐廳最近推出了全新下午茶！而且用上富中國風元素全新設計，剛看賣相已經非常有韻味，這天就跟美女好友來享片刻寧靜的滋味。這天來到將古風展現得絕美的獅房菜Lion Rock，臨近中秋門口已掛上滿滿的大紅燈籠，地下還有栩栩如生的魚躍投影，成件事都非常有設計美絕耶。新Tea取名為青花瓷．雅聚下午茶！以木製的下午茶架放置賣相精緻的茶點，配搭兩款特色飲品賣相清麗優雅。桂花綠茶梳打！綠茶梳打起泡祝賀為桂花注入生氣，甘香的綠茶加入梳打後口感更見清爽，配搭幽香的桂花及不過甜的味道非常好喝。香橙陳皮蜜！絕對是健康之選皆因有健脾開胃的陳皮，加上蜜糖的甜及橙的香味道好優雅，喝罷暖笠笠相信很多女士會喜歡。先來品嚐四款非常有誠意的鹹點！食材包含了海鮮、豬肉及雞肉全部都非常合我口味。酥炸帶子伴香芒醬！鮮嫩的帶子裹上麵包糠炸香，先帶香脆口感然後就是軟滑的後調，中間還夾著薯仔沙律配搭果香十足的芒果醬層次感非常豐富。汁燒豚肉卷伴生薑醬！肥美的豬腩肉包裹著蘿蔔及紅蘿蔔條，配搭充滿生薑香氣的醬汁吃下口感十足肉汁豐富好鮮香。麻香雜錦雞丁盞！雞肉質地嫩滑配搭惹味的麻辣實在太合我口味了，連同炸香的燒賣皮一起吃口感更出色。甜酸大蝦釀雞蛋！我覺得像魔鬼蛋的可愛版，雞蛋經過油炸外皮變得金黃香口，蛋黃沙律香甜誘人加上炙燒過香噴噴的爽口大蝦叫人回味不已。來到甜品環節這件雲呢拿藍莓慕絲蛋糕活像青花瓷般！配搭輕煙仙氣出場實在太過吸睛了吧。蛋糕外層用上馬達加斯加雲呢拿製成的雲呢拿慕絲來炮製，內裏則是口感軟滑的藍莓慕絲及綿密海綿蛋糕，味道香甜可口而且份量十足吃罷超飽肚啊。然後還有三款甜點包括以中國樂器、庭園及小擺設來設計真的好養眼。抹茶布甸伴櫻桃酒果凍！美不勝收的迷你魚池實在太迷人了，於抹茶布甸上放上以朱古力製成的石頭，還有瑞士甜菜苗作為水草勁可愛，最吸引我絕對是以朱古力製成的金魚，浮游於櫻桃酒果凍中栩栩如生真妙絕的甜品。不止於貌美連味道也非常出色，有爽滑的果凍也有綿滑的布甸，最重要整體味道非常相夾旦不會過甜，是質素相當高的甜點。豆腐芝士蛋糕！玉葫蘆造型的賣相很有高級感，選用了有機豆漿來炮製帶出陣陣清幽豆香。紅桑子牛奶朱古力慕絲蛋糕！一看見這個造型就想起昭君出塞，醇厚的紅桑子朱古力慕絲帶上濃郁的果香，吃下非常可口喜歡朱古力的朋友一定不要錯過。青花瓷．雅聚下午茶收費為$568/兩位、$288/一位(另加一服務費) ，由即日起至2026年1月2日下午3時至5時供應。…Read More

