茶舍 (北帝街)

龍蝦牛柳扁意粉蒜茸汁7成熟龍蝦肉鮮甜彈牙，牛柳軟嫩多汁，七成熟恰到好處，既保持牛肉香味，又有嚼勁。扁意粉吸滿蒜茸醬汁，蒜香濃郁而不嗆，口感滑順，與龍蝦牛柳完美融合，海陸味道層層堆疊，令人食指大動！愛爾蘭薯燴新羔黑山羊鍋這道羊鍋濃郁香醇，羊肉軟嫩入味，厚實的薯仔燉得綿密，湯底帶有天然香料香氣，十分滋補暖胃。黑山羊肉鮮甜且無羶味，配合醇厚湯汁，極具風味～椰汁紅豆冰甜品椰汁紅豆香甜清爽，不過於甜膩，紅豆軟糯，椰汁濃郁滑順，搭配少冰，入口涼快，飯後解膩十分適合依家仲做緊折~8:30有9折…查看更多

🌸煎焗流心蛋+雞扒蕃茄米粉大大塊雞扒，外皮煎至香脆，皮香肉嫩，雞扒肉質鮮嫩，仲好juicy！蕃茄湯底好濃郁！配埋流心蛋一齊食，好味🌸吉列魚柳+豬柳漢堡+煎焗流心蛋配沙律菜、牛角包呢個歐陸早餐好豐富！大大塊吉列魚柳炸至外脆內軟，但入面嘅魚肉滑嫩鮮美，配埋沙律醬一齊食，唔會太肥膩呢！豬柳漢堡鮮嫩多汁，配埋流心蛋一齊食，好惹味！沙律菜都好新鮮，仲有大大個牛角包都幾飽肚！🌸醬燒豚肉辛辣麵+火腿炒蛋+牛角包醬燒豚肉肉味濃濃，配埋微微辛辣湯底嘅麵條一齊食，都幾惹味呢！🌸粟米白汁雞絲湯扁意粉，配丹麥包+火腿炒蛋湯底幾清甜，雞肉滑嫩一啲都唔嚡口！扁意粉爽口彈牙，份量都唔少！暖笠笠嘅丹麥包酥脆香口🌸紫薯椰乳特調飲入口有好濃郁嘅紫薯香味，再帶有淡淡嘅椰子味道，口感香滑！🌸泰式班蘭奶茶，夠晒濃郁同埋香滑！🌸紅豆冰🍴餐廳環境舒適，早餐嘅選擇有好多種類，份量都好足夠，性價比高！最欣賞嘅就係店員嘅服務態度好Nice，好親民！搵日會同朋友家人再黎幫手呢！…查看更多

適逢最近天氣涼涼地，忙碌嘅工作生活，平日放工後偶爾也會獎勵一下自己，食好西，是日小妹就決定來個鐵板晚餐😚。Dinner~~紐西蘭肉眼扒跟薯菜，蒜茸汁，羅宋湯和沙律套餐豐富，有湯有沙律，肉眼扒7成熟，大大塊，肉嫩有肉汁，配金黃香脆嘅薯條，倒醬汁時發出吱吱喳喳聲，頓時回憶起兒時食扒嘅滋味😋照燒安格斯純牛漢堡蛋包飯香濃幼滑嘅滑蛋，配上大大塊手打牛肉漢堡扒，美味葡萄牙雜菜鍋小妹平時食芝士火鍋就多，萄葡牙雜菜鍋都是第一次，香濃葡國汁，呈金黃色，配上新鮮蔬菜泰式蝦餅蝦餅彈牙，配上泰式酸辣醬，惹味牛油雞翼煎得剛剛好，皮脆肉嫩桂圓蔘鬚紅棗杞子茶洛神花山楂蜜自家制嘅飲料，超足料，清甜可口，生津解渴💯…查看更多

