影片
港鐵灣仔站 A1 出口, 步行約5分鐘
繼續閱讀
電話號碼
28663806
開飯介紹
供應巧手粵菜、精美點心及小食
繼續閱讀
獎項殊榮
美食之最大賞 (2014)
營業時間
今日營業
10:00 - 15:00
18:00 - 23:00
星期一至日
10:00 - 15:00
18:00 - 23:00
公眾假期
10:00 - 15:00
18:00 - 23:00
以上資料只供參考, 請與餐廳確認詳情
相關文章
食評 (205)
相信幾乎所有香港人都對周星馳主演的電影《食神》耳熟能詳，而周星馳於戲內製作的「黯然錹魂飯」更令香港以至於台灣、新加坡等地不少餐廳都爭相仿傚推出。歸根究底「黯然銷魂飯」始終只是「叉燒煎蛋飯」，理論上是一種價廉物美的平民美食，但六國酒店中菜廳「粵軒」卻以每位$388（另收加一服務費）的定價推出「黯然錹魂飯套餐」，是否物有所值畢竟仍需親自一試方可作出結論。花雕醉雞卷雞肉肉質緊緻結實，淡淡花雕酒香溫醇入味。宮廷掛綠蝦球蝦球爽口彈牙之餘鑊氣十足，醬汁甜中帶辣更加惹味，伴碟甜豆保持翠綠，而香菇亦經過油炸變得微脆掛汁。松茸百合燉豬腱湯頭清澈不泛油光，但入口松茸菌香與豬肉鮮味一觸即發，清甜馥郁。黯然銷魂飯叉燒標榜選用約8至9吋長的脢頭肉，厚切令口感更加豐富，表面燒得焦香而肉質保持軟嫩，裹上蜜汁甜而不膩。白飯粒粒分明，將煎至脆邊的日本雞蛋蛋黃戳破，再加上燒豬油及醬油拌勻，口感豐腴渾厚之餘香氣撲鼻。值得一提的是配有澳洲紫洋蔥——《食神》中提及到「黯然銷魂飯」當中的洋蔥令人流淚，所以洋蔥可謂是「黯然銷魂飯」的靈魂。大理石椰汁糕·千絲奶皇酥大理石椰汁糕煙韌彈滑且椰香十足；千絲奶皇酥外層鬆化酥脆、層次分明，奶皇餡綿密細膩而蛋奶香氣濃郁。
繼續閱讀
秋冬來臨，每逢呢d時間粵軒都會推出一系列嘅進補菜式，我同埋一班朋友當然唔可以錯過🤤，蛇羹、羊腩煲、煲仔飯仲有多款小菜！非常期待～🥰太史燴蛇羹🐍真材實料！蛇骨同金華火腿熬煮3個鐘，加入陳年果皮、木耳、蛇肉等等嘅食材，食完暖笠笠！😋枝竹羊腩煲🍲選用新鮮羊腩，每件都係冇骨而且非常鮮嫩入味！👍🏼羊羶味更加係食唔到，唔太食羊肉嘅朋友都讚不絕口！🤣臘味煲仔飯🔥秋冬之選點可以冇煲仔飯，當中最傳統嘅一定係呢款，臘腸、膶腸同臘鴨髀呢個完美配搭，油香味十足。鮑魚梅菜排骨煲仔飯🔥大大粒嘅鮑魚非常彈牙，配合梅菜嘅甜再加上入哂味嘅排骨，回味無窮！和牛粒滑雞煲仔飯🔥相對新派嘅做法，選用新鮮雞肉好嫩滑，加上牛味香濃嘅和牛粒，成個煲仔飯都好濃郁美味！釀焗蟹蓋🦀每一啖都係滿滿嘅蟹肉，加上忌廉同芝士焗至金黃色，好滿足！😍梅子煎大蝦 豉油皇煎大蝦🍤兩種口味各有千秋，蝦嘅size勁大而且鮮甜彈牙，豉油皇就比較香濃惹味，而梅子就清新醒胃！😎砵仔焗魚腸🐟少有懷舊菜式，採用鯇魚腸加上日本蛋漿焗成，外脆內軟，一d魚腥味都冇仲要香噴噴！🤩翡翠海參鵝掌⭐️海參鵝掌吸收哂醬汁嘅濃味，海參肉厚嫩滑，鵝掌夠淋身而且好入味！👍🏼香煎琵琶豆腐✨又一道手工菜式，豆腐混合香菇同蝦膠，醬汁配合芽菜同菜心更加吸引好食！😌
繼續閱讀