難得有日本朋友到香港，早幾個月前因為工作關係未能見面，所以今次特意挑選連我都未去過嘅「獅房菜」，位於帝京酒店3樓。食物方面係有質素，由廚師發辦共九道菜式，感覺好似港版嘅omakase。頭盤花蟹茶碗蒸+普洱海參凍+鬈髦豬叉燒，個花蟹茶碗蒸嘅蟹肉夠多，味夠濃，反而叉燒感覺只係普通嘢，同公司大家樂感覺差唔多；第二樣係青花椒·龍蝦球·炒牛乳，呢個可以話有驚喜，將呢三樣嘢融合到一個菜式，我真係想知佢個食譜係點，味道上係冇違和感，反而有種好清爽嘅感覺；第三樣係蘭州蜜瓜·瑤柱·響螺湯，呢個有啲似我曾經煲過嘅爵士湯，但我當時個蜜瓜味冇佢咁出，佢個甜味係有啲誇張，呢個反而係我唔太喜歡嘅地方；第四樣係古越龍山·蔥香·鮑魚，用古越龍山調配出嚟個醬汁好出色，帶出佢酒嘅香味，鮑魚唔係果啲罐頭鮑，真係慢煮出嚟，軟硬度係剛剛好，難怪要比刀叉我切，向來冇table manner 嘅我都唔好意思將隻鮑魚一嘢隊入口；第五樣係好可愛、亦好可憐嘅菜式，韓國泡菜·黑毛和牛酥。冇諗過出嚟真係一隻牛，要用專用嘅鎚敲開佢，入面用荷葉包住黑毛和牛，感覺好新鮮，而且味道非常唔錯，牛肉完全冇比泡菜個味道蓋過咗。食完比左杯酸梅啫喱清下味蕾，但係呢個係唯一可以用極度難食嚟形容嘅嘢；第六樣係鮮姬松茸·花膠·黃湯，一個我覺得稍為普通嘅菜式，佢個黃湯嘅味道係唔錯，但好多酒樓都有類似味道嘅湯，呢一味算係最普通嘅一道菜式；第七樣係金退燕窩·野生竹笙·菜苗，呢個歸「養生」嘅菜式，我一度懷疑佢個燕窩係假，好少會有咁多，加上佢有啲類似紅燒汁果種味道，味道唔會太淡。加上面頭一層金泊，成件事高級咗好多；第八樣係澄海滷鵝·淮山麵，聽落好普通嘅菜式，但味道係唔錯，佢個鵝片係滷得好入味，肉質亦夠淋同滑，唯一美中不足係細碗咗啲，因為家下我肥咗大食咗好多；終於到第九樣嘅甜品，鴛鴦茶·奶凍，我一開始我係唔知隻杯係食得，我淨係食入面啲奶凍，因為佢個味係鴛鴦果種味，又唔太甜，係朋友話個杯係朱古力嚟，我先恍然大悟，但可惜佢個朱古力杯對我嚟講係太甜，我食咗一半就放棄咗。總括嚟講，有喜慶、聚會、招待外地親友的話，呢間係值得一試，因為下一次又唔知會係咩菜式。一餐入面有咁多款式，夠體面，加上酒店嘅質素，700幾蚊位，呢個價我覺得係值。…Read More

見到下午茶專題做小王子系列，作為小王子粉絲都要黎見識下。侍應安頓了我們在靠近窗口位置，天氣好的話，藍天白雲可以映襯獅子山，亦能見到列車經過。下午茶以法國小王子做主題，所以沒有配英式鬆餅，不過4款鹹點+5款甜點，食完成個set都已經好飽。餐點鹹點較甜點出色。甜點慕絲蛋糕較多，整體較膩。🤣餐飲叫了特飲，藍色係甜橙茉莉梳打，侍應溫馨提醒有酒精，粉紅色玫瑰造型玫瑰乳酸梳打。兩杯特飲打卡度高，最有仙氣的是玫瑰造型慕絲蛋糕配乾冰煙霧效果。餐廳門口有部小王子即影即有相機，憑餐廳優惠卡有打印優惠。…Read More

講真，呢個Tea set真係幾失望。啲食物一上枱就凍冰冰，蛋沙律、蝦凍我仲可以理解，但豚肉卷同雞丁棧都係凍嘅，真係唔明點解。我都明白呢啲小食唔會整到好熱辣辣咁出，但呢個真係完全冰凍，連咬落去都覺得凍，食落冇咩味又好難入口，真係有啲失望。甜品方面，豆腐芝士蛋糕係全場唯一好食嘅一樣，質地滑滑地、味道幾清新；反而個「青花瓷」真係唔知佢想點。曲奇餅底濕淋淋、冇乜味道，得返個甜字，整體好奇怪。服務方面，職員態度算有禮貌，但成個流程感覺好趕。見到成場得兩三個同事跑六、七枱客，我都明白人手不足嘅辛苦，不過節奏真係太急。最令我意外嘅係，職員居然喺樓面屏風後面砌Tea set，冇諗過唔係廚房整好出嚟，亦冇諗過唔係廚房師傅整，感覺真係唔專業。總結：景色同服務態度仲算OK，但食物質素真係唔掂。要我形容成個體驗，就係「凍、淡、趕、唔專業」，唔會encore。…Read More

