影片
更多
2022-11-23
52 瀏覽
今次第一次黎, 食完立即直入2022我最喜愛餐廳top 10❤今次食既係三日月A5宮崎和牛鮑魚一人前套餐$998/位, 食材優質, 師傅有功架, 物有所值既一餐。前菜三小點味噌豆腐+茄子+煙燻雞刺身, 由淡至濃, 個人認為上得雞刺身既餐廳一定對自己食材有信心,係香港唔係好多餐廳食到。時令生蠔第二道菜已經好開心,隻蠔新鮮肉厚, 清爽鮮甜。沖繩海葡萄沙律平時食既都係千篇一律, 今次用上海葡萄帶咸鮮味, 味道豐富左冇咁悶!刺身五點赤身+拖羅+油甘魚+帶子+牡丹蝦, 師傅片片厚切, 入口就知有幾鮮, 拖羅更加係入口即溶, 未到戲肉已經有幸福感。活南非鮑魚由細到大食鮑魚都會扔左內臟個忽, 係近年先成日聽人講原來日本人會食埋佢當下酒菜。今次終於比我試到, 師傅加左d鹽去燒, 原來真係好鬼香!鮑魚肉口感軟彈帶鮮味。 深海野生白鱈魚志在食魚本身既鮮味, 無用太多調味, 以自家製白蜆汁襯托,魚肉一絲一絲嫩滑中帶口感, 自帶陣陣魚油香。另外朋友揀既帝皇虎蝦都超正, 係心機菜黎, 拆哂殼還原蝦既模樣, 啖啖肉好似食龍蝦咁! 鹿兒島黑毛豬肩先慢煮後煎香既方式, 少有食到豬既juicy, 有肉香而不酥。茶碗蒸
今次食既係三日月A5宮崎和牛鮑魚一人前套餐$998/位, 食材優質, 師傅有功架, 物有所值既一餐。
前菜三小點
味噌豆腐+茄子+煙燻雞刺身, 由淡至濃, 個人認為上得雞刺身既餐廳一定對自己食材有信心,係香港唔係好多餐廳食到。
時令生蠔
第二道菜已經好開心,隻蠔新鮮肉厚, 清爽鮮甜。
沖繩海葡萄沙律
平時食既都係千篇一律, 今次用上海葡萄帶咸鮮味, 味道豐富左冇咁悶!
刺身五點
赤身+拖羅+油甘魚+帶子+牡丹蝦, 師傅片片厚切, 入口就知有幾鮮, 拖羅更加係入口即溶, 未到戲肉已經有幸福感。
活南非鮑魚
由細到大食鮑魚都會扔左內臟個忽, 係近年先成日聽人講原來日本人會食埋佢當下酒菜。今次終於比我試到, 師傅加左d鹽去燒, 原來真係好鬼香!鮑魚肉口感軟彈帶鮮味。
深海野生白鱈魚
志在食魚本身既鮮味, 無用太多調味, 以自家製白蜆汁襯托,魚肉一絲一絲嫩滑中帶口感, 自帶陣陣魚油香。
另外朋友揀既帝皇虎蝦都超正, 係心機菜黎, 拆哂殼還原蝦既模樣, 啖啖肉好似食龍蝦咁!
鹿兒島黑毛豬肩
先慢煮後煎香既方式, 少有食到豬既juicy, 有肉香而不酥。
茶碗蒸
蛋蒸得滑溜, 中意加埋三文魚籽更鮮味~
櫻花蝦炒飯
粒粒分明, 櫻花蝦帶出咸香味道, 另外仲準備左高湯可以做成茶漬飯, 口味完全大變化
最後有口味清爽既荔枝雪糕為依餐完美作結。由頭到尾都食得好盡興, 每道菜都超水準!
張貼
