燒烤堂

營業中

休息中

今日去食咗好多串串燒，我哋兩個人食咗大概$700然後好飽連甜品都食埋。當中最感到出色嘅係波板糖同埋牛胸油，串燒店食牛胸油真係未試過，果然係10分出色，充滿牛油嘅香氣，但係又唔會好肥膩。波板糖嘅醬汁點起嚟將肉嘅肥膩咁帶走，層次再昇華。甜品方便湯圓有驚喜，煙煙韌韌，仲配有花生碎。今日嘅晚飯有一啲小插曲令我哋真係感受到店員由心而發出來的待客之道。我哋將成杯奶昔倒瀉咗，因為奶昔嘅質感比較厚，真係令我哋要清潔咗好耐。店員毫無怨言，一直以笑容幫忙處理，見到我哋唔好意思嘅樣仲不斷咁話唔緊要話佢自己都會倒瀉嘢。然後佢冇收我哋錢直接將一杯全新嘅奶昔換過俾我哋，然後仲話驚地下，因為有啲死角位未清潔好不斷咁提醒我哋出位時小心留意。當晚真係留意到全間店嘅所有店員都係笑容滿面，而且反應10分快，10分美好的一個晚上。