牛品台式火鍋

營業中

休息中

鍋底揀左元氣養生鍋，揀左牛御品套餐，牛肉的款式頗多樣化，包括有澳洲M9 和牛 、美國牛肩胛、美國頂級封門柳、特上牛小排及牛舌，非常抵食，當中封門柳最有肉味又軟腍，醉雞件好入味，好濃花雕酒味。海鮮類有大蝦、墨魚仔、青口、沙白、帆立貝，有特別手打海鮮漿提供，有花枝漿同章魚漿，各具特色，同樣鮮美又彈牙，高質必試之選。每位送一隻鮮活鮑魚。餐廳提供多款經典台式小食，包括滷水牛根牛肚&豬耳、台灣腸、鹽酥雞、麻辣鴨血、甜不辣、地瓜丸，全部新鮮即製，上枱時熱辦辣香噴噴，好似去左夜市掃街咁，每樣小小份可以試哂咁多款。吸引之處係甜品，多款 Haagen-Dazs 雪糕任食，呢晚有栗子撻味、抹茶、夏威夷果仁，仲有台式甜品自助吧，可以配搭不同款式，最鍾意係檸檬愛玉同芋圓。