茶舍 (北帝街)

今次發掘到一間超有驚喜嘅茶舍✨，唔係普通茶記咁簡單，菜式帶點各國嘅fusion，環境chill得嚟又唔貴，絕對係街坊隱藏版好店！ **🍴 法式野菌牛柳粒** 👉🏻 **牛肉粒超嫩滑！** 一入口就知係靚貨，咬落去juicy到爆💦，完全唔會韌！野菌香氣超級濃郁🍄，黑胡椒調味啱啱好，帶微微辛辣感，同牛肉嘅油脂香完美融合～呢個配搭真係無得輸！😍 **🐮 慢煮牛脷配粟米汁飯** 👉🏻 牛脷**慢煮到超軟嫩**，一啲都唔腥，仲有淡淡嘅炭燒香🔥！粟米汁香甜creamy🌽，撈飯食真係停唔到口～份量仲要好足，大胃王都夠飽！ **🦑 焗墨魚彩椒扁意粉** 👉🏻 墨魚份量多到嚇親人🦑，彈牙又鮮甜！彩椒嘅清爽中和咗芝士嘅濃郁🧀，扁意粉煮得al dente，每一啖都掛滿醬汁～呢個真心推薦！ **☕ 熱咖啡 / 熱奶茶** 👉🏻 茶記靈魂飲品！咖啡香濃唔苦澀☕，奶茶茶底夠厚，滑溜得嚟帶少少回甘～完美ending！ 呢間真係平靚正之選！環境舒服，食物有水準，仲要唔使排長龍～絕對會encore！❤️ …查看更多

「土瓜灣」嘅「北帝街」可以講喺一條食街，兩旁食肆林立，街坊啲有三餸飯，高級啲又有地中海菜，講到香港人嘅日常非茶記莫屬，今晚老婆自己有局，所以，又約咗老友出嚟食餐便飯、傾吓偈，揀「茶舍」，都喺在地老友嘅介紹:)，當然要實地查証吓啦，始終食嘢好講個人口味。睇外觀都知佢屬於新派啲嘅茶記，裝修簡約，仲喺好新簇簇，夠晒光猛，主要都喺啲卡位同四人座。依家好多茶記嘅設定都差唔多，餐具、紙巾、基本調味料都放晒喺枱側嘅抽櫃裡面。但值得一提喺呢度擺放充足，又整齊，唔喺間間都做到架。好少茶記嘅餐牌都有自我介紹，佢嘅餐牌第一版就有一篇營運理念，原來呢家土瓜灣店喺「元祖店」嚟，發現到家下都已經有好幾間分店。主餐牌就無影，因為太厚太多頁，反而，有一個「必吃推介」餐牌，睇睇有無嘢啱食，睇落OK喎，最後揀咗一份串標同一份蛋包飯。值得一提，8:30pm入座有九折優惠，本身已經無加一，仲要九折，可以又慳啲。不過，埋單時店長補充話只喺佢哋分店有此優惠咋！飲品方面，唔好諗住茶記就只喺啡茶、檸水、華田……嗰啲，店長推介我試試新出嘅「蘇爆」梳打系列，標明用上100%果汁加泰國梳打水，跟餐有優惠，小弟都喜歡試吓新嘢，試一杯都好喎。梳打芒果 +$18、凍奶茶 +$3個梳打芒果賣相已經好有型，原枝大針筒內嘅喺純芒果汁，因為唧咗少少出嚟試，果然100%，童叟無欺，溝埋啲相打水，入口又清甜，又涼爽，配食羊肉真喺夾喎。此外，一份梳打芒果其實可以沖到兩大杯。而友人就喜歡奶茶，佢話杯奶茶茶底幾香，又無過甜。羅宋湯我哋叫嗰兩個餐都只喺包基本餐飲，店長好好人，送多個餐湯俾我哋飲。雖然都喺大大路嘅羅宋湯，但飲得出好足料，而且，味道酸活，夠晒濃郁。茴香紐西蘭羊肉串標 $98串標先登場，夠晒霸氣，一大串燒羊肉都有好多件，而且，肉質軟腍，又有羊肉嘅羶香，只喺個別一、兩件有少少筋。而伴碟仲有焗薯、烤菠蘿、烚甜粟同娃娃菜，仲加多一兜炸薯條添，非常豐富，讓人滿足。照燒安格斯純牛漢堡蛋包飯 $78依家講開漢堡牛肉都唔會有樣低檔感，有時反而唔喺平價嘢添，呢一道蛋包飯更以安格斯嚟做件漢堡牛肉，食落肉味濃香，又富肉汁，口感鬆化，配上照燒汁，好有和風感；而蛋皮做得亦夠嫩滑，跟蟹籽、飯粒一齊食，別具美味。一向都話做飲食唔容易，就算茶記都要推陳出新，搞搞新點子，這回所試嘅幾樣嘢都好唔錯，加上啲招呼又好，環境舒服，嚟茶記都可以食得稱心，唔再喺單單填飽肚而已。…查看更多