見到有優惠，外觀吸引，印象中這間餐廳水準不錯，於是訂了枱，滿心歡喜期待這個下午茶實物外觀是可以的，我們映了幾張相就開始吃，先吃鹹點，味道普通，是放涼了的，完全唔明白想食熱嘅鹹點有無咁困難再食甜點，味道與自助餐提供的差不多，最離譜是一個巨型的所謂藍莓蛋糕，入口完全唔知佢係咩，大大件只係令你覺得食完會好飽，唔想食又好浪費食物兩杯飲品，桂花梳打係好味的，熱飲味道可以，但又係唔夠熱如果只為打卡可以去，個人認為食物質素完全對唔住個價錢…Read More

🎨中國嘅青花瓷遍行世界是一種白地藍花的高温釉下彩瓷器🍶，這工藝不僅質樸大方，是工業化之前影響最廣的瓷器🏭今次嚟到帝京酒店嘅🦁獅房菜，一定要試吓佢最近推出嘅「青花瓷，雅聚下午茶」🌸以中式元素為主題，帶你走進古代午後的詩意世界🌍🥘Savoury:🥘酥炸帶子半香芒醬麻香雜錦雞丁盞甜酸大蝦釀雞蛋汁燒豚肉卷伴生薑醬🍧Dessert:🍧抹茶布甸伴櫻桃酒果凍豆腐芝士蛋糕紅桑子牛奶朱古力慕絲蛋糕雲呢拿藍莓慕絲蛋糕☕️Special Drink:☕️桂花綠茶梳打薑蜜之舞🍡甜品賣相造型精緻，相當考功夫，青花瓷蛋糕造型精美，食落蛋糕軟滑，甜而不膩…Read More

相信每個人心中都住咗一個永遠嘅小孩，好似小王子純真咁去冒險、探索。近日帝京酒店新推出咗一個小王子的奇妙旅程下午茶，上網睇到d相好夢幻好有童真，忍唔住約埋一眾姊妹去HighTea 就咁睇甜品嘅名已經好有誠意同有童話feel，《藍莓芝士白朱古力慕絲蛋糕》、《紅桑子歌劇院蛋糕》、《檸檬馬德蓮蛋糕》、《雲呢拿香橙慕絲蛋糕》、《櫻桃開心果慕絲蛋糕》等等。到上盤一刻真係驚厭，特別係個玫瑰花造型嘅蛋糕，再加埋乾冰煙霧效果，感覺真係星球上的玫瑰一樣，好似還原緊小王子嘅冒險旅程  之後飲品係《玫瑰乳酸梳打》，淺藍嘅顏色另人覺得置中空中一樣，感覺十分舒暢。另外一提，Lion rock真係可以望到Lion rock的，順便認識一下香港的特色。…Read More

睇到食評見幾好，節日都仲可以訂位，唸住試下，點知中伏… 特色下午茶，全場有5-6檯訂位，佢係等齊全場先一次過上菜，d食物上台係凍嘅。最唔得係只蝦：霉嘅😓 d甜品算係所有嘢裡面最好，不過都唔好期望過高，任何一間西餅店都做得好過佢😆景色… 直望住獅子山and東鐵鐵路，不過塊玻璃唔乾淨，而且玻璃唔係全幅過，d駁口位大煞風景。周圍d建築都唔靚，所以其實真心唔係靚景🤪至於服務，前台小姐非常有禮貌👍🏻 從確認訂單、到帶位、到落單、到幫手上菜、最後到埋單都好好態度。不過… 如上所述，所有嘢佢都要做，即係說明人手嚴重不足啦🤣 坐低點完（其實只係確認飲乜）等咗半粒鐘d嘢飲先上到。我絕對有理由相信之前d食評係槍手來㗎囉😆😆…Read More

