山東小城 (西洋菜南街)

營業中

休息中

今次係尋找特色小店系列，呢間位於旺角西洋菜南街的小店，以招牌墨魚馬蹄餃最出名，好多人都慕名而去。餐廳環境乾淨利落，空間不算大，但座位尚算可以，不會太逼，牆上巨型壁畫的卡通圖案畫得相當趣致。他們的晚市套餐選擇都幾多，跟餐既可加飲品又可追加小食。千層醬豬耳 $18豬耳入口好爽彈，脆卜卜，加上酸酸辣辣的調味醬料及青瓜絲、洋蔥絲、胡蘿蔔絲等，好開胃。墨魚馬蹄餃擔擔麵 $65餃子有5隻，每隻都好大粒好飽滿，餃子皮是用上了墨魚汁搓麵粉而製成，黑色的餃皮好薄，但內餡豐富，味道鮮香的墨魚滑，跟軟嫩豬肉及爽脆馬蹄結合，口感十足，果然是鎮店招牌，堅好食。至於擔擔麵的麵條煮得剛好，彈牙又唔會太硬，湯底的花生醬味再濃一點就更好食。砂鍋雲吞雞配白飯 $88砂鍋雖小但內裡份量好足，新鮮滾熱辣上檯，先飲啖清甜靚湯，雲吞都好大隻，皮薄餡靚，雞件偏瘦但肉質很滑很嫩，再加上新鮮蔬菜及雲耳，整碗食完都好飽。豆沙餡餅 $12即叫即煎的豆沙餡餅，外皮芝麻好多，而且煎得好香脆，內裡軟糯綿密，一口咬下豆沙餡料香甜可口。(跟餐+$10)蜂蜜百香果蜜、龍眼冬瓜茶百香果果籽好多，微酸清爽，真係好清腸消脂；龍眼蜜的甜味非常柔和，好飲。

Fafafoodblog為食花太郎 山東小城 🍴老醋海蜇頭19 蚊海哲頭好爽口 酸酸辣辣 配埋青瓜正🍴酸辣湯京葱羊肉餃麵61 蚊🐑酸辣湯好足料 好多木耳 肉絲 麵用左上海麵 好夠爽口 羊肉餃新鮮包 羊肉好juicy差味香濃🍴砂鍋金湯酸菜魚配白飯66 蚊🐟魚肉好夠滑 d酸菜湯滲哂落去 仲有爽口薯粉🍴凍百香果茶5 蚊🍴凍冬瓜茶5 蚊#海哲 #葱油餅 #水餃 #酸辣湯 #羊肉 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#山東小城西洋菜南街198 號地下~~~~~~~~~~~~~~

因為佢大大隻既墨魚餃子而瘋狂今日就試試分店質素如何：‼️$62葱油雞菜飯新推出菜飯😆最啱我增肌既女士做晚餐，菜飯有大量既蔬菜，有肉有菜營養均衡，加上蔥油拌飯更開胃。‼️$61羊肉餃酸辣湯面除左招牌墨魚餃，羊肉餃一樣出色！餡料豐富爆汁，羊肉味好出，一碗有四隻，配上酸辣湯面，大滿足😌‼️$19麻辣魚皮（1人份）小食麻辣魚皮爽口彈汁，醬汁辣而入味，我Feel到無味精👍🏻‼️$12紅豆燒餅甜品想食個紅豆燒餅，有好香芝麻覆蓋整個燒餅，新鮮熱辣好軟糯，紅豆餡甜而不膩🫰🏻凍飲轉特飲都係加$5-10，大大杯絕不欺場🙀‼️$5凍冬瓜茶‼️$10百香梳打

太子西洋菜南街附近有好多美食，競爭咁大之下能夠特惠而出證明餐廳有咁上下特色同水準。呢一間山東小城不但只有特色，高水準，價錢亦都十分相宜。特別推薦晚餐嘅招牌墨魚馬蹄餃擔擔麵，餃子全部由人手在店內逐隻逐隻包，好新鮮。墨魚馬蹄餃雖然表面黑色好似好奇怪，但係咬開入面係雪白嘅墨魚滑，既有鮮味亦好彈牙，配合爽口嘅馬蹄令口感再提升到另一層次。擔擔麵亦都唔輸蝕，食得出落足料嘅花生碎同花生醬，兩樣加埋都只係$66。另外加$5就可以飲到特飲，好抵食！以下是圖中菜式及參考價錢💵・　砂鍋雲吞雞配白飯 ($89)・　招牌墨魚馬蹄餃擔擔麵 ($66)・　千層醬豬耳 (+$19)・　豆沙餡餅 (+$12)・　凍百香果梳打 (+$5)・　凍龍眼冬瓜茶 (+$5)

