綠茶餐廳 (希慎廣場)

營業中

休息中

今日午餐同客戶去咗一間新開嘅綠茶餐廳，之前喺深圳食過幾次，印象好好，而家銅鑼灣開咗分店，立刻約去食，點咗以下幾個菜式🔆 龍井烤雞 龍井烤雞外皮烤得金黃酥脆，咬落去嗰一刻，肉汁立刻流出，鮮嫩得啱啱好，仲有淡淡龍井茶香，令整道菜多咗一層清新嘅風味。🔆 黑松露牛肉炒飯 米飯炒得粒粒分明，不過黑松露味如果再濃啲就更好。🔆 熗拌龍鬚菜 熗拌龍鬚菜係我最鍾意嘅小菜之一！特製嘅醬汁令整個味道變得清新又開胃，微微嘅酸甜感完全唔膩口。🔆 雪菜酸湯魚片 呢道雪菜酸湯魚片嘅湯頭真係令我驚艷！酸酸嘅湯汁配上滑嫩嘅魚片，非常下飯，裡面仲加咗豆皮，口感豐富～🔆 西湖藕韻 西湖藕韻係江浙名菜，亦都係我最鍾意嘅甜點，藕片脆脆嘅，搭配桂花釀汁，清甜可口，裡面嘅糯米又軟綿，鍾意甜食必點！即日起到17號，中午惠顧有送精美甜品，晚市仲有人氣菜品嘅9.9元開業優惠，日日都唔同，下次想試下東坡小牛肉😍。