牛站(駅)麻辣火鍋放題

營業中

休息中

今日又去咗旺角食牛站放題，12點去到出邊已經大排長龍。香港近年都好少見呢番景色，證明啲嘢係唔錯嘅。好在環境夠大可以容納超多人，2樓全層都係牛站放題。專門有一個區域係可以自己去拎飲品雪糕甜品同埋蔬菜熟食。4小時無限任食，打破咗放題食得匆忙嘅定律。唔單止有Häagen-Dazs雪糕仲有movenpick。次次嚟親我都會食兩隻😌坐低我哋就點咗個鴛鴦鍋。套餐裏面嘅所有肉類我都叫咗一次。蔬菜我食咗勁多出邊賣得好貴嘅羽衣甘藍。二百幾蚊真係超抵。我自己就最鍾意美國特級肩胛肉眼。一次過食咗四份。所有肉類都好新鮮。 服務都唔錯，一有清空咗嘅碟即刻有人幫你收走。呢間店可以無限回訪。👍🏻