🥢 千層醬豬耳豬耳入口好爽彈，一層層脆卜卜好得意🤣味道酸酸辣辣好開胃👍-🥢 砂鍋雲吞雞配白飯砂鍋雞肉質好滑好嫩🤤湯底好清甜有啖啖雞味，唔好睇佢鍋仔細細，都有4隻雲吞😝 皮薄餡靚，加上新鮮蔬菜及雲耳，整碗食完都好飽，撈飯食一流🤪-🥢 生炸豬扒/黑糖黑醋排骨擔擔麵生炸豬扒有d硬，但擔擔面味道濃郁，好香花生味，麵質入口彈牙💕-🥢 豆沙餡餅即叫即煎的豆沙餡餅，外皮香脆好多芝麻好香，內裡軟糯綿密，一口咬下豆沙餡料香甜可口，鐘意個豆沙餡微甜不錯👍🏻-🥤 百香梳打/ 龍眼冬瓜茶分開一罐梳打和百香果上枱。自己倒罐梳打落杯中攪均勻一起飲好refreshing！龍眼蜜的甜味非常柔和☺️

《誠意餃子小店🥟》———————————————-#山東小城 🇨🇳 -🍜 招牌墨魚馬蹄餃擔擔面餃子隻隻都非常飽滿，黑色嘅餃皮係由墨魚汁製成，內餡再包住味道鮮香嘅墨魚滑，夾埋爽脆嘅馬蹄，口感豐富🖤擔擔麵麵質彈牙，湯底花生醬味香濃～-🐔 惹味葱油雞菜飯店員推介呢個係新菜式，味道十分惹味，雞肉上鋪咗滿滿嘅蔥油，撈飯一流，非常之邪惡😈 切雞係凍食嘅，食落雞皮零舍爽彈嫩滑～-🐽 豬皮豬耳我哋分別嗌咗兩款小食，豬皮同豬耳入口好都爽彈，沾滿酸酸辣辣嘅調味醬料，再加上青瓜絲、洋蔥絲、胡蘿蔔絲等，認真開胃🤤-兩杯特飲都不含香精、人造糖及色素🤩 龍眼冬瓜茶清熱祛濕，益氣補虛～百香果清腸消脂，入口清涼，解膩一流！-🍌 抵deal 指數：7/10-💰 參考價錢惹味葱油雞菜飯：$62招牌墨魚馬蹄餃擔擔面：$66豬皮：$19豬耳：$19凍冬瓜茶：$5凍百香果：$5

呢間主打食餃子嘅小店，門口就經過好多次，今晚買完花就決定試吓。多款特色餃類，見店長推介有墨魚馬蹄餃，第二位係京蔥羊肉餃。首次就點選鮮肉麻辣菜甫餃 ($43)。湯底係紫菜蝦皮蛋花湯，相當清甜，有埋紫菜同蛋花食，仲飽肚D。一碗有七隻湯餃，每隻都相當飽滿。皮嘅厚度適中，入口先食到菜甫嘅脆度，然後有豬肉嘅綿滑感。麻辣開始滲出黎，有辣度但個人黎講可接受，好惹味。有自家製麻辣菜甫可以問店員拎，食過歡喜嘅，收銀處見到仲有得賣，一樽$15。

叫咗個紫菜蛋花湯底嘅雙拼餃，西洋菜餃拼墨魚餃，我對於餃子嘅要求係幾高，同時都可以話係唔高，只要個湯好味，唔係味精嗰啲好味，係足料嗰種好味，餃子皮要薄，多菜少啲肉，調味唔可以太多，一味落豉油或者死鹹嗰啲，我唔ok, 而呢度嘅餃子，就係我好憎嗰啲豉油味餃子，湯都係主要用鹽同麻油滾出嚟嘅蛋花湯，墨魚餃就只係有啲皮包住墨魚漿，同我打邊爐啲墨魚滑差唔多，正正常常，成兜嘢一定味精勁重，未食完已經好頸渴，但係個山楂茶係好飲嘅，員工服務都非常好，只係我唔明點解呢度嘅評論一面倒話好好食，大家都真係鍾意食厚皮嘅鹹餃子？🙈🙈

