影片
更多
2024-04-11
219 瀏覽
經常社交平台 見到廣告彈出黎介紹村爺爺湯飯好食，抵食，今日突登行去試下。鋪頭位於砵蘭街較靜處，晚上8點半都有7-8成滿座，心諗應該都唔會伏？聽到隔離枱一坐底就叫 「2號」，感覺似熟客，又見寫住No1 最受歡迎之選，即跟。另一碗揀左FB係咁賣廣告既龍蝦湯底。2號 = 花膠螺頭雞煲 HKD 68+ 套餐要15蚊包飯包生菜湯既面頭，有2條望落以為腐竹同雞柳，食落先知係花膠同螺頭。花膠好靭，唔淋！加上腥腥地！螺頭似煲左唔知幾多個鐘湯，雖淋但螺頭味道全失。各限1條。最重要既雞湯頭，啖啖見肥油，但一d都唔濃郁，好稀身既雞湯。雞肉成半隻咁上，正常發揮，除左雞髀，其他位置都鞋鞋地。黑毛豬鮮雞雜菌龍蝦湯 HKD90 連一碗白飯秘製辣椒豉油要加2蚊。黑毛豬係平時火鍋任食最平質素果d肥豬肉，偏肥！鮮雞係普通冰鮮雞，但冇乜雪味。雜菌係厚切雞脾菇同金菇。湯頭，OMG! 唔講真心唔知係龍蝦湯。直情連蝦湯，海鮮湯都稱唔上！我會當佢係一碗好普通好普通既肉湯，但我寧願去食譚仔既清湯呀！ 仲要90蚊一碗🥲唔知係味叫左黑毛豬，成碗湯都見到好多油浮面。講真，由於睇左廣告，期待真心有。好伏，冇下次🙏🏾 想幫襯香港小店，但都希望
鋪頭位於砵蘭街較靜處，晚上8點半都有7-8成滿座，心諗應該都唔會伏？
聽到隔離枱一坐底就叫 「2號」，感覺似熟客，又見寫住No1 最受歡迎之選，即跟。
另一碗揀左FB係咁賣廣告既龍蝦湯底。
2號 = 花膠螺頭雞煲 HKD 68+ 套餐要15蚊包飯包生菜
湯既面頭，有2條望落以為腐竹同雞柳，食落先知係花膠同螺頭。花膠好靭，唔淋！加上腥腥地！螺頭似煲左唔知幾多個鐘湯，雖淋但螺頭味道全失。各限1條。
最重要既雞湯頭，啖啖見肥油，但一d都唔濃郁，好稀身既雞湯。
雞肉成半隻咁上，正常發揮，除左雞髀，其他位置都鞋鞋地。
黑毛豬鮮雞雜菌龍蝦湯 HKD90 連一碗白飯
秘製辣椒豉油要加2蚊。
黑毛豬係平時火鍋任食最平質素果d肥豬肉，偏肥！
鮮雞係普通冰鮮雞，但冇乜雪味。
雜菌係厚切雞脾菇同金菇。
湯頭，OMG! 唔講真心唔知係龍蝦湯。
直情連蝦湯，海鮮湯都稱唔上！
我會當佢係一碗好普通好普通既肉湯，但我寧願去食譚仔既清湯呀！ 仲要90蚊一碗🥲
唔知係味叫左黑毛豬，成碗湯都見到好多油浮面。
講真，由於睇左廣告，期待真心有。
好伏，冇下次🙏🏾
想幫襯香港小店，但都希望做生意既會愈做愈進步。
張貼
