神燈海鮮酒家 (V Point)

營業中

休息中

之前聽過幾個朋友介紹話呢間中菜好食，本身佢佐敦都有分店，而家喺銅鑼灣都開咗，所以今日就同朋友過嚟擦餐勁。估唔到星期六晚我哋去係full晒，多數都係一家人過嚟食，因為餸菜都比較大份，所以可以多啲人share😎佢啲嘢食好有鑊氣整體都幾好食🥳✨黑松露玻璃燒鵝黑色嘅燒鵝我真係第一次食🙈原來佢係搽咗黑松露醬之後再攞去燒同埋風乾，個皮有少少肥膏，但係唔會太多超級重鵝油香。肉質好juicy，再點埋黑松露酸梅醬係超級特別。✨糯米炒膏蟹超級推薦呢個好好食！膏蟹真係有超級多膏，同糯米飯一齊炒有蟹黃香，糯米飯炒得好乾身，而且唔油膩。✨拆肉瀨尿蝦元貝釀玉環瀨尿蝦好彈牙，下面有好大粒同厚身帶子，出面再圍住咗冬瓜