去完醫院探完屋企人，已經唔係好想再落佐敦食嘢，咁啱有架巴士落到旺角，咁就搵吓旺角有咩食。跟住見到呢一間店，其實公司附近都有就係未試過。加上情人節，要避開啲人潮所以就食呢一間。但係到店嘅時候估唔到都要排兩張，好彩安排到卡位坐三個人，本來想嗌四人餐，三個人未必食得晒，最後嗌咗個二人餐再加一個晚餐羊肉鉸酸辣湯麵。見到隔籬枱啲嘢食都唔係好大份，到自己啲嘢食嚟嘅時候，其實樣樣少少哋食落都幾飽。整體上全部都好有水準，有少少後悔點解平時返工，如果出街食晏唔出去食呢一間。醉雞卷，好入味啲酒味好香濃，都可以好肯定呢個係近期最好食嘅醉雞。個雲吞雞煲，雖然個煲細但係裏便啲料好足，好黐線有六粒雲吞雖然佢唔係好似港式雲吞有蝦肉，但係啲豬肉都塞得好飽滿。另外個豬扒擔擔麵，就係邪惡得來相當出色。個湯底花生醬超濃厚就係忍唔住一飲再飲。個豬扒雖然係炸，但係食嘅時候唔會食到成口油，同埋幾好客塊豬扒肉好厚又多件數。個羊肉餃香羶得來唔會太過濃烈，係個酸辣湯唔夠辣，可以辣番少少。餐加錢叫咗杯龍眼水入，唔太甜都唔錯。後尾再加咗兩個豆沙餡餅，超軟糯，另外加咗啲芝麻增加咗唔同嘅口感。同埋佢啲紅豆下午超多真係一間好有良心嘅餐廳。雖然好

我同男友都好鍾意食水餃有次同佢講起旺角太子果頭有間上海鋪水餃幾好味就帶左男友嚟試因為晚餐唔算太餓，我地叫左少少野食🍽煎墨魚荢薺餃隻餃味道正常，我覺得同普通豬肉餃冇咩分別唔太特別🍽醉雞卷醉雞係凍食既，酒味係正常，唔會話勁濃但個雞肉冇咩脂肪，口感有dd 鞋口🍽京葱羊肉餡餅呢個勁好味! menu有寫要等20mins不過鋪頭食飯又冇時限，我地又唔趕時間既就吹住水咁等下😂份餡餅嚟到好吸引，佢地幫你切左一半咁上碟睇到件餡餅入面裝滿汁勁正😍入面d羊肉，調味好好食，冇"so"味塊餅皮外層食落仲有dd 脆口個餅熱辣辣咁食，外脆內juicy，真係好好味👍🏻

炸豬扒配擔擔麵$58好大份嘅套餐，炸豬扒有成座山咁高，啱哂食肉獸。豬扒有骨有肥肉，肉質juicy，⼀啲都唔紫。擔擔麵個湯底有少少辣，麻醬味唔算重，唔係屬於好杰嘅湯底，食落去唔heavy，如果個面底係幼身啲就會更加好。咁有份量嘅套餐先係50幾蚊，性價比極高。豬肉韭菜煎餃5隻 $31每一粒都好大粒，咬落去超多汁流出嚟! 豬肉同埋韭菜味都好重，非常高質。記住小心睇熱，唔係淥親個嘴仔。豬肉西洋菜湯餃7隻 $39貪心嘅我梗係會試埋湯餃，雖然已經開始飽🤣餃子粒粒飽滿，皮落餡料多。佢會用中湯嚟做湯底，而唔係用味精湯去Hea個湯底超級抵食，份量又多，下次一定會再嚟，要試埋佢個招牌餡餅!📍 山東小城 (西洋菜南街) (太子)太子西洋菜南街198號地舖

