龍廷粵菜廳

營業中

休息中

拼盤同埋點心其實都唔算太特別，薄𦉘叫做即叫即煎，夠鑊氣，夠熱，已經係加咗好多分。點心嘅蒸籠夠大，拼盤又多個款式，但但味道就冇乜特別值得一讚嘅地方。馬拉糕都係冇乜特別，不算太甜，但又不覺得鬆化反而比較特別嘅係呢個煎堆仔，夠晒熱，內裏嘅流心奶黃非常熱，無論賣相定還是味道都一流。我諗嚟呢度10居其九都係附近嘅老街坊，我自己次都係探屋企人先至嚟呢個酒樓，不過想唔到，原來呢度望返落去葵涌貨櫃碼頭，雖然貨櫃碼頭嘅貨櫃數量以及流量都每況愈下，不過望到海景嘅景色，定還是祖堯邨附近嘅環境，以及公屋村難得一件嘅泳池，都係相當美好。