一向超級愛吃黯然銷魂飯，非常喜歡叉燒和煎蛋，加上醬油在白飯之上，我覺得係人間美食，最近比我發現咗人氣中菜廳，灣仔六國酒店「粵軒」推出咗一個「黯然銷魂飯套餐」只係 $ 388 已經有齊前菜、小菜、燉湯、黯然銷魂飯和甜品，能夠在這裏用這個價錢吃到呢個套餐，真係超級優惠👍⭐️黯然銷魂飯套餐 $ 388 （每位）▪️前菜麻辣青瓜、芹菜和毛豆，這個冷盤味道非常特別，充滿麻香但一點都不辣，食到蔬菜的原汁原味，開胃又美味▪️花雕醉雞卷一上枱已經聞到香濃的花雕酒香，雞件非常入味，而且肉質鮮嫩，入口完全充斥花雕酒嘅味道，仲有清甜小蕃茄，可口美味▪️宮廷掛綠蝦球兩隻超巨型蝦碌，新鮮爽口又彈牙，配菜有爽脆荷蘭豆、香菇和紅椒，用帶有甜香的XO醬爆炒過，超有鑊氣，惹味又香口▪️松茸百合燉豬腱滋補清潤的燉湯秋冬這個天氣飲就啱飲，用燉嘅方法令湯頭可保存食材嘅營養，松茸百合味道香濃，豬腱亦燉得非常軟腍，飲完非常潤喉▪️黯然銷魂飯主角出場，暫時係我食過黯然銷魂飯嘅第一名，叉燒用上約8至9吋長新鮮脢頭，厚切大件的切法，靚叉半肥瘦，入口滿滿蜜汁甜香，口感鬆軟，超級美味，用上日本的雞蛋，蛋白煎至燶邊蛋黃流心，伴上紅蔥頭、豬油和香港頤和園御品精裝醬油和純泰國青靈芝香米，煙靭軟熟充滿米香，成就了一碗極之美味嘅「黯然銷魂飯」😋▪️大理石椰汁糕千絲奶皇酥甜品亦相當精緻， 椰汁糕面層造成大理石紋，賣相一流，椰汁味香濃而不甜，入口軟滑，千絲奶黃酥外層酥脆，包住軟滑嘅奶黃流心餡料，外脆內軟，兩款甜品都非常之好食「黯然銷魂飯」即日起至2025年1月10日及2025年2月17日至 3月16日（2024年12月14至15日及21至22日除外）午市及晚市供應只限堂食及必須一天前預訂
繼續閱讀
11月同天蠍座朋友慶祝生日梗喺要食好啲啦🤭🤭 一大班人去粵軒齊齊食冬日必食嘅「蛇羹」「羊腩煲」同「煲仔飯」😋😋 喺我今年第一道蛇羹！超足料超開心🥰🥰食完成個人暖笠笠😝😝🍲太史燴蛇羹呢碗蛇羹經過三小時精心熬製，蛇肉柔嫩裡面真材實料！配上花膠絲和陳年果皮絲，風味獨特‼️食嘅時候撒上檸檬絲與薄脆，令人回味無窮🥰🥰夜晚返到屋企都好掛住🤣🍖枝竹羊腩煲羊腩全部都喺無骨架！羊腩肉質鮮嫩，味道一啲都唔羶，連平時唔食羊嘅朋友都食到啊👍🏻👍🏻 羊腩汁醬融合當歸香氣湯頭濃郁，配搭馬啼、枝竹等材料，冬天食羊腩煲暖笠笠哂～🥓臘味煲仔飯冬天食煲仔飯一定叫臘味煲仔飯☺️ 臘鴨髀、臘腸、潤腸同煲仔飯完美結合，超級香噴噴，煲仔飯仲有飯焦！！🦪鮑魚梅菜排骨煲仔飯四頭鮑魚搭配黑豚肉排骨，鮑魚超彈牙入味，排骨軟腍而梅菜清香唔會過鹹，師傅工夫保留梅菜質感，讓每一口都充滿層次感！🍖和牛粒滑雞煲仔飯新鮮和牛切粒滑嫩無比🤩 與北菇雞相互交融，濃郁醬汁配搭煲仔飯口感豐富，令人陶醉～💚翡翠海參鵝掌海參超大塊超滑溜😚 採用婆參浸三天炆煮後入味，鵝掌口感滑嫩同樣入味，絕對喺奢華享受😌🍤梅子煎大蝦超大隻大蝦😍😍 梅子味道酸酸甜甜咁，啖啖蝦肉超鮮美，大蝦已經預先剪開蝦殼，切開好方便～🍤豉油皇煎大蝦豉油皇調味讓大蝦的鮮味更為突出，外焦內嫩，搭配香氣四溢的醬汁，簡單卻令人難以忘懷的美味。🍳砵仔焗魚腸罕見嘅傳統菜式！呢個喺我第2次食魚腸，估唔到呢度都有得食！入口魚味香濃，一啲都唔腥😝😝 外層香脆，內裡滑嫩。粵軒採用鯇魚魚腸，經過多次清洗及蒸製，一份大約用上一公斤魚腸。🧈香煎琵琶豆腐手工豆腐外酥內嫩，混合北菇粒與蝦膠口感豐富，略帶蠔油香氣，讓每一口都充滿驚喜！底部仲有芽菜及菜心～🦀釀焗蟹蓋蟹造型嘅碟呈上！新鮮焗起超級香噴噴！啖啖都喺蟹肉絲，超級足料啊🤩🤩 蟹肉絲混合忌廉，撒上芝士焗至金黃色！