今日同朋友去咗土瓜灣呢間「茶舍」，真係有驚喜！餐廳環境光猛，坐得好舒服。而且服務員好親切，見好多街坊都落嚟食飯，就知係好嘢！我哋叫咗個鐵板Sizzling Sizzling餐，首先上枱嘅係湯同沙律，羅宋湯好足料，沙律菜都好新鮮，開胃啱啱好！特別推介大家升級試吓新上市嘅洛神花山楂蜜，酸酸甜甜好開胃，仲好滋潤㗎！鐵板龍蝦牛柳配扁意粉真係不得了！見到龍蝦顏色咁鮮艷已經好開胃，牛柳叫咗五成熟，煮得啱啱好。配埋黑椒汁同扁意粉，個配搭出奇地夾，誠意十足！另一道大蝦煙肉卡邦尼長通粉都唔輸蝕，醬汁creamy得嚟唔會膩，大蝦新鮮爽口，煙肉嘅鹹香更加提升咗成個味道。小食方面，避風塘辣雞翼炸得香口惹味，微辣嘅味道令人食到停唔到口。七味軟殼蟹炸得酥脆，七味粉帶出咗蟹嘅鮮味，連殼食真係好滿足！飲品我哋叫咗凍檸檬茶，茶底香濃，檸檬份量啱啱好，解膩一流！茶舍無論環境、食物質素同價錢都令人滿意，絕對係土瓜灣區一個好好嘅用餐選擇！下次再嚟一定會encore佢哋嘅鐵板系列！…查看更多

🥢Hi Tea (土瓜灣) 呢間cafe真係驚喜滿分！ 今日hea行土瓜灣隨便入咗間叫Hi Tea嘅鋪頭，一坐低server已經笑住過嚟擺餐具、講邊樣好食，態度親切到好似同朋友傾計咁，完全唔會有「交差式服務」嘅feel，呢點真係好感動😌 先講個星級雜扒餐（$168）——扒類juicy到爆，肉質嫩到咬落「索一索」就散開，蘸埋個蒜蓉汁簡直係靈魂！仲送餐湯同沙律，呢個價錢有咁嘅質素，性價比直接拉滿✨ 前菜叫咗煙三文魚沙律（$64），三文魚夠fresh，沙律菜爽脆到「唰唰聲」，開胃到想再叫一份～ Pizza控必衝呢個奧爾良烤雞Pizza（$68）！餅底脆卜卜，雞肉醬汁夠濃郁，咬落仲有芝士拉絲，每啖都係幸福感🍕 小食揀咗牛油雞翼（4隻）（$25）同炸薯條（$32）——雞翼外皮脆到「卡嚓」聲，內裡juicy到漏油；薯條熱辣辣夠香口，完全係hea食必備！ 飲品揀咗冰紅豆奶茶同椰汁紅豆冰（各$15），紅豆煮到綿綿地，甜度啱啱好，飲完唔會覺得膩，夏天飲真係透心涼～ 整體嚟講，呢間cafe無論食物定服務都好掂，土瓜灣搵食又多個新蒲點啦！ 📍…查看更多

佢將中西餐同養生茶飲完美，無論你想食扒類定係鍋物，呢度都可以滿足到你！🥩 法式黑椒牛柳：呢個西餐經典做得好穩陣！牛柳煎得唔錯，配埋香濃嘅黑椒汁，辣度啱啱好！而且連埋餐湯同沙律，性價比好高！👍🍲 京蔥薑汁腩片粉絲鍋：呢個鍋物真係好有家嘅味道！湯底充滿薑汁同京蔥嘅香氣，，配埋索晒湯汁精華嘅粉絲，暖胃又滋補！🥰🐔 迎香辣雞翼：雞翼炸得金黃香脆，辣味恰到好處，香氣十足，係一道好出色嘅開胃小食！🐂 椒鹽牛脷粒：呢個小食做得好有鑊氣！牛脷粒切得大大粒，食落去好彈牙，椒鹽調味得好好，鹹香惹味，送酒一流！（雖然我叫咗養生茶🤣）佢哋嘅自家製茶飲真係賣點！🌿 燈芯草冬瓜薏米水：清熱去濕，味道清甜，完全唔會甜膩，好啱香港濕熱嘅天氣！🌺 洛神花山楂蜜：酸酸甜甜，味道好開胃，仲有助消化！🍎 桂圓蔘鬚紅棗杞子：呢個係滋補暖身之選，飲落去好溫和，冬天飲一流！…查看更多