❤️招牌三寶菜飯有以下三寶：生炸豬扒、手撕雞、牛肋肉。可以一次過試晒豬、雞和牛，一次過滿足三個願望👍🏻👏🏻。生炸豬扒炸得金黃香脆。配菜飯好健康。❤️水餃10隻揀左雙拼墨魚馬蹄餃拼鮮肉韭菜餃墨魚馬蹄餃內有粒粒墨魚和馬蹄很有口感👍🏻。鮮肉韭菜餃韭菜好香口～❤️洋蔥牛肉餡餅呢個真係必食！👍🏻夠晒熱，上枱時重冒晒煙！😍餡餅內盛滿鮮甜牛肉汁，食到舔舔脷😋。餡餅厚薄適中。❤️豆沙餡餅食完鹹味餡餅食埋個甜餡餅先！餡餅煙煙韌韌很有咬口～配起沙的豆沙餡，微甜不錯👍🏻。❤️百香梳打 分開一罐梳打和百香果上枱。自己倒罐梳打落杯中攪均勻一起飲好refreshing！😍❤️自家製豆漿 ** 加熱豆香又滑，夠晒熱👍🏻

同朋友喺太子行街，然後經過山東小城見到好似都唔錯所以就入去試下先。山東小城除左有粉麵食之外，主打就有餃子，標榜每日新鮮製造，有湯餃同埋煎餃選擇，招牌同埋最好賣就有墨魚馬蹄餃，另外亦有京蔥羊肉餃、鮮肉韭菜、鮮肉西洋菜、鮮肉栗米香菇、鮮肉麻辣菜甫、鮮肉白菜等選擇。我就叫左墨魚馬蹄餃煎餃 ($35/5隻)，黑色既外皮內裡既馬蹄增加左口感。而人氣第二位既香蔥羊肉餃我就叫左湯餃 ($41/7隻)，大粒飽滿，羊肉食落亦唔會有好羶既味，湯底不定期會轉，今次係養生雜菌湯底，飲落都幾好味。洋蔥牛肉餡餅 ($30) 亦都大大塊，切開一半上，盛載住牛肉同洋蔥，牛肉鬆軟，而且仲有湯汁添。麵類方面，就同朋友分享左手撕雞擔擔麵 ($58)，雞肉軟腍，而麵條都掛到湯汁。

山東小城@太子🪡太子西洋菜南街198號地舖💰$60-$100每次經過都排哂長龍，見到dinner套餐都好吸引，大份又抵食，絕對係性價比高。食物種類都各有特色，必有一款你想食。🐖豬耳(一人份) $18小食嚟講份量都ok又大塊，價錢合理，豬耳爽口彈牙，配料酸酸甜甜超開胃。🍲砂鍋雲吞雞配白飯 $88湯底濃郁，超濃雞湯，雞肉嫩滑多汁，雲吞餡料香滑，口感非常出色。湯汁同白飯mix埋一齊食，超match，又飽肚。🌮鮮肉粟米香茹餃麵 $52餃子口感豐富，鮮嫩多汁，粟米粒粒分明，增添咗一絲甜味，香茹仲帶來特別嘅香氣。麵條滑順，吸收湯汁，整體味道均衡。🌮鮮肉韮菜饀餅 $30餡餅即叫即整，建議要早啲叫，製作時間大概要20分鐘，食完主食就啱啱可以食。饀餅外脆內軟，餡料豐富，肉質鮮嫩，韮菜香氣四溢，口感爽口，超級推薦大家必試！

【太子•山東小城】@ππππππππππππππππππππππππππππππ醉雞卷雲吞雞煲手撕雞豬扒擔擔面熱冬瓜茶凍百香果茶醉雞卷 醉雞卷口感滑嫩，酒香與雞肉的鮮味完美融合，令人一試成主顧。雲吞雞煲 雲吞皮薄餡多，雞煲湯汁濃郁，搭配新鮮蔬菜，讓人感受到家的溫暖。手撕雞豬扒擔擔面 面條筋道，手撕雞肉鮮美，豬扒香脆，擔擔醬香辣適中，令人食欲大開。熱冬瓜茶 清甜的冬瓜茶，熱飲溫暖舒心，適合搭配各式佳餚。凍百香果茶 凍飲清新解渴，百香果的酸甜味道平衡得宜，為餐後增添一抹清爽。 餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 300✨✨✨✨✨✨✨✨✨✨✨✨✨#太子美食 #山東小城 #web3太子山東小城 (西洋菜南街)西洋菜南街198號地舖