瀧宴日本料理

營業中

休息中

首先，自家製汁煮鮑魚非常入味，而且又大隻，口感爽口彈牙，自家製嘅醬汁非常惹味，更帶出了海水嘅鮮味，上面放了京蔥裝飾，下面配了蘿蔔蓉。刺身有深海池魚、吞拿魚、針魚，每樣都非常新鮮，尤其係呑拿魚，色澤紅潤，油脂洋溢，好美味。之後上枱嘅吞拿魚蔥壽司外觀好吸引，下面係米餅，上面係呑拿鮮蓉，中間係飯，好似三文治咁，灑上了芝麻和香蔥。呢度提供左漬物，食完每道菜都可以清一清味蕾。接着就到松葉蟹鮮海苔茶碗蒸，松葉蟹肉鮮甜又美味，海苔同蟹肉好夾，蛋非常滑嫩。之後就到鐵板燒，澳洲龍蝦係主角，蝦肉非常美味，主要用咗龍蝦膏作為醬汁調味。法國鵝肝主要配左黑醋，非常美味，另外仲有黑豆在最後點綴。牛肉廚師會分開厚燒和薄燒，厚燒肉汁鎖住左好juicy，配有岩鹽同埋蒜片。最後，仲有煙肉炒飯和炒雜菜配自家製蔥蒜醬，食到好飽，再飲埋螺頭松茸湯，以及藍莓汁櫻花啫哩作為甜品。