最近我去咗土瓜灣的「茶舍」，呢間港式西餐廳環境優雅，氣氛輕鬆，非常適合與朋友聚餐。一入去就試咗頭盆餐湯，湯底清新，味道濃郁，配合新鮮的材料，令人感覺到廚師的用心。接住嚟嘅頭盆沙律，色彩繽紛，配料新鮮，沙律醬味道清爽，十分開胃。我哋仲點咗頭盆小食，搭配不同的小吃，味道各有特色，非常適合分享。之後上嚟的吉列大蝦牛柳五成，牛柳煮得剛好，外脆內嫩，加上黑椒汁，味道豐富，蝦肉鮮美，兩者結合得恰到好處，令人驚喜。另外，馬來咖哩配海鮮更係一絕，咖哩香濃，配合新鮮海鮮，味道層次分明，令我一試成主顧，特別適合喜歡咖哩嘅朋友。飲品方面，我叫咗凍檸檬茶，少甜少冰，檸檬的酸味與茶香完美融合，十分清新；而凍奶茶亦同樣清香，奶味濃郁，入口滑順，解渴又好飲。整體而言，「茶舍」的菜式質素高，味道出色，服務態度親切，環境舒適，非常值得一試！我一定會再返來，期待再試其他美食！…查看更多

去土瓜灣做嘢想搵吓啲小店食 lunch但因為怕中伏，最後都係食咗試過其他分店嘅茶舍🤣 感覺同其他分店有啲唔同，除咗抵食午市特餐，仲有比較premium嘅龍蝦、鐵板、燒烤同小食照燒安格斯純牛漢堡蛋包飯 $78半熟炒蛋蓋滿成個飯，濕潤有蛋香，漢堡係用純牛肉，厚身鮮甜多汁，洋蔥燒汁鹹甜提鮮菠蘿紅茄三層芝士焗豬扒飯 $68豬扒肥肥地好腍，佈滿鮮甜蕃茄汁！三重芝士好香濃，仲有菠蘿同鮮茄酸酸地好開胃椒鹽牛脷粒 $48兩串總共六大粒，外皮燒到乾身但入面好彈滑Juicy…查看更多

今日返完工去咗附近嘅茶舍餐廳嗰度食嘢，有大量嘅焗飯同埋鐵板餐，全部即叫即整，所以餐廳都非常多人食港式羅宋湯 🍅 食任何嘢可以加錢有套餐，所以有包湯同埋沙律，羅宋湯用番茄、牛肉及多款雜菜慢燉而成，湯底酸甜平衡，帶濃郁牛肉香，熱辣辣好開胃，懷舊味十足。麻醬沙律 🥗 新鮮沙律菜配上香濃芝麻醬，芝麻味濃厚又帶微微甜，口感清新，食完唔會重口但好滿足。咖喱牛腩焗飯 🍛 咖哩香氣撲鼻，牛腩燉得軟腍入味，焗飯帶微脆飯焦，香辣且濃郁，上面po相芝士有拉絲效果，咖喱椰汁味偏重，非常不錯照燒安格斯純牛漢堡蛋包飯 🍔🍳 餐廳嘅新菜式，純安格斯牛肉打造，今次嗌咗七成熟，漢堡肉汁豐富，照燒醬甜鹹平衡，配上滑嫩蛋包同松軟飯粒，層次豐富，食落幾有飽足感。…查看更多