【✨獅房菜｜穿越青花瓷下午茶🎊】文青必打卡！旺角隱藏版古風仙境📸.
帝京酒店「獅房菜」又出招啦🤗今次唔玩普通英式三層架✨直頭將成個「青花瓷＋江南庭院」搬入酒店🏨下午茶每款點心都暗藏古風彩蛋🏮——會噴煙嘅青花瓷、金魚游水抹茶池…打卡睇得又食得📸🍵甜點1️⃣ 【雲呢拿藍莓慕絲蛋糕｜會噴煙嘅國寶級青花瓷】
一上枱仙氣狂噴🌫️馬達加斯加雲呢拿慕絲包住流心藍莓醬，外層仲要系手工勾畫「青花紋」白朱古力，精緻到唔捨得咬！切開仲有海綿蛋糕夾心，超有層次！2️⃣ 【抹茶布甸伴櫻桃酒果凍｜朱古力金魚神還原】
將庭園景濃縮成甜品🍵宇治抹茶及北海道忌廉打底，面頭透明櫻桃酒果凍游住朱古力製成嘅金魚🐟連「假山石」都系黑朱古力雕成…真系不得了！3️⃣ 【紅桑子牛奶朱古力慕絲蛋糕｜吃得到的《琵琶行》】
「大珠小珠落玉盤」變身牛奶朱古力慕絲！琴頭用咗超薄朱古力片，一勺挖開爆出紅桑子流心🍒酸甜平衡～🍢咸點｜邪惡滋味🔥必試｜酥炸帶子x香芒醬
帶子外脆內嫩㊙️麵包糠經過一晚風乾，口感輕盈不油膩～蘸埋菲律賓芒果mix醋醬…好味到想encore多件！🌶️麻香雞丁盞｜辣妹最愛
雞脾肉用特調麻辣辣椒油醃入味⏳夾住紅黃椒粒炒至香氣四溢，食完唇齒留香～🍤甜酸大蝦釀蛋｜火炙焦香爆擊
蝦肉新鮮爽彈，燒至微焦，完美結合蛋黃沙律醬，層次豐富，令人食指大動！🍹特飲▪️ 香橙陳皮蜜｜陳皮理氣健脾🥣蜂蜜潤到入肺，熱飲超啱女士們💕
▪️ 桂花綠茶梳打｜美容養顏桂花🌼搭配具抗氧化功效之綠茶🍵氣泡感解膩一絕，影相仲會漸層暈染～獅房菜✨📍地址：香港旺角太子道西193號帝京酒店3樓
⏰時間：即日起至2026年1月2日｜3pm-5pm
💰價錢：$568/兩位｜$288/位（需加一）…Read More

