村爺爺龍蝦湯.泡飯.燉湯專家

成日都見排隊。今晚行過，居然唔使排，即刻衝入去！好彩冇加錢叫龍蝦。因為實在太大碗，加埋龍蝦一定食唔晒！而佢哋不設外賣，亦都唔俾拎走，食唔晒會好嘥！當然我都係食淨晒啲麵！🤦🏻‍♀️先要讚吓，龍蝦湯底好味！👍🏻而我揀嘅牛魔王龍蝦湯泡麵就更加一流，佢裏面有好多菜，牛魔王係肥牛加鮮牛，再配牛丸！👍🏻👍🏻👍🏻下次都要encore! 但蘋果茶就非常淡，雖然都唔喜歡太甜，但佢好似太水，可能因為賣到尾聲，所以味道爭啲，蘋果味亦不足。如果之後可以有電子支付，咁就會更好！😊…查看更多

餐廳面積好細，高峰時間都要排少少隊，不過招呼好熱情。餐牌睇落有d 複雜，要花啲時間研究。:)龍躉三味龍蝦湯泡飯龍蝦湯底比預期嘅味道清淡一點。本身以為係好濃郁好重味嗰種湯底，但係飲落覺得係開稀咗龍蝦湯嘅味道，不過都夠味嘅，唔會淡，顯得冇咁膩。材料方面，龍躉肉好滑又爽彈，又有魚味，好味！但係缺點係同時有好多雞肉，而喺餐牌睇個名係估唔到會有咁多雞肉！d 雞肉多到唔想食。建議餐廳如果有一個option係淨係食龍躉肉會更開心。鮑魚花膠雞湯飯飯鮑魚花膠雞湯反而更驚喜。由於餐廳嘅名係以龍蝦湯為命名，原本冇特別期待雞湯嘅味道。但係食落反而好鮮甜，甜得來係有少少奶味。裏面嘅鮑魚都幾好味，材料都頗豐富。上湯菜心整體嚟講都滿意。…查看更多

龍蝦湯味精十分一重，混上大量生菜墊底，喝了兩、三口湯，味道怪，又口渴， 終於明白點解凍檸檬茶是大熱賣，雞肉醃製味道怪 和吾新鮮，花膠和小元貝完全沒有味道，唯一稱讚是魚腩鲜滑，沒有魚腥味，南乳雞翼只有少量南乳味，但有重重萬年油的油益味，凍檸茶正常。午膳入坐排隊安排混亂…查看更多

屋企住喺旺角，我當村爺爺喺我嘅食堂，點知發現依家越嚟越唔係幾啱味道。特別是牛魔王套餐，啲牛嘅質量真係好參差，最近一次真係差到連咬都咬唔開。樓面懶理，老細有時又唔喺度。 見到啲樓面態度又麻麻地，請幾個靚妹。有一次見到個客要咖喱汁，點知樓面掛住用電話OK完之後唔記得件事，要人哋再三催，態度又好似唔耐煩咁，其實已經比以前人流少咗好多，仲要咁嘅態度真係唔掂。 我都唔想見到呢間舖頭執少咗一個選擇，但真係搞不掂，短期內都選擇食其他，希望之後食翻會好食啦。…查看更多

想食湯飯，諗起村爺爺..於是就過去食吓啦！😬.叫咗 花膠．＜龍躉＞螺片雞海鮮龍蝦湯泡飯 $108如果要龍蝦，半隻就要另加$108/$128份量好足！超豐富嘅海鮮配料！除咗一塊龍躉，仲有蜆、魷魚、一隻青口，仲有薄薄一片花膠，湯底濃郁，夠味！.另外仲要咗no20. 姬松茸竹笙干貝螺頭煲雞 $88加＄15精套餐（絲苗米飯＋秘製鼓油，附送油菜一碟）佢既秘製鼓油 依然用嚟點乜幾好味🤤！有半隻雞，雞肉好嫩唔柴，姬松茸有少少乾，記得再泡埋湯先食！🤭.總括來講，呢兩款湯飯味道唔錯，湯底濃郁，海鮮新鮮，整體都係一個唔錯嘅選擇！👍…查看更多