今日去開附近做嘢打算食個方便午餐🌤️經過見到呢間茶餐廳特別新派光猛有D唔同😋 環境舒舒服服唔會油淋淋有種清新感🤎 除咗定期轉款式嘅常餐之外菜色選擇都好多🥹係平民區既大驚喜呢🤪⭐️ 即烤安格斯牛叉燒 🐮一上碟嘅時候真係好震撼📷 大大串串住嘅牛叉燒真係啖啖肉🥩 揀咗五成熟肉質好軟腍帶肉味🔥火候控制得好好輕輕加上蒜蓉汁更入味🧄 配上南瓜菠蘿等各種配菜好有美式風味🍍⭐️ 法式蜆殼粉烤雞沙律 🥗蔬菜新鮮好爽脆配上紫洋蔥清甜嘅口感🧅 後雞份量滿滿嘅蛋白質🍗蜆殼粉簡單用香草橄欖油調味過係輕盈既選擇🐚…查看更多

經常落嚟呢間食嘢，早晚餐都試過，個人最鍾意佢早餐嘅黑松露蘑菇炒滑蛋，呢個配搭真係實食冇黐牙，黑松露配蘑菇超級香，佢嘅炒蛋又炒得好好夠晒滑，加埋一齊直頭係完美，基本上每次都會叫呢個早餐食…查看更多

17/5在土瓜灣分店, 落單過程已非常不愉快, 店員沒有聽清楚我落單, 我用積分換了特飲, 跟店員說要用coupon, 店員只跟我說同出面講,我話咁我照落左先,佢都係話同出面講。落了單, 等了30分鐘沒有上菜, 只見店員不斷出外賣單, 忍了一陣追單, 店員問我叫左咩, 我問係咪即係冇落到單, 店員問另一個食緊飯聽唔清楚我落單個位員工, 再問我, 即係冇落單啦。食飯位員工拎住部機同我落單, 而且我講了幾次食咩都冇落到。白等了半個鐘。冇落單位店員有得食飯, 我食北風。…查看更多

🌸茴香紐西蘭羊肉串標，擺盤好靚，一長條羊肉串標上枱，感覺好豪邁！厚厚嘅羊肉，份量都唔少，肥瘦適中，羊羶味唔會太重，黑椒汁都幾濃郁！配菜都好豐富！包括有燒薯仔、燒粟米、燒菠蘿、菜、同埋薯條，都幾飽肚！🌸照燒安格斯純牛漢堡蛋包飯大大碟，嫩滑嘅蛋包住暖暖嘅照燒汁飯，上面舖滿蟹籽同埋一大塊安格斯純牛漢堡，厚厚嘅漢堡仍然保留到肉汁🌸梳打芒果造型好特別，大針筒入面係芒果汁，芒果味道好清香，倒入梳打一齊飲，特別清爽解渴，消暑一流！🌸熱朱古力🎀餐廳舒適寬敞，餐廳店員服務態度好友善，抵讚…查看更多

店員自己落錯單，同我講過路壞咗整唔到西多士，之後叫我食佢落錯咗嘅意粉，但隔籬枱叫西多士係有，乜應該咁樣對客人嘅咩？其實你落錯咗俾客人轉返俾客人都好應該，之後淨係飲咗杯嘢就走咗…查看更多

平時都有食開下午茶今日午飯時間咁啱經過未夠十二點都已經9成坐滿人樓面靚姐好好笑容又幫我搵到個位去試下佢嘅午餐一般午餐$6x見到"美國安格斯"牛扒定食(跟飯) $78仲可以跟一杯即磨咖啡又幾吸引 即管試下我唔好白飯 想轉意粉可惜個set冇得轉上枱賣相唔錯唔係牛扒係兩條牛柳 又粗又厚仲有少少沙律菜跟嘩！輕輕一刀已經切開個心粉紅色 爆曬汁配黑椒汁 唔杰身 啱我口味自己加咗少少辣椒仔鮮入口嫩多汁牛柳無筋唔黐牙$78 牛柳質素超預期 超值杯即磨咖啡 都可以樓面姐姐見我食淨成碗飯叫我下次可以考慮跟薯菜或者沙律不過就唔跟餐飲牛柳高CP值 會返食😋…查看更多

我去咗一間茶餐廳試咗幾樣菜，真係好滿足❤️‍🔥三文魚魚子炒飯真係一絕！飯粒炒得非常好，每一粒都吸收咗魚子嘅鮮味，仲有三文魚片配合，口感豐富😆魚子嘅鹹香味令整碗飯更加出色，食完之後仲想再來一碗👏🏻👏🏻龍蝦湯海鮮意粉湯底濃郁，龍蝦肉鮮甜，意粉煮得剛好，吸收咗湯汁嘅精華，每一口都係享受。裡面仲有其他海鮮，真係海味十足，食完令人意猶未盡🥰👍🏻炸鮮奶卷真係一個完美嘅小食。外脆內滑，鮮奶味濃郁，搭配少少糖粉，甜得剛好，唔會覺得膩口💕😉每次咬下去都好似咬到幸福，真係唔可以錯過～價錢仲要好抵添總體而言，呢間餐廳嘅菜式都好有水準，絕對值得推薦！…查看更多