今晚同班friend一齊去咗帝京酒店嘅獅房菜，食咗佢哋九道菜嘅「非遺雅宴 • 傳味承真」，每道菜都係精心設計，用精湛廚藝同創意，將香港非遺元素融入菜式，畀我哋感受到香港獨有飲食文化嘅魅力。滷醃三品：前菜一上枱已經覺得好吸引，首先係「椒韻墨玉」其實係潮式藤椒墨魚，個墨魚片個鮮味彈牙，仲有陣陣藤椒嘅麻香同微辣Chilli Sauce，刺激得黎又唔會搶味，啖啖都係驚喜。跟住有「琥珀藏薑」，即係子薑尖椒皮蛋，入口酸酸辣辣，仲帶點古早味，簡直係開胃神器。最後係「醬香珍味」，係蝦醬蔥燒刺參，蝦醬嘅鹹香同蔥嘅清甜將刺參嘅鮮味完全逼出，口感軟糯得黎又夠晒入味，呢個組合真心抵讚。煙燻二品：首先係「籠香玉餃」（蒸籠鴨肉餃子），呢個鴨肉餃子真係不得了！皮薄得似透明，鴨肉餡鮮嫩多汁，蒸籠香氣一掀蓋即刻撲鼻而來，食落去仲有淡淡嘅煙燻味，係咁話你知點樣叫「入口即化」！另一道煙燻前菜係「金縷蜜焰」，即刻米通腐乳叉燒，叉燒燒到外焦內嫩，腐乳嘅鹹香同蜜糖嘅甜味完美平衡，仲有米通嘅酥脆口感加持，咬落去係一場味覺嘅煙花騷，甜鹹交錯，停唔到口。跟住就到主菜，首先「翠膽明珠」，即係砂鍋菜膽花膠廣東雲吞，雲吞皮薄到見餡，入口滑溜溜，花膠同菜膽嘅鮮甜喺砂鍋湯底入面完全釋放，每啖湯都好似飲咗一碗廣東精髓，暖胃又暖心。跟住係我好喜歡嘅「漁港風華」－ 避風塘鹹魚茸豆豉煎馬友魚，啲避風塘炒蒜真是勁香！馬友魚煎到金黃香脆，鹹魚茸同豆豉嘅濃郁香氣滲入魚肉，每一啖都係滿滿嘅海港風情，食到我差啲連碟都舔埋。然後就係「陳滷菌珍」，係陳皮滷水牛肝菌農場雞，雞肉滷得好入味，肉質嫩滑，牛肝菌嘅濃香同陳皮嘅清新完美融合，簡單得嚟有深度。食完啲重口味嘅主食，跟住就上「漁澳風光」，係大澳蝦乾魚肚杞子菜心苗，杞子同菜心苗加咗一抹清甜同爽脆，呢道菜好似將大澳嘅海風同陽光都食咗落肚，清新得黎又好有層次。單尾係「金炊玉饌」脆芋絲臘味蟹肉炒飯，其實食到呢度已經開始飽，但呢度絕對唔可以錯過呢個炒飯，炒飯粒粒分明，臘味嘅鹹香同蟹肉嘅鮮甜一齊爆發，仲有脆芋絲加持，口感層次豐富到不得了。呢度嘅甜品都好精緻，首先係「茶啡雙凝」港式鴛鴦茶凍，鴛鴦茶凍入口即化，茶同咖啡嘅香氣喺凍凍嘅口感入面交織，甜度啱啱好，清新又唔會太重，感覺好light。仲有呢個造型超級得意嘅「傳統小點」麻雀千層馬拉糕同懷舊合桃酥，千層馬拉糕用咗麻雀嘅造型，鬆軟香甜，合桃酥就係滿滿嘅懷舊情懷，回味無窮。總結嚟講，呢餐非遺宴，每道菜都好似一件藝術品，將傳統中菜嘅精髓同現代創意結合得天衣無縫，真心推介俾鍾意試新嘢同喜愛中菜嘅朋友。…Read More

今次試下中式fine dining。預訂套餐$700一位，已經連加一。因為係慶祝所以我哋另外加咗wine pairing（$298+10%）整體啲嘢食都好好味，中間有個雪葩啱啱好因為食完牛肉好飽同有啲膩。至於Wine pairing, 我地覺得sake麻麻地啱我地口味，其他酒都ok。去到最尾嗰杯Amarone就抵哂🤣唔知係咪比較之下，不過成餐飯去到最尾有好酒慢慢飲，配埋甜品，啱啱好🥰因為係慶祝，餐廳貼心準備咗小甜品同牌俾我地影相。如果遲啲有機會會再嚟試。…Read More

生日宴！用whatsapp跟客服溝通，取得晚餐食單！餐廳景色廣濶開揚，裝修古式古香夠典雅，我們6人選了2種不同套餐！都非常出色！一款是大觀八道(買一送一）及另一款獅房厨司發板八道（＄700全包加一酒水）！以這個价格，抵！星期日，客人不算太多！所以有足夠人手招待！我們在酒店樓下買旦糕便不需切餅費及有9折，抵！仲並安排送上獅房菜房來！貼心！每一道菜式均有名字，亦配合沙畫！色香味均出色！大觀八道取自紅樓夢十二金釵.角色名字！所有擺盆都十分女性化！剛好我們三位女性選取，十分驚喜！另外的厨司八道是夏天時令菜色！亦非常出色！侍應每道菜都會簡單介紹解釋菜色如何制作！十分貼心！歡愉渡過一個晚上！…Read More

