茶舍 (北帝街)

營業中

休息中

今日嚟到土瓜灣北帝街呢度，土瓜灣真係一個變得好快嘅地方，自從呢度附近起咗身樓盤之後，舖頭亦都煥然一新，開咗好多新嘅餐廳同埋商舖，今日就試吓呢間叫茶嘅餐廳。點咗兩樣嘢，分別係龍蝦湯意粉同埋南瓜意大利飯。先嚟咗南瓜意大利飯先，唔會似一般茶餐廳，煮得太淋，食得出係即叫即做 ，而且材料亦都非常豐富，唔會無聊，除咗南三瓜之外，仲有蘑菇同埋各種蔬菜等等，調味亦都10分適中，也唔會太重口味。重頭戲可以話係龍蝦湯意粉，一碗有半隻大大隻嘅波士頓龍蝦 ，肉質爽，蝦味極濃。連個湯都可以成碗飲埋。而且除咗龍蝦之外，裏面仲有青口，魷魚同埋蜆等等嘅海鮮，非常豐富。最難能可貴嘅係咁多種海鮮生熟程度都係啱啱好，可以睇得出廚師嘅心機唔係全部一鑊熟。