繼續閱讀
既然六國酒店🏨既下午茶 • 𝐁𝐮𝐟𝐟𝐞𝐭都食過😋梗係要食埋粵軒(粵菜)啦🥢一大班人食左好多野🤰🏻🫃🏻有冬天進補 • 滋補暖胃必食菜式❤️🔥仲有一系列懷舊菜式😎~•~•~•~•~•~•~•~•~•~•~•~•~•~•~•~•~•~•~• ▪太史燴蛇羹 (例窩$628 / 每位$218)湯底主要以🐍蛇骨熬煮，加埋蛇肉 • 拆絲雞肉 • 菇 • 木耳 • 冬筍...啖啖都好足料😚另外加左陳皮絲 • 薑絲🫚，除左可令味道更豐富，仲有驅寒作用❤️🫶🏻原窩上，底有爐滾住加熱🔥再加上白菊 • 芫茜。食完成個人即時暖笠笠，暖身又暖胃💃🏻.▪枝竹羊腩煲 ($580)用左新鮮既羊腩，冇骨啖啖肉，食落完全冇羶味，仲好淋好入味🐐記得要食埋索晒味既枝竹😝仲有生菜 • 冬菇 爽口馬蹄 • 冬筍長期手腳冰冷既朋友仔冬天一定要食，夠晒滋補🥰.人多就可以食多𝐝，嗌左幾款煲仔飯🍲每煲都做到有飯焦🤎飯粒乾身🥄▪鮑魚梅菜排骨煲仔飯 (每位$318/兩位起)𝟒隻鮑魚放正正表面中間，勁有睇頭🤩入味易咬又彈牙🤓梅菜甜甜冇渣，撈飯一流🥣.▪和牛粒滑雞煲仔飯 (每$280/兩位起) 一次有𝟐款肉肉，岩晒食肉獸。和牛粒🐃香口惹味，雞肉🐓好滑滑。.▪臘味煲仔飯 (每位$218/兩位起)多款唔同既臘味(臘腸 • 臘鴨 • 膶腸 • 臘肉)臘味同飯既中間既菜🥬，沾滿臘味油香😙.~•~• 以下係一系列懷舊菜式 ~•~• ▪翡翠海參鵝掌 ($588/各4件)鮑魚蠔油芡汁炆得好入味🤎鵝掌再先炸後滷，食落夠淋🪿海參動動彈，啖啖都係膠原蛋白，靚靚們要食多𝐝🧏🏻♀️.▪豉油皇煎大蝦 / 梅子煎大蝦 ($408/4隻)大蝦肉厚大大隻，蝦頭仲有帶膏。肉質結實得黎爽口彈牙🦐𝟐款口味都好掛汁。豉油皇香口又惹味。梅子清甜少酸，依款好食到加多碟👍🏻 .▪砵仔焗魚腸 ($198)依個砵仔滿晒料呀🤲🏻表面焗得夠香，微微焦邊✨舀起每下都有大量魚腸🐟魚腸處理得乾淨，加左果皮 食落甘香，就算冇加胡椒粉都唔會有腥味😎.▪香煎琵琶豆腐 ($198/8件)外層香脆可口💫用左豆香濃既布包豆腐，混入菇菇🍄🟫 • 蛋🥚。再淋上芡汁，記得要趁熱食呀🥢.▪釀焗蟹蓋 ($168/隻）表面焗到金黃焦香脆脆💥裡面係大量新鮮蟹肉，加左芝士 • 芝士粉🧀 • 牛油🧈濃郁得黎又唔會蓋過蟹肉既鮮甜味🦀清晒全個冇難度💪🏻.▪賀壽蟠桃 細細個好可愛，包體軟熟，餡係香甜蓮蓉 • 蛋黃🍑.~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻♀️需另加𝟏𝟎% 服務費~•~•~•~•~•~•~•~•~•~•~•~•~•~•~•~•~•~•~•
繼續閱讀