影片
更多
2018-03-13
3996 瀏覽
就算無睇過電影《食神》，相信大家都一定有聽過戲入面嘅「黯然銷魂飯」那股魔力；據說呢碗被捧為美食之最的叉燒煎蛋飯，不但選料講究，而且神級美味，吃罷會令人感動落淚。六國酒店中菜廳「粵軒」，前年曾推出過「黯然銷魂飯」，聽說成績十分理想，只係短短三個月，就已經賣出左超過 1,700 碗，深受食客歡迎。所以去年再接再厲，推出升級 2.0 版本，並以套餐形式奉上。由於上兩次 booking 好爆，加上筆者手腳慢，所以一直無緣品嘗。幸好友人消息靈通，得知「粵軒」最近再推出黯然銷魂飯 3.0 終極版，而且只辦一場，所以馬上訂了位，還邀約我一起同行，實在太好了，注定這晚有食神！今次 3.0 終極版的黯然銷魂飯，同舊年一樣，以套餐方式上菜，不過價錢當然有所調整，每位 $388，而且要四位起，不過價目就已經包括左茶芥、小食及加一服務費。先來的前菜是翡翠金枝伴甜醋木耳，翡翠金枝其實係黃金豆角，豆角肉嫩爽甜，帶鹹蛋黃香氣，甘香惹味。木耳清新爽脆，甜酸味均衡，酸而不嗆，入口帶醋香。接著是以盅上的蟲草花螺頭煲竹絲雞湯，蟲草花是保健食材，可以補肺、益腎、養肝，增強人體免疫功能，提高抗病能力，用來配搭螺頭烏雞一齊煲湯，
由於上兩次 booking 好爆，加上筆者手腳慢，所以一直無緣品嘗。幸好友人消息靈通，得知「粵軒」最近再推出黯然銷魂飯 3.0 終極版，而且只辦一場，所以馬上訂了位，還邀約我一起同行，實在太好了，注定這晚有食神！
今次 3.0 終極版的黯然銷魂飯，同舊年一樣，以套餐方式上菜，不過價錢當然有所調整，每位 $388，而且要四位起，不過價目就已經包括左茶芥、小食及加一服務費。
先來的前菜是翡翠金枝伴甜醋木耳，翡翠金枝其實係黃金豆角，豆角肉嫩爽甜，帶鹹蛋黃香氣，甘香惹味。木耳清新爽脆，甜酸味均衡，酸而不嗆，入口帶醋香。
接著是以盅上的蟲草花螺頭煲竹絲雞湯，蟲草花是保健食材，可以補肺、益腎、養肝，增強人體免疫功能，提高抗病能力，用來配搭螺頭烏雞一齊煲湯，不但可以增強體質，而且啖湯勁甜，既好飲又滋補。
跟住是一道松茸炸釀蟹蓋，其實之前喺其他酒家都有吃過多次焗釀蟹蓋，但不是蟹肉太少、就是焗得過乾，不過這裡的炸釀蟹蓋，卻做得很有水準。蟹肉現拆現用，肉質新鮮富彈性，入口濕潤，加上蟹肉釀入了松茸，令香味更見濃郁。而個人覺得最特別嘅，就是可以自己喺蟹肉上面加配 18 個月的陳年喼汁同吃，能帶出蟹肉鮮味之餘，亦令人食慾大增。
接著當然輪到這晚的主角出場，就是這碗萬眾期待的 3.0 終極版黯然銷魂飯，碗飯上桌時，服務員會連同一張證書一併送上，而我呢碗就係當晚嘅第 69 碗。碗飯有荷包蛋、兩件沒有切開的叉燒、菜心及加了少許洋蔥粒的米飯。叉燒用上新鮮梅頭肉，而且燒至外層帶燶邊，賣相吸引。
先移開叉燒，再篤穿蛋黃，蛋汁一瀉而出，流到飯粒上。立即將飯和蛋液一併扒入口，雞蛋用上日本貨，蛋味相當濃郁，配埋外面嘅脆邊，食落香氣撲鼻。飯粒分明不鬆散，而且中間夾左紫洋蔥粒，入口米香味濃，口感同平時食到的米粒有好大分別，加上蛋汁無令飯變黏，保持爽口，食味相當不錯。
叉燒非常厚切，大大舊，鬆軟富肉香，而且由於燒至外層帶燶邊，咬下充滿迷人的焦香味，既多汁又鬆化，吃時加上幾滴醬油，更可引出叉燒嘅香味。講真，筆者雖然無試過前年同舊年的銷魂飯，所以無從比較，不過整體來說，這碗叉燒煎蛋飯，無論口感和肉質都令人吃得相當滿足。
壓軸甜品有迷你蛋撻仔同金影胭脂，蛋撻皮搓得酥化，食落蛋漿香滑；而金影胭脂就係洋甘菊火龍果凍，凍糕賣相晶瑩剔透，吃起來酸酸甜甜，果味濃郁，透心凉，為這晚終極版的「黯然銷魂飯」畫上完美句號！
張貼
