龍廷粵菜廳

營業中

休息中

拼盤同埋點心其實都唔算太特別，薄𦉘叫做即叫即煎，夠鑊氣，夠熱，已經係加咗好多分。點心嘅蒸籠夠大，拼盤又多個款式，但但味道就冇乜特別值得一讚嘅地方。馬拉糕都係冇乜特別，不算太甜，但又不覺得鬆化反而比較特別嘅係呢個煎堆仔，夠晒熱，內裏嘅流心奶黃非常熱，無論賣相定還是味道都一流。我諗嚟呢度10居其九都係附近嘅老街坊，我自己次都係探屋企人先至嚟呢個酒樓，不過想唔到，原來呢度望返落去葵涌貨櫃碼頭，雖然貨櫃碼頭嘅貨櫃數量以及流量都每況愈下，不過望到海景嘅景色，定還是祖堯邨附近嘅環境，以及公屋村難得一件嘅泳池，都係相當美好。

朋友仔介紹屋邨酒樓，胆粗粗去試下🤔大家點了一份燒鵝湯粉，可惜姍姍來遲，而且燒鵝味道一般，皮不脆，有點像隔夜不新鮮🙄。湯粉夠熱。叉燒腸粉及牛肉腸味道正常，好滑夠熱。叉燒包正常水準點心拼盤內既粉果皮薄餡正，即時再追加一籠潮州粉果，個個都喜歡椒鹽豆腐正常水準蜆芥鯪魚球既蜆芥超正，店家好大方，大大碟。鯪魚球熱辣辣同蜆芥好夾。沙薑雞腳好入味，煎釀尖椒像賭大小，有辣有唔辣😅😅炸雲吞好脆，酸甜醬好夾另一嘩嘩聲點心係這個咖喱魷魚勁香濃😋😋最後追加煎腸粉，煎到剛剛好

好多年都無喺娘家屋企附近飲茶，因為多數落葵芳荃灣飲，今日直接上去祖堯邨，就老人家覆診試喺屋企樓下酒樓！入內覺得裝修都算新淨光猛，同N年前嘅印象差好遠，感覺好好多！可以多d幫襯！服務都幾好，雖然伙記唔多，但都會主動理顧客！點了鐵觀音，茶香不是無味的，滿意！香酥叉燒酥，熱熱的，酥皮脆，如果叉燒餡料份量多啲就更加好！好味👍適合人數少飲茶，一兩個人可以選三併五併點心。蝦餃蝦屬中size,皮都算薄，燒賣都ok, 粉果多餡料但略嫌咸咗少少，淡返d更好！蝦肉蒸魚肚，兩樣料都幾好，口感&味道都唔錯咁耐無試，整體感覺幾好，仲可以好似細個時走去望吓個游泳池，可以再黎飲！👍

星期六唔覺意去咗祖堯邨食個午餐，午市食個炒飯套餐，迷你福建炒飯個炒飯底好有誠意。 粒粒炒飯都有蛋包住，有驚喜！ $138 套餐性價比高。 有屋村停車場泊車就喺門口，環境又開揚，送餐姐都好有禮貌！

今天晚飯，約會家人一起 葵涌「龍廷粵菜」第一次嚟😀祖堯村祖堯坊，屋村洒樓，平常日子，客人很少喎！ 環境寬敞，坐得舒服，邊吃邊看電視📺龍蝦🦞+ 花膠 😍優惠價 $328大大 美顏花膠 2 隻，用鮑汁扣滑嘟嘟，豐富骨膠原伴嫩綠小棠菜 👌啦啦澳洲龍蝦🦞 上湯焗大約重一斤四兩，份量多，味鮮 啖啖肉送伊麵，我鍾意❤️呀驚喜來啦😋原來 送 太爺雞半隻太好了，瘦瘦雞、微微咸，特別好味啫啫蝦乾通菜惹味、味濃、香噴噴 😊最後，奉送紅豆🫘沙 😀

本來一家人去食晚反開開心心，跟住叫左三個餸其中一個係水蛋但出黎成碟水，叫個經理幫我換個之後黑面俾說話我聽，冇禮貌 之後我發誓以後唔會再光顧龍廷粵菜廳比錢換難受的感覺

今日無煮飯，諗住近近地，一家人去返屋村間酒樓食小菜。點知...宜家做個優惠，$198三個小菜，我地叫左香芋臘味滑雞煲，椒鹽鮮魷豆腐，龍廷小炒皇，同加左支啤酒。龍廷小炒皇，個賣相已經唔吸引，仲要 好咸，我食左兩三啖就食唔到。椒鹽鮮魷豆腐，明明用椒鹽整，但無味，真係好高難度。唯一可以食得過的是香芋臘味滑雞煲，雞有雞味，芋頭有芋頭味。最後會有糖水送，今日係紅豆沙。但太甜,好似食緊糖咁。仲要係我本身鍾意食甜野都頂唔順。我都係想唔煮飯，食下正正常常嘅小菜都唔得。唉!荔景又少一個選擇!

有朋友住附近唯一一間酒樓 佢平時冇嘢做都會落去飲茶今次就陪下佢 諗住都係普普通通冇咩特別又唔好食咁啦 簡單講冇期望點知又唔係喎 性價比高 抵食呀 😄 唔怪得都爆場啦 我哋叫佐 鮮蝦菜苗餃 好足料餡又多 皮夠薄皮蛋瘦肉粥 正常味道 喜歡佢冇味精 一碟菜心唔會另加 油 我哋又唔想咁肥啊健康之選👍🏻鮮竹卷 正 足料 🙆🏻‍♂叉燒腸就一般般 腸粉皮太厚了 沖嘅茶亦唔錯