今晚夜了收工，天氣又有點轉冷，想起附近有間光鮮清新裝潢的茶舍，他們主打焗飯和西式餐點，例如有鐵板扒餐、意粉等等，讓我想起口水也溢出😋咖喱牛腩芝士焗飯 🍛🧀這道咖喱牛腩芝士焗飯真係令人驚喜，香氣四溢。牛腩經過慢煮，肉質軟嫩，吸收咗濃郁嘅咖喱汁，味道十分入味。焗飯上面鋪滿咗濃郁的芝士，焗至金黃酥脆，同咖喱牛腩形成完美的搭配，口感豐富。青醬帶子天使麵 🍝🌿青醬帶子天使麵清新，青醬嘅香氣撲鼻而來，帶子新鮮滑嫩。青醬中加入嘅松子、蒜同埋巴馬臣芝士，令整道菜更加提味。白汁煙肉焗西蘭花 🥦🥓白汁煙肉焗西蘭花係一道健康又美味嘅選擇。新鮮嘅西蘭花經過焯水後，保持咗脆嫩嘅口感，配上香濃嘅白汁同煙肉，芝士焗至金黃色香氣四溢，既有奶香又有煙肉嘅咸香，搭配西蘭花清新平衡。加配料羅宋湯和沙律羅宋湯熬煮得非常濃郁，每口都有蕃茄、紅蘿蔔配料十分充足，而且牛肉湯味道亦相當突出，是少有餐廳會用心煮得好的餐湯。沙律方面，蔬菜亦非常新鮮，淋上了胡麻醬不錯喔！這三道菜品各具特色，無論係咖喱牛腩嘅濃郁，青醬帶子嘅清新，定係白汁煙肉嘅香濃，都展現出廚師對食材嘅用心和廚藝。無論係家庭聚餐定係朋友聚會，這間餐廳絕對值得一試🌟…查看更多

茶舍Menu上面有好多其他茶餐廳無得揀嘅選擇，例如海鮮湯飯，蛋包飯等等，心大心細，樣樣都想試。魚籽三文魚蛋炒飯係呢間餐廳嘅創新之作，見Menu推介就試下。炒飯粒粒分明，炒得乾身，唔會油膩。煙三文魚味道夠出，仲加入咗魚籽同菇，令味道更加豐富，口感十足。仲嗌咗鮮茄焗豬，豬排超大塊，質地幾嫩而唔會乾。焗飯鋪滿咗濃郁嘅芝士，焗到微焦，夠曬香。茄汁醬底味道偏甜，唔會過酸，有啲菠蘿，味道balance得幾好。慢煮咖哩牛腩飯，港式咖哩汁味道濃郁，有椰香味，撈飯食一流。牛腩份量好多，全部都大大舊，仲跟咗啲薯仔。呢間新派茶餐廳菜式選擇多，價錢合理，份量又足，絕對值得返兜👍仲值得一讚嘅係店員態度好好，有講有笑…查看更多

同朋友都有選擇困難症見到有二人套餐，二話不說即刻order 我哋揀咗A+B $268呢個餐已經包咗沙律，餐湯同埋小食蒜香雞翼羅宋湯好足料牛肉味好濃蒜香雞翼炸得香口 大人細佬都啱食🤩我哋揀咗肉眼扒配薯條肉眼扒好大塊 揀咗七成啱啱好一啲都唔會嚡口 中式扒房質素👍🏻薯條份量都好多仲會有啲蔬菜作為配菜，翠玉瓜粟米做到均衡飲食啊😂蝦汁龍蝦仔蘆筍長通粉都幾多粒龍蝦仔 佢個汁好食wow 有驚喜意粉煮得又恰到好處另外我哋嗌咗兩杯特飲有芒果 & 紫薯味道我同朋友都鍾意芒果味多啲 - 芒果雜果生椰乳好夏日嘅感覺 好味嘅😍 下次試吓佢啲焗飯先都見到好多人食份量又大碟喎 另外服務員個個都好有禮貌唔似其他茶餐廳咁🤩…查看更多