今日和同事去了旺角的村爺爺龍蝦泡飯食午飯，真是讓人驚艷！一上菜，我就被眼前的美食震撼住了。這碗泡飯的分量實在是超足，老板真是太實在了！滿滿一大碗，各種豐富的配料讓人目不暇接。最引人注目的就是那碗湯，裡面不僅有鮑魚和花膠，竟然還有半隻雞！這樣的奢華組合讓人難以置信。一口湯下肚，鮮美的滋味瞬間充滿味蕾，讓我感受到深深的滋補。對於熬夜的上班族來說，這碗湯真是宛如救星，讓人瞬間恢復活力，鮮掉眉毛的感覺實在無法用言語形容。整體來說，村爺爺龍蝦泡飯不僅在口味上令人驚艷，分量也讓人滿意。不論是與同事聚餐，還是與朋友小聚，這裡都是一個值得一試的好地方！…查看更多

🧭 村爺爺龍蝦湯.泡飯.燉湯專家• 油麻地🍴油麻地砵蘭街72號地舖經過油麻地 又未到好肚餓，又想飲啲野。超級推薦去食雞湯煲。我食過一次已經成日叫男朋友帶我再去食🤤花膠螺頭雞煲⭐️⭐️⭐️⭐️⭐️我地淨係叫左淨湯，都好夠飽！因為！！！佢入面有半隻雞足料到 食哂就好多。佢係原半雞俾你，有手套自己慢慢撕黎食。啲雞肉一啲唔老，仲好滑添！佢個湯簡直係精華所在，吸哂雞既汁再加埋花膠螺頭，完全唔覺自己飲飲下就飲哂🤤🤤鐘意食雞既/鐘意飲湯既 必食！！佢可能加15蚊轉套餐有埋飯同菜添。見到隔離枱個海鮮煲都好足料，有成隻龍蝦🦞添架CP值高#hongkong #hongkongfood #foodstagram #foodie #gathering #food #香港#覓食 #香港美食 #旺角 #油麻地 #村爺爺 #泡飯#老火湯#美食推薦…查看更多

今次試咗呢間街坊狂推嘅📍村爺爺 佢哋一向以足料靚湯俘虜街坊嘅胃，果真係餓虎藏龍✨呢餐海陸空豪華盛宴 食完就即刻想Encore～👏【鮑魚花膠蟲草花雞煲翅🦪】蟲草花🍄嘅甘甜混合住老雞嘅濃郁，雞湯底用老火熬足6粒鐘，金黃到反光🥘！重點係👉🏻原隻溏心鮑魚🦪，咬落彈牙又juicy花膠仲厚過我塊面皮啊，膠質滿滿黏嘴魚翅絲毫不手軟，撈一啖仲有驚喜——半隻走地雞🐓肉質嫩滑到識跳舞飲完成碗都感覺自己嘅皮膚即刻嘭嘭聲😍【極上海鮮龍蝦湯泡飯🦞】用原隻澳洲龍蝦頭熬製嘅湯汁🦞橙紅色澤鮮甜到爆燈💡！泡飯配料多到瀉：帶子、青口、鮮蝦、蜆肉🦐🐚，每啖都係海洋嘅精華🌊！最正係加入脆米🍘，索曬龍蝦湯精華又keep住脆口，雙重嘅口感正到拍枱👐…查看更多

每次去開旺角油麻地唔知食乜，又想食啲清淡口味嘅，就會去湯爺爺度飲湯。每次都會飲椰子雞湯，對於細食嘅女仔，飲過湯入邊有半隻雞，其實都唔使加錢加套餐都已經飽。不過今次有啲唔開心，見到自己個餐其實一早已經ready，但係其他職員就係喺度傾偈，行行企企，完全冇幫我拎個餐，呢度扣咗分…查看更多

