新泰東南亞餐廳

營業中

休息中

今日好開心去咗尖沙咀嘅一間餐廳食泰國嘢，估唔到尖沙咀有一間咁平靚正嘅泰國菜仲係好方便，地方好闊落，去到門口嘅時候，已經勁多人排隊，證明呢一間餐廳一定好受歡迎， 佢哋餐廳每一碟嘅份量都好多，加上個汁酸酸辣辣好開胃，我哋叫咗一個椰汁冰，椰汁同埋紅豆真係好夾，分量十足，所以好抵叫呀！仲有通菜，香辣海鮮炒河粉，全部味道都好香濃，同埋全部都係新鮮出爐，即叫即炒，食泰國嘢仲要一定要叫嘅係串燒，所以叫咗個串燒拼盤，咩都有得食，牛雞豬都有齊晒，配埋個醬汁真係一流呀，好開胃，肉都大大份，個雞肉好鮮嫩，好多汁，好有好感，所以10分推介，而且呢度嘅環境衛生都好乾淨， 好企理，侍應服務態度良好，侍應好有笑容，服務一流，有賓至如歸的感覺，所以我覺得呢一間餐廳好岩一班朋友聚會來呀