海鍋手工涮涮鍋 (已結業)

唔知食咩好既時候就周圍望下，特別係尖沙咀呢頭，一定會搵到好野食！今次就俾我地見到呢間海鍋手工涮涮鍋，唔好同我地一樣以為係日本野，原來係中式打邊爐。上到去個時見到無咩人，仲諗住會中伏，點知食落又幾好，而且後來仲愈來愈多人入座，睇黎係我地太早所以覺得無人，唔小心誤會左喇。一黎到就先俾個醬料盤，9樣配料慢慢混，店員仲好貼心話唔好心急，最緊要混到自己口味XD叫個芫茜皮蛋湯底，上檯見到好多芫茜呀，成個味好清新，滾起個下芫茜味Fresh到不得了，朋友表示非常喜歡。呢度係一碟碟咁叫，個份量都幾大，好似比起平時逐碟叫的邊爐料多，至少我地3個人都覺得每碟份量係足料，值得一讚係金菇有清乾淨！以為係普通蟹柳，點知上到黎居然係長蟹柳，一條等於平時3條，哈哈哈，煮完一條放入碗真係成個碗滿左，好搞笑。推介蝦滑，一樣係大大舊好足料，煮完係水晶粉紅色，入口彈口有蝦味。冰豆腐係打邊爐必點，吸湯多汁好味道。好精緻的餃餃拼盤，擺得好睇之餘仲好好食，我自己最喜歡係韭菜餃，真係一咬落去成個都係滿滿韭菜，韭菜同肉的比例大概係8:2，最適合我呢種熱愛韭菜餃的人，大讚！唔只蟹柳大大條，就連響鈴都唔知點解可以大件到咁誇張，又係一件當三