龍點心 (寶漢大廈)

營業中

休息中

食精緻點心真係唔一定去酒樓，好似呢間咁我間唔中都幫襯下。呢間分店服務質素比一般酒樓高，而且上菜快，岩哂我。通常我會order「一龍大滿足」、鳳爪拼黑椒金錢肚。大滿足有6款唔同嘅點心：鹹蛋黃墨魚燒賣､酸菜魚鳳眼餃､蟹粉菠菜香蝦餃､松露野菌晶瑩餃､筍尖蝦餃皇､斑蘭麻蓉桃形嘅包。每種餃有佢獨特嘅味道，皮薄餡料多，尤其是蝦餃內滿滿有彈性有蝦嘅餡料，沾一沾呢度好味嘅辣椒油，絕配。鳳爪同金錢肚好入味，一個點心食兩樣款色幾抵。飽肚之選我會食臘腸膶腸蒸雞飯，飯粒分明，臘味香味濃郁，屬水準以上。而厚切叉燒腸粉重點係唔會包叉燒碎而係叉燒件，口感滿足度大好多。西蘭花苗配薑茸原來又係好夾嘅食法，值得一試。