一鍋堂 (XX Arcade) (已結業)

今日去旺角做嘢，就去一鍋堂打邊爐。100分鐘午市火鍋放題有3款，我就選了B款-特選安格斯牛和豬骨清湯。一入門口就見到有飲品櫃和好多小食，例如麻辣豬耳、土豆絲、沙律菜……等候湯底上枱時，可以攞住小食飲品，我覺得要飲自家製涼茶之金羅漢果雪梨清潤茶，清甜滋潤。入座後即刻掃掃QR code，B款中豬牛羊齊備，各式各樣雜丸、餃子、炸魚皮、響鈴、粉麵等。幾款牛裏面，以封門柳嘅味道最濃郁，每片薄薄地，都幾嫩滑；牛脷心托爽口。美國安格斯牛肉和精選進口牛板腱，兩款肉質都比較結實，牛味濃郁。西班牙栗飼豬肉，呢款豬肉嫩滑，唔會有豬羶味，我瘋狂到點了三次。手作豬肚丸黑椒味很濃，仲食到豬肚粒；手打蝦滑都幾彈牙；最後再食一個青綠脆口嘅唐生菜，粉麵雪糕都已經食唔落。食品飲品選擇多，落單容易，上菜快，唔會漏單，侍應服務好，收碟快，100分鐘吃喝不停。