第一次去獅房菜，佢有4款lunch set可以揀。不過因為2位起我同朋友要揀款同一款＇唔可以一人一款交換試吓有啲失望。套餐先來一個黑松露鮮菌楓葉粿加脆脆芝芯蝦舂卷，春卷d蝦好新鮮加拉𢇃芝士，好味道湯我揀咗鱈場蟹肉燴雪燕，好足料好好味跟住落嚟嘅黑松露炒蝦球帶子都好新鮮，以為份量少少會唔會唔夠飽呢，點知下一道法式紅酒燴牛肋肉份量十足，牛肋肉炆得好淋加上有紅酒汁連伴碟嘅薯蓉都食晒豉油皇龍鬚炒麵不油炒得夠乾身料亦多，食埋甜品紅豆沙加蝶豆水墨椰子糕真係好滿足飽到行唔郁，加上可以用商場優惠換coupon 每個餐減大約$ 100，呢餐都好超值，使乜北上搵食呢…Read More

位於太子帝京酒店 (Moko商場內) 的餐廳，當中3樓有一間可以望到獅子山風景的，糅合粵菜精髓及酸糅合粵菜精髓及川菜元素，由土生土長，紮根香港的區域中式廚藝總監江肇祺師傅率領酒店大師級中菜團隊坐鎮的”” 獅房菜”” 🦁🏠🥦除了餐廳名稱用上食字外，更大賣點是利用了中國經典文學<紅樓夢>為主題，此作品特色為豐富及多面，且細緻為主，切實地反映了每個角色在僵化的社會等級制度的掙扎。當然來到2025年，以紅樓夢為主題的晚餐並沒有這麼沉重，但不變的是每道菜非常細緻，口感甜酸苦辣皆有，就好像小說般，反映了角色的性格和不同的命運，而且餐牌佈滿紅樓夢小說中的詩句，侍應上菜的時候也會作詳細的餐食和基本文學講解，可以讓客人吃飯的時候更能了解當中的意義。🔸「大觀•十二釵」九道菜套餐（優惠價每位 HK$638（兩位起）🔸🔹席前道奉及陳皮雪梨茶🔹首先會嚟一些輕食和陳皮雪梨茶，作為暖 “腸” 之用，用上特選陳年果皮同雪梨，入口甘甜清潤，另配上無花果乾，士多啤梨等乾果，個人最喜歡是蜜桃乾，層次豐富 🔹前菜：史湘雲. 秦可卿. 賈惜春🔹史湘雲. 秦可卿. 賈惜春是紅樓夢中的重要人物，3人均為貴族，情格分別豪爽，多情感性，及善良。👩🏻‍🦰冷豔芍藥（史湘雲）：深啡色的為洛神花啫喱，入口酸甜，清爽的口感如史湘雲般豪爽的性格。👩🏻‍🦳棗泥山藥糕（秦可卿）：白色的山藥糕，外層煙靭，內餡充滿棗香，細膩的口感如泰可卿多愁善感的性格。👱🏻‍♀️洛花金酥（賈惜春）：酥炸玫瑰花的外皮包裹着蝦、豬肉、雜菌炒成的餡料，像雞批的口感，櫻花外形如角色 “獨卧青燈古佛旁”的結局。🔹金湯・菊花・刺參（探春）🔹以菊花點題，湯頭先以豬肉、豬筒骨及老雞熬煮，之後放入紫菜及原條刺參再煲煮至軟腍後，灑上鮮菊花奉客。千里東風一夢遙，飲上去，或者會聯想到，小說中賈 探 春遠嫁出門的感覺。🔹煎封•海鹽•白鱈魚（薛寶釵）🔹餐廳介紹: 鱈魚外皮煎至微脆，魚肉細膩嫩滑，配以迷迭香和海鹽提鮮，簡單卻鮮美。個人很喜歡這道菜。🔹茄鯗•鵪鶉蛋•黑毛豬（王熙鳳）🔹麻辣魚香調味，慢煮後煎香的黑毛豬腩切片，搭配鵪鶉蛋和茄子，辛香惹味，完美呼應王熙鳳的潑辣個性🔹松茸•獨子蒜•元貝（李紈）🔹鮮甜大粒元貝為主角，搭配松茸、雜菌、甘筍製成的微酸蛋黃醬，焗至金黃，醇厚不膩🔹玉簪・鮑魚・金錢雞（元春）🔹南非八頭鮑魚以鮑魚汁慢燜，軟腍彈牙，搭配玫瑰露冰肉和梅頭肉叉燒，三者交融，是今晚最愛的菜式之一🔹花膠・銀杏・苦瓜・蘿蔔（林黛玉）🔹大粒元貝為主角，搭配松茸、雜菌、甘筍製成的微酸蛋黃醬，焗至金黃，醇厚不膩🔹玉簪•鮑魚•金錢雞（賈元春）🔹南非八頭鮑魚以鮑魚汁慢燜，軟腍彈牙，搭配玫瑰露冰肉和梅頭肉叉燒，三者交融，是今晚最愛的菜式之一）🔹花膠•銀杏•苦瓜•蘿蔔（林黛玉）🔹蘿蔔雕成小盒，內藏苦瓜、銀杏、豆腐、花膠等，甘香與軟滑兼備🔹鹹魚•星斑•泡飯（巧姐）🔹濃郁鹹魚湯底裡混入香炸星斑、爆炒鹹魚、燒肉、蝦米和香芹，鹹香撲鼻。紅脆米混入白飯增添口感，湯飯暖胃又滿足！本人本身唔係太喜歡食泡飯，但食上去，混合彗星班，感覺每一啖都非常滋味。🔹珍珠•紫薯慕斯（賈迎春）🔹白朱古力外殼包裹細膩的紫薯慕斯，內藏紅豆爆爆珠，旁邊更有白酒啫喱，配搭可口創新另加餐酒配對每位 HK$368另正價加一服務費Lion Rock at Royal Plaza Hotel presents紅樓夢其實是一種象徵主義及語言，相信餐廳希望以紅樓夢為名，令每個顧客都好像進入了夢境一樣，並且像紅樓夢一樣，成為中國文學最偉大作品之一。…Read More

