影片
更多
2024-04-17
12305 瀏覽
今次試Grand Hyatt 茶園既buffet，tea set食過但buffet真係第一次，以前食buffet多數去落下面間grand cafe，依家先知茶園都有做buffet 有一項頭盤可以選，非任食 當中有龍蝦，龍蝦有三種煮法: 清蒸、蒜蓉牛油同芝士焗 聽講芝士焗會好乾所以我要左蒜蓉牛油 清蒸應該係保持到最好既肉質，但係之前既buffet實在食左太多既清蒸版本，今日想食下新野 呢場賣點應該繼續係生蠔，有兩款，味道都唔錯，不過唔算大隻，同埋唔係即開果種新鮮程度 其他海鮮有蝦、蟹腳、青口之類 蟹腳係我重點，因為我唔食蠔 不過佢既蟹腳就比較麻麻，已經唔算大隻，仲要好好好好咸 作為蟹怪我真係好少食一碟就收手，但今次我真係冇再食第二碟 而且我成餐飯都係保持住好口渴既狀態 唔知係咪因為太口渴係咁飲水既關係，好快就飽左，除左龍蝦湯我都冇再二刷野食偏向西式，冇好似平時常見既燒味區、咖哩區、粉麵區、刺身區 芝士區都很不錯，款式好多，而且已經有埋蜜糖係度(小敝步，蜜糖水好好飲) 其他西式熱盤食品都唔差，但又冇邊款特別出彩，比較有記憶點: - 法國田螺好食! 幾大隻, 入味又彈牙 - 已經冇左鵝肝，
有一項頭盤可以選，非任食 當中有龍蝦，龍蝦有三種煮法: 清蒸、蒜蓉牛油同芝士焗
聽講芝士焗會好乾所以我要左蒜蓉牛油
清蒸應該係保持到最好既肉質，但係之前既buffet實在食左太多既清蒸版本，今日想食下新野 呢場賣點應該繼續係生蠔，有兩款，味道都唔錯，不過唔算大隻，同埋唔係即開果種新鮮程度
其他海鮮有蝦、蟹腳、青口之類
蟹腳係我重點，因為我唔食蠔 不過佢既蟹腳就比較麻麻，已經唔算大隻，仲要好好好好咸
作為蟹怪我真係好少食一碟就收手，但今次我真係冇再食第二碟
而且我成餐飯都係保持住好口渴既狀態
唔知係咪因為太口渴係咁飲水既關係，好快就飽左，除左龍蝦湯我都冇再二刷
野食偏向西式，冇好似平時常見既燒味區、咖哩區、粉麵區、刺身區
芝士區都很不錯，款式好多，而且已經有埋蜜糖係度(小敝步，蜜糖水好好飲)
其他西式熱盤食品都唔差，但又冇邊款特別出彩，比較有記憶點:
- 法國田螺好食! 幾大隻, 入味又彈牙
- 已經冇左鵝肝，得鵝肝醬，好腥
- 反而佢塊包好好食! 推薦用黎點龍蝦湯 - 龍蝦湯係全場水準最高菜品之一，好香濃郁但冇負擔感，入口好順
- 薯條隔離有黑松露牛油，超級配
- 炸魚都唔錯，唔算炸得好油，魚肉好厚 - 炸軟殼蟹就唔得，勁油又少肉
- 意大利雲吞好香，個餡好食，但皮就有點乾，皮有d位好硬....好似未熟晒咁
- 獨獨有味燒肉混左係熱盤中，但質素一般，皮都仲脆但又帶點un 似係放左好耐好耐
雖然冇刺身區，不過就有煙燻三文魚，厚切的，味道都很好哦
甜品區有即煮pancake同waffle
蛋糕款式較少但都高質，缺點又係全部大size，我地成台人share一碟先搞得掂
不過賣相又真係靚過平時d 一 小舊
另外都仲有d小蛋糕同truffle chocolate
雪糕唔知係自家製定現成? 香橙sorbet好清甜解渴
整體環境好寧靜舒服，仲有live 樂手表演，真係差唔多彈足全程值得一讚係呢度幾乎每個，唔係個別一兩個，侍應都好好
有禮貌、貼心、主動同你有互動、真係專業得黎又有溫度，好滿意
張貼
