影片
更多
2022-08-06
7344 瀏覽
餐廳係Ritz-Carlton酒店的102樓，係米芝蓮二星的中菜廳。落地大玻璃窗，可以俯瞰香港的景色，天氣好的時候真係無得頂。終於有機會黎食午餐喇，食物高就無容置疑，服務都相當貼心。當日就無晒窗邊位，坐左係中間，但食到咁上下有客人走左，侍應就主動問我地要唔要坐窗邊🥰即刻話好啦😍揀左啲招牌點心、預先訂左叉燒、最後再叫甜品，都食到好飽好滿足😋直接總結的話，雖然價錢係貴，但食物質素加上無敵景觀，佢拎米芝連二星真係當之無愧💯🔸中東吉品鮑魚酥原隻鮑魚放在牛油撻上，已預先切開方便進食。鮑魚炆得入味、彈牙，旁邊仲有好純正鮑魚汁。牛油撻焗得酥脆，中間仲有黑椒鴨粒，味道好豐富😋🔸雪影焗菠蘿叉燒包頂層似墨西哥包的酥皮好鬆化，味道甜甜地，個包好軟熟，即叫即焗，咬開仲出煙架😆🔸窩貼大蝦多士🦐大蝦開邊，肉質爽口鮮甜，成件多士脆口而唔油膩，記得要點甜酸汁，開胃好多🔸龍鳳燒賣燒賣大大粒，一粒係帶子鋪面，一粒係鮮蝦，帶子個粒超級鮮甜，好好味🥰🔸黑豚肉煎鵝肝卷🐷個人就覺得呢個稍為失色，本身豚肉包住鵝肝煎都幾香，但太多芡汁蓋住，成個卷好淋🤔🔸蜜燒西班牙黑豚肉叉燒呢個招牌叉燒要預訂，現場叫都未必有多。用上西班牙伊比利黑豚肉
🔸中東吉品鮑魚酥
原隻鮑魚放在牛油撻上，已預先切開方便進食。鮑魚炆得入味、彈牙，旁邊仲有好純正鮑魚汁。牛油撻焗得酥脆，中間仲有黑椒鴨粒，味道好豐富😋
🔸雪影焗菠蘿叉燒包
頂層似墨西哥包的酥皮好鬆化，味道甜甜地，個包好軟熟，即叫即焗，咬開仲出煙架😆
🔸窩貼大蝦多士🦐
大蝦開邊，肉質爽口鮮甜，成件多士脆口而唔油膩，記得要點甜酸汁，開胃好多
🔸龍鳳燒賣
燒賣大大粒，一粒係帶子鋪面，一粒係鮮蝦，帶子個粒超級鮮甜，好好味🥰
🔸黑豚肉煎鵝肝卷🐷
個人就覺得呢個稍為失色，本身豚肉包住鵝肝煎都幾香，但太多芡汁蓋住，成個卷好淋🤔
🔸蜜燒西班牙黑豚肉叉燒
呢個招牌叉燒要預訂，現場叫都未必有多。用上西班牙伊比利黑豚肉，肉質軟嫩、肥瘦均勻，蜜糖均勻包住叉燒，甜度剛好，如果用黎送一碗叉燒飯真係一流。
🔸炸釀蟹蓋🦀
去親高級中菜都會想叫個試下😗外皮炸粉薄身又脆口，載滿絲絲蟹肉，佢既質感比較creamy，洋蔥的份量適中，增加口感又唔會搶左蟹的鮮味，宜家諗返都好回味🤤
🔸鮑粒荷葉飯
荷葉飯好香，用料好足，連蝦乾都好大隻。睇落好似細細個，但筆起上黎分到兩碗，食極都有咁。
🔸傳統酥皮蛋撻🥧雪燕鮮奶布甸🍨
50蚊一件的蛋撻🥲下次係街買幾蚊個算🤣
📍#天龍軒 (#尖沙咀美食)
尖沙咀香港麗思卡爾頓酒店102樓
張貼
