山東小城 (西洋菜南街)

營業中

休息中

今天晚飯由餃子控朋友話事，帶筆者來到旺角西洋菜南街的「山東小城」食水餃！「山東小城」有2間分店，今次到的是太子分店。餐廳內有一幅可愛的大壁畫！雙拼一次過試2款，餃子包得飽滿。墨魚荸薺餃，黑色餃皮混合了墨汁，口感煙韌。內餡由墨魚肉、荸薺粒組成，入口彈牙帶點爽身口感。而京蔥羊肉餃入口都幾juicy，羊肉嫩而不羶，有爆汁感。份量都幾多的砂鍋雲吞雞，雲吞有6粒，大粒皮薄，肉餡十分鮮香。雞件據悉是用上三黃雞，不過可能熬湯的關係，肉質未算很嫩滑。但經雞件煮出來的湯頭就很美味，雞湯鮮甜味香，多喝亦沒油膩之感。鍋內的白菜、娃娃菜盡索雞湯精華，非常入味。點餐時，店員有善意提醒魚皮或會有腥味。不過，入口後就不太覺有腥味。魚皮爽脆，撈上涼拌汁後，酸酸的挺開胃。豬扒生炸至金黃焦邊，色澤賣相頗為吸引。豬扒厚身，肉質軟腍，但稍嫌有一點乾身，未夠juicy。附上一小碟蒜泥秘製醬供蘸點，會多添幾分辣香惹味。山楂茶甜中帶酸，用來祛膩一流。