今晚係土瓜灣附近搵到既新派茶餐廳食，除左有招牌焗飯同鐵板餐之後，仲有新出既羊腩煲。不過今次我食住鐵板先。依家我見佢做緊外賣同8點半後堂食全單9折幾抵食。我叫左法式黑椒牛柳跟扁意粉餐湯同沙律🩷🩷🩷🩷🩷呢個牛柳牛味係比較濃，而且入口好嫩滑，我叫左7成熟，同埋個扁意粉配埋茄汁甜甜地好開胃，沙律配麻醬幾清新。羅宋湯都好足料甜甜酸酸飲落好開胃。另外叫左紐西蘭肉眼扒跟扁意粉餐湯同沙律🩷🩷🩷🩷🩷呢個肉眼係比較有咬口，佢比偏薄身，無咩脂肪，但我幾中意食呢款。7成熟整得岩岩好。仲叫左個黑椒雞翼🩷🩷🩷🩷🩷同埋叫左2杯凍檸茶同一支燈芯草冬瓜薏米水。佢既黑椒雞翼炸得幾脆卜卜，同埋黑椒味都幾濃。凍檸茶係茶餐廳必飲，我見呢支冬瓜薏米水咁特別叫左支外賣反屋企飲，清甜消暑解渴夠足料。呢間茶餐廳啲野食都好新派味道質素都好高質，下次再食羊腩煲先。…查看更多

呢間野原來都幾多分店九龍灣、新蒲、馬鞍山大埔、長沙灣都有分店見佢啲下午茶好似特別啲舖位唔係好大 有啲窄下午茶時段勁多人😮包野飲 凍飲+$3 凍檸茶🆗原條魚柳包 ($42)可以配墨西哥脆片/沙律/薯條我揀咗薯條 炸得幾香脆魚柳包冇比係相咁大條 正常都炸得ok唔會好容易散另外有生菜番茄醬 個包似拖鞋包外脆內軟幾好食👍🏻 整個包肚自選下午茶 ($45)迷你卡邦尼意粉+牛油雞翼個卡邦尼fusion到一個點😂變左芝士焗 仲要冇煙肉 不明不過味道好彩係ok嘅另外3隻牛油雞翼 上面鋪滿炸蒜勁香炸得又脆 好邪惡但好惹味！呢個好食😋…查看更多

有事來到附近，順便一人晚餐本想著隨便吃吃，但這家的職員超熱情，推介得好詳細🤣 那麼就來個儀式感的鐵板餐👅 服務很好，有求必應，街坊小店獨有👍還不收加一服務費～ ✿ 板燒法式羊仔扒配香草蒜蓉汁 $158熱辣辣的鐵板，滋滋咋咋的冒煙，令人食慾大開🤣三大塊羊架，外層煎得金黃，內裡仍然軟嫩，不過肥膏部分對我來說略多💩切小塊，隨喜好用鐵板再加熱配菜包括西蘭花、椰菜花、粟米，及重點的炸南瓜😍 超級甜超級軟綿😍😍😍香草蒜蓉汁有誠意，質感濃稠，層次豐富👍 套餐還包括餐湯：羅宋湯，勁足料，半杯都是湯料😳微辣、酸甜，想多飲一杯🤣沙律餐包：brioche! 鬆軟富牛油香小食就不是重點，主要充場用😂 + 燈芯草冬瓜薏米水 $15覺得鐵板熱氣，來杯薏米就對😌又又又是很足料，半杯薏米甜度適中，不過私心希望有無糖版本🙈 ✿ 芥末柚子雞翼 $19 2隻餐牌上只有4隻雞翼的選擇，不過問職員姐姐就可以只加購2隻淺嚐! 價格同樣優惠😎外脆內嫩，冇投訴～ 🍴加一服務費：✖ …查看更多

舍 HI TEA，環境簡約新穎，卡位舒適，適合街坊午餐或小聚！今次試咗蒲燒鰻魚炒珍珠飯，鰻魚肥美軟滑，蒲燒醬汁甜鹹適中，炒入珍珠飯粒粒分明香脆，配菜新鮮脆口，絕對係招牌必點！焗粟米海鮮飯芝士金黃拉絲，粟米甜脆海鮮彈牙，飯底吸滿奶油汁，熱辣辣入口即化，層次豐富惹味…查看更多

