影片
更多
2011-08-16
128 瀏覽
(13-8-2011 Sat)同男友去Sky100前,先食飽飽,我o地等車落荃灣,但等好耐都冇車,去葵芳地鐵o既巴士到o黎,我問男友轉唔轉呔落葵芳食o野?佢答轉啦.好,o黎到葵芳,大家樂太多人,唔食.o係葵涌廣場內搵o野食,原本想搵越南o野食,搵唔到,見到呢間,唉!苦無選擇同時間緊迫下,就呢間啦.坐低睇好耐,我揀o左$21.00o既小鍋米線餐,鍋底配料已有炸醬,酸菜,芽菜同韭菜.而每加一個餸要$5.00.咁我要貢丸同龍蝦丸(唔辣),要凍奶茶(冷熱飲品已包).男友就要$22.00o既蒜泥白肉同韭菜豬肉餃,老闆娘問佢要幾多粒?佢睇睇,話要$18.00有6粒o個隻,老闆娘話6粒冇飲品.男友就揀$24.00有8粒o既,咁就包喇,佢要凍檸茶少甜.老闆娘問要咩味o既餃子?男友都係答韭菜豬肉;老闆娘建議兩隻味(椰菜豬肉)都要啦,咁好啦,一樣一半.3分鐘後,我o既小鍋米線到o黎,食吓先,貢丸同龍蝦丸都冇味,配料中冇酸菜,換o黎o既係芫茜,韭菜得o個三條.米線唔算多,但男友就讚微辣o既湯幾好味.之後飲品到o黎,個妹妹仔拎三杯o野飲o黎問我o地要咩o野.感覺好似係我可以臨時轉呔同揀o野飲,佢求祈擺低兩杯,
好,o黎到葵芳,大家樂太多人,唔食.o係葵涌廣場內搵o野食,原本想搵越南o野食,搵唔到,見到呢間,唉!苦無選擇同時間緊迫下,就呢間啦.
坐低睇好耐,我揀o左$21.00o既小鍋米線餐,鍋底配料已有炸醬,酸菜,芽菜同韭菜.而每加一個餸要$5.00.咁我要貢丸同龍蝦丸(唔辣),要凍奶茶(冷熱飲品已包).男友就要$22.00o既蒜泥白肉同韭菜豬肉餃,老闆娘問佢要幾多粒?佢睇睇,話要$18.00有6粒o個隻,老闆娘話6粒冇飲品.男友就揀$24.00有8粒o既,咁就包喇,佢要凍檸茶少甜.老闆娘問要咩味o既餃子?男友都係答韭菜豬肉;老闆娘建議兩隻味(椰菜豬肉)都要啦,咁好啦,一樣一半.
3分鐘後,我o既小鍋米線到o黎,
食吓先,貢丸同龍蝦丸都冇味,配料中冇酸菜,換o黎o既係芫茜,韭菜得o個三條.米線唔算多,但男友就讚微辣o既湯幾好味.之後飲品到o黎,個妹妹仔拎三杯o野飲o黎問我o地要咩o野.感覺好似係我可以臨時轉呔同揀o野飲,佢求祈擺低兩杯,
我睇我o既’奶茶’咁深色,應該係凍華田,飲吓先,,果然係.妹妹仔,你可唔可以唔好咁懶?睇睇老闆娘寫我o地order o左咩o野好過啦.講返呢杯o野飲,好淡好淡.
之後,蒜泥白肉終於到o黎,
男友撈好晒就食啦.肥豬肉都幾薄,冇味,原來呢個小食咁易做,只要灼熟豬肉片,加生蒜同豆瓣醬自己撈勻就掂,無須任何技巧.又再等幾分鐘,餃子至到,
食吓先,椰菜豬肉味道清淡,韭菜豬肉味道自然濃啲,冇乜問題.由於我o地想食飽啲至去Sky100,所以又叫$22.00o既滷水雞中翼,我估佢一碟四件,但都問一問.老闆娘答六件.我心諗應該唔大隻,我照order.又等好耐,終於到o黎,
呢個已經係整定o架啦,點解都要等咁耐?而且都唔係熱.睇睇又唔算細隻喎.滷水味夠,不過我o地要速食啦,因為都幾趕.
其實呢o度o野食唔係話好好食,人多只因佢o地o野食上得慢啫.
張貼
