影片
更多
2022-06-01
466 瀏覽
燒肉放題往往都會令人覺得油膩﹑款式有限﹑質素參差既問題，甚至聽朋友講有餐廳會利用拖延送餐戰術令你可以食到既燒肉份量有限 - 今晚小編與老公響銅鑼灣行街搵食個陣就試到間高質素既燒肉放題，值得推薦俾大家試下!和牛燒肉一郎位於銅鑼灣廣場一二期後街既十字路口旁，由港鐵銅鑼灣站C出口，一出地面既對面就會見到餐廳既招牌，非常方便!如果行樓梯上2樓既朋友，一上到去會俾兩隻牛牛擺設嚇一嚇，雖然唔騎上去但個尺寸都唔講得少，放公仔上去影張打卡相都唔錯 (可惜小編個日一心行街無帶，同埋最好問問店員先放，以免唔小心整爛就大鑊) >_<響門口見佢個Menu有分6個唔同價錢既燒肉放題，店員響門口主動介紹個陣提及到，任何放題都會包沙律吧﹑汽水﹑特調飲品及甜品都係任飲，而價錢分別在於放題A-B餐以美國牛為主﹑C餐以澳洲牛為主﹑而D-F餐就會以餐廳主打日本小田牛 - 和牛為主，然後再視乎價錢有更高級同多樣既和牛肉提供。考慮一陣後，小編與老公都決定試下套餐E，雖然價錢偏貴但因為見到有生牛肉料理，所以即管試試抵唔抵食先。可能店員都見我地有少少懷疑既眼神，佢地都即刻加以介紹 - 原來每間燒肉一郎都會有本日黑毛
和牛燒肉一郎位於銅鑼灣廣場一二期後街既十字路口旁，由港鐵銅鑼灣站C出口，一出地面既對面就會見到餐廳既招牌，非常方便!
如果行樓梯上2樓既朋友，一上到去會俾兩隻牛牛擺設嚇一嚇，雖然唔騎上去但個尺寸都唔講得少，放公仔上去影張打卡相都唔錯 (可惜小編個日一心行街無帶，同埋最好問問店員先放，以免唔小心整爛就大鑊) >_<
響門口見佢個Menu有分6個唔同價錢既燒肉放題，店員響門口主動介紹個陣提及到，任何放題都會包沙律吧﹑汽水﹑特調飲品及甜品都係任飲，而價錢分別在於放題A-B餐以美國牛為主﹑C餐以澳洲牛為主﹑而D-F餐就會以餐廳主打日本小田牛 - 和牛為主，然後再視乎價錢有更高級同多樣既和牛肉提供。考慮一陣後，小編與老公都決定試下套餐E，雖然價錢偏貴但因為見到有生牛肉料理，所以即管試試抵唔抵食先。
可能店員都見我地有少少懷疑既眼神，佢地都即刻加以介紹 - 原來每間燒肉一郎都會有本日黑毛和牛既產地及批次編號，同時佢地都會唔介意將和牛放響當眼既雪櫃內，如果真係有懷疑，可以要求佢地提及和牛既驗證編號，以便你即時去日本農林水產省既網頁內查詢批次是否正貨。有哂每隻牛既出生同屠宰史，小編都真係佩服佢地準備既資料!
入座之前都望望沙律吧同飲品區先 - 小編最深刻佢地既特調飲品款式好多，而且除左會令人飽肚既果汁外，仲有唔同種類既水果茶﹑當然仲有熱茶包既茶，夠哂貼心。
燒爐方面，有別於比較多數餐廳使用既圓形爐，燒肉一郎選用長方形既爐，或者方便上菜個陣有足夠既空間放吧；雖然尺寸上相對比較細但火喉夠，而且響爐邊既抽風力都幾強，所以響燒牛肉個陣既火力都足夠。
正式正式講野食喇，小編與老公因為太為食關係，而揀既E餐大大話話有92款食物可選擇，我地盡量揀選精選既肉類同大家介紹同推介喇：
1) 本日の寶箱 (D-F餐 - 每枱只有1客)：高度推介。寶箱其實係即切既和牛肉眼，淨係睇和牛既紋理已經係值回票價啦! 店員會幫你燒埋所以唔駛擔心會浪費 - 肉眼既肉質嫩，而且真係有種入口即溶既感覺，呢刻會覺得和牛既油脂並唔會影響你任何食慾，相反寶箱作為開頭既菜式令你想繼續品嘗其他牛肉。
本日の寶箱 - 和牛肉眼
12 瀏覽
0 讚好
0 留言
本日の寶箱 - 和牛肉眼
12 瀏覽
0 讚好
0 留言
本日の寶箱 - 和牛肉眼
15 瀏覽
0 讚好
0 留言
3) 牛外橫隔膜 (A-F餐)：OK。都係以咀嚼既感覺為主但因為橫隔膜小編好少試到所以覺得得意既!
和牛里脊肉 + 牛外橫隔膜
10 瀏覽
0 讚好
0 留言
4) 和牛牛肋肉 (D-F餐)：高度推介。如果剛才肉眼入口即溶既感覺想繼續有既話，牛肋肉既入口即溶而豐有均勻油脂既情況會令你有驚喜。相對肉眼牛肋肉會更快燒熟，5成左右既熟度就剛剛有肉汁既濃香同即溶既效果。
5) 和牛西冷 (E-F餐)：推介。西冷既油脂排列會明顯得多，所以口感上會令你即刻分為肉同脂肪味道上唔同，再咀嚼個陣融合埋一齊會令人響往!
6) 薄切上等牛舌芯 (A-F餐)：推介。薄切既牛舌芯方便你可以在爐內以幾秒既速度即刻燒肉﹑反轉﹑再上碟，牛舌芯特色有彈口既感覺，好味!
薄切上等牛舌芯
10 瀏覽
0 讚好
0 留言
7) 特上牛舌棒 (E-F餐)：高度推介。平時食開切片，原來牛舌棒可以有咁上下粗度，經店員既溫馨提醒下，燒個陣可以每條長邊咁燒至表面微燶，然後再90度轉，當你燒到最後一面個陣，牛舌既深度都會剛好熟而食得。如果燒得靚既話就會好似食廚師腸個質感，但同時有香濃既肉味!
特上牛舌棒
32 瀏覽
0 讚好
0 留言
大判壽喜燒牛里脊肉
36 瀏覽
0 讚好
0 留言
薄灸蔥花牛舌 (鹽味)
13 瀏覽
0 讚好
0 留言
和牛薄灸里脊肉
17 瀏覽
0 讚好
0 留言
和牛薄灸里脊肉
19 瀏覽
0 讚好
0 留言
表面上已經食左咁多牛肉，正常都會覺得飽肚? 唔會，呢間餐廳既肉好多都係薄切所以唔會令你有太強既罪惡感。
小編入座個陣為左生牛肉料理而揀左E餐，即管試下佢地相關既料理先!
11) 生牛拖羅刺身 (白身，E-F餐)：高度推介。可能你會覺得生既油脂一定會好難咬開：其實唔一定既，拖羅刺身既油脂比較易即刻咬開，而牛肉本身既油香都即刻食得出黎。如果怕生牛肉既所謂腥味既話，拖羅刺身會岩你。
12) 生牛肉刺身 (赤身，D-F餐)：高度推介。以小編既立場，無論係白身定赤身都有佢獨特既口感，赤身會比較需要咀嚼，建議落少少薑蓉一齊食就會無左頭先講既所謂腥味!
生牛拖羅刺身 + 生牛肉刺身
8 瀏覽
0 讚好
0 留言
特選拌生牛肉
74 瀏覽
0 讚好
0 留言
15) 香蔥生牛腹肉碎壽司 (D-F餐)：OK。有埋香蔥既配搭個效果又唔錯! 一口既壽司會令你覺得滿足既。
生牛中腹肉壽司 + 香蔥生牛腹肉碎壽司
26 瀏覽
0 讚好
0 留言
食左咁耐其實都離埋單仲有30分鐘，店員都會幫你預先埋單及提醒落最後1張單。小編與老公響最後既作戰中都有兩樣特式食物想推介俾大家：
16) 明太子薯仔沙律：一般既明太子沙律都偏向咸而且明太子量少，但呢間餐廳撈出黎既味道好明顯落足料，甚至會令你食到明太子過多而有既苦味，用黎中和下牛肉油脂都唔錯。
明太子薯仔沙律
18 瀏覽
0 讚好
0 留言
17) 紅豆夾心鯛魚燒：響接近門口既地方就係雪糕區，而當中玩得又食得既必選鯛魚燒：只要你用細火將鯛魚燒放上燒爐，耐心既慢慢反轉，當鯛魚燒表面開始燶個陣，同時內裡雪糕層既表面都溶化個刻，就係最最最好食既時間。表面既暖加上內裡既涼係完美既享受!
紅豆夾心鯛魚燒
31 瀏覽
0 讚好
0 留言
整餐晚飯和牛質素又高﹑又有得玩有得食﹑地點又方便，小編與老公都認為燒肉一郎係值得推薦俾大家去試。理解E餐人均消費超過800蚊係好貴，所以如果想試和牛既款式既話，C餐或D餐價值差100蚊情況下，會推薦大家試下D餐吧!
題外話/補充資料：
聽店員介紹個陣，除左午市都有燒肉既套餐外，佢地響部分分店已經引入「燒肉新幹線」(類似某連鎖壽司店)既智能化送餐模式，除左可以令店員更專心服務客人外，亦可以盡量避免送錯單吧；睇返餐廳既官網原本佢地已經響佐敦﹑將軍澳同荃灣都有分店，岩哂小編與老公鍾意周圍搵食，甚至係當區鍾意食燒肉既牛魔王朋友仔。
另外，再次再次要欣賞店員會間唔中留意大家燒肉既情況，一發覺大家燒既方法唔岩，甚或見到大家無從入手點燒個陣，佢地都會主動問下有無需要幫手燒 (特別係貴價肉)。
(以上食評乃用戶個人意見 , 並不代表OpenRice之觀點。)
張貼