最近我去咗土瓜灣的「茶舍」，呢間港式西餐廳環境優雅，氣氛輕鬆，非常適合與朋友聚餐。一入去就試咗頭盆餐湯，湯底清新，味道濃郁，配合新鮮的材料，令人感覺到廚師的用心。接住嚟嘅頭盆沙律，色彩繽紛，配料新鮮，沙律醬味道清爽，十分開胃。我哋仲點咗頭盆小食，搭配不同的小吃，味道各有特色，非常適合分享。之後上嚟的吉列大蝦牛柳五成，牛柳煮得剛好，外脆內嫩，加上黑椒汁，味道豐富，蝦肉鮮美，兩者結合得恰到好處，令人驚喜。另外，馬來咖哩配海鮮更係一絕，咖哩香濃，配合新鮮海鮮，味道層次分明，令我一試成主顧，特別適合喜歡咖哩嘅朋友。飲品方面，我叫咗凍檸檬茶，少甜少冰，檸檬的酸味與茶香完美融合，十分清新；而凍奶茶亦同樣清香，奶味濃郁，入口滑順，解渴又好飲。整體而言，「茶舍」的菜式質素高，味道出色，服務態度親切，環境舒適，非常值得一試！我一定會再返來，期待再試其他美食！…查看更多

去土瓜灣做嘢想搵吓啲小店食 lunch但因為怕中伏，最後都係食咗試過其他分店嘅茶舍🤣 感覺同其他分店有啲唔同，除咗抵食午市特餐，仲有比較premium嘅龍蝦、鐵板、燒烤同小食照燒安格斯純牛漢堡蛋包飯 $78半熟炒蛋蓋滿成個飯，濕潤有蛋香，漢堡係用純牛肉，厚身鮮甜多汁，洋蔥燒汁鹹甜提鮮菠蘿紅茄三層芝士焗豬扒飯 $68豬扒肥肥地好腍，佈滿鮮甜蕃茄汁！三重芝士好香濃，仲有菠蘿同鮮茄酸酸地好開胃椒鹽牛脷粒 $48兩串總共六大粒，外皮燒到乾身但入面好彈滑Juicy…查看更多

今日返完工去咗附近嘅茶舍餐廳嗰度食嘢，有大量嘅焗飯同埋鐵板餐，全部即叫即整，所以餐廳都非常多人食港式羅宋湯 🍅 食任何嘢可以加錢有套餐，所以有包湯同埋沙律，羅宋湯用番茄、牛肉及多款雜菜慢燉而成，湯底酸甜平衡，帶濃郁牛肉香，熱辣辣好開胃，懷舊味十足。麻醬沙律 🥗 新鮮沙律菜配上香濃芝麻醬，芝麻味濃厚又帶微微甜，口感清新，食完唔會重口但好滿足。咖喱牛腩焗飯 🍛 咖哩香氣撲鼻，牛腩燉得軟腍入味，焗飯帶微脆飯焦，香辣且濃郁，上面po相芝士有拉絲效果，咖喱椰汁味偏重，非常不錯照燒安格斯純牛漢堡蛋包飯 🍔🍳 餐廳嘅新菜式，純安格斯牛肉打造，今次嗌咗七成熟，漢堡肉汁豐富，照燒醬甜鹹平衡，配上滑嫩蛋包同松軟飯粒，層次豐富，食落幾有飽足感。…查看更多

今日去開附近做嘢打算食個方便午餐🌤️經過見到呢間茶餐廳特別新派光猛有D唔同😋 環境舒舒服服唔會油淋淋有種清新感🤎 除咗定期轉款式嘅常餐之外菜色選擇都好多🥹係平民區既大驚喜呢🤪⭐️ 即烤安格斯牛叉燒 🐮一上碟嘅時候真係好震撼📷 大大串串住嘅牛叉燒真係啖啖肉🥩 揀咗五成熟肉質好軟腍帶肉味🔥火候控制得好好輕輕加上蒜蓉汁更入味🧄 配上南瓜菠蘿等各種配菜好有美式風味🍍⭐️ 法式蜆殼粉烤雞沙律 🥗蔬菜新鮮好爽脆配上紫洋蔥清甜嘅口感🧅 後雞份量滿滿嘅蛋白質🍗蜆殼粉簡單用香草橄欖油調味過係輕盈既選擇🐚…查看更多

經常落嚟呢間食嘢，早晚餐都試過，個人最鍾意佢早餐嘅黑松露蘑菇炒滑蛋，呢個配搭真係實食冇黐牙，黑松露配蘑菇超級香，佢嘅炒蛋又炒得好好夠晒滑，加埋一齊直頭係完美，基本上每次都會叫呢個早餐食…查看更多