喜歡帝京酒店獅房菜，除了可在獅子山下悠然享受餐點外，亦因為佢周不時俾到驚喜我，如今期的小王子下午茶。精緻到不得了的小王子奇妙旅程下午茶，就是器皿也是調色盤的形狀，配合色彩繽紛的美食，無論你是否小王子的粉絲，也必定會中意。呢個下午茶Set，包含四款咸點，與及五樣甜食。由咸回開始講起，牛油果這健康食物相信大家都會喜歡，將牛油果做成果蓉，放左鬆脆的米餅上，加以蟹肉作點綴，口感豐富，健康又好味道。炸得香脆的薯仔波波，混入巴馬火腿及芝士，以香草茄蓉醬墊底，好隱陣既組合，而這重外脆內柔軟的口感，同埋咸香，輕易討好我。煙三文魚慕絲撻，本身已美味，再加以黑魚籽作點綴，顯得份外矜貴，多一點的咸香的出品也令人動容。看見鴨肝醬脆餅配紅桑子啫喱的外觀，起初我還以為是甜點。從來喜歡肝醬既我，對此是沒有抵抗能力的。幾款甜吃也是色彩斑斕，如將經典的馬德蓮蛋糕披上黃金外衣，即刻Sharp醒左好多。這個B612星球，查實係藍莓芝士白朱古力慕絲蛋糕，唔會話死甜，加入藍莓醬及藍莓芝士，咸甜交錯的口味幾有驚喜。雲端上的書本，真身是雲呢拿香橙慕絲蛋糕，最中意橙香平衡了成件事，吃起來多一份清新感覺。紅桑子歌劇院蛋糕，造型像是小小的行李箱，叫得做Opera，不用懷疑，層次就是豐富。最後出場，是仙氣滿滿的玫瑰花，佢其實係櫻桃開心果慕絲蛋糕，入口細滑，味道酸香，估唔到佢除左靚，更加係全部甜品之中我最喜歡的口味。兩杯飲品，分別叫The Rose及The Adventure，前者竟真有玫瑰花冰出現，艷壓全場，味道也是帶有花香的乳酸飲品，精彩。The Adventure則是甜橙苿莉梳打，猶如小王子遇到玫瑰開心時，那藍天白雲、晴空萬里的心情。悠然地享受著如斯精彩的小王子下午茶，感覺也特別夢幻~…Read More