最近我去咗一間米線店，試咗佢哋嘅龍蝦海鮮湯米線，好食！湯底濃郁，味道鮮美，食完完全唔會口渴，真係唔少見。海鮮方面，真材實料，龍蝦同其他海鮮都非常新鮮，咬落去肉質鮮甜，配埋米線，簡直係完美組合。老闆好熱情，服務態度非常好，仲會主動介紹菜式，令我感到好受歡迎。環境都幾舒適，適合同朋友一齊嚟聚餐。價錢方面都合理，考慮到食材新鮮同湯底嘅用心，真係好抵食。唔怪之得要排隊食！如果你鍾意海鮮米線，呢間店絕對值得一試，肯定會令你滿意！下次一定會再返去，試下其他菜式！…查看更多

              - 花膠極上干貝龍蝦湯泡飯-滿滿既龍蝦湯鮮味,食到係用左唔少時間煮，湯汁的濃稠度和調味都好易入口，湯料好足，干貝勁多，青口，花膠都唔錯，份數好大               - 花膠螺頭雞煲 - 雞湯好香，飲落鮮甜雞有半隻，肉質唔嚡口，幾嫩，點埋個鼓油汁，相互融合，帶來豐富的口感和相當唔錯，好正加個油菜同飯加$15，但都新鮮，唔會好少份量，食到勁飽．樣樣都想試，但要留意好多都係龍蝦湯，如果想食龍蝦肉就要睇清楚邊個套餐有，或者另外加錢．加$2 配爺爺👴秘製辣椒鼓油，真心要加，好正…查看更多

從來未食過咁嘅湯。湯有味粉。食完一陣就會好 口渴。 叫咗個極上花膠龍躉泡飯。 好彩個白飯另上但真係唔掂。嗰堆餸好似打完邊度咁嘅狀況。起哂泡。係有龍蝦但得頭。 嗰塊龍躉片我真係冇食到起潺呀大佬。 成條鼻涕諗住舊魚點搞呀大佬我老婆 淨係嗌咗個 花膠蟲草花魚頭湯。都搞唔掂。我寧願自己去食打邊爐算啦。 全部嘢都係好似打完邊爐撈上嚟咁今餐劣食。 魚腥味極重。味精極重。 海鮮新鮮狀況“ 不生鮮”。淨湯。開頭以為係燉湯。點知又係火鍋湯咁。 全部嘅湯料都係拖咗水放落去。差＆劣冇下次:(…查看更多

哩間嘢成日都係排長龍聽人地講都好足料🤔跟住就去試吓。🍲【花膠龍躉翅螺片龍蝦】蜆肉魷魚煮出黎的確夠味🫠講真先試啖湯都唔會腥。泡飯味都好濃海鮮味同埋都好足料添🥰🥰魚肉就夠厚撈埋仲有好多沉底餸已經入咗味。🍲【花膠龍躉雞煲翅】雞直接煲入味，出汁浸到湯底度🥰🥰睇到湯頭都煲膠。而雞肉就鮮滑煮入湯汁唔帶腥且好有雞味夠Q弹。🧆【鵝腸皇拼黑毛豬片】鵝腸冇肥膏爽且香, 豬肉同樣冇豬腥味🥰🥰肉味十足唔會過於軟腍。…查看更多

叫咗個top2 姬松茸元貝雞湯加$15轉套餐一嚟到，我呆咗我係一名師奶，煲湯煲咗好多年憑我經驗話俾你聽：1）成煲嘢得一粒姬松茸，唔係擺落湯煲，係乾的！就咁俾你食，超震驚😨2）元貝仔係急凍元貝，好細隻，一啲味都冇😨我以為咁嘅價錢會可以係元貝乾煲湯真係傻咗3）雞湯一飲就知係假的，好濃科技味😨4）隻雞肥到嘔到打開都唔想食，有陣臭臭地嘅雞味😨5）識煮嘢食嘅人都知道煮竹笙個傘係唔食得，要掉的，仲要俾晒個傘我，垃圾！😨…查看更多

食2碗泡飯2碗入面都有蚊嘅屍體，我哋找員工處理，員工淨係比我笑容我，姐係點？笑完我要繼續食？我哋立即唔再食並起身離開，結賬時收錢位啊姐仲要態度好差反問我哋點解唔同佢講？我哋已經同咗佢哋員工講，係佢哋唔處理！真係永遠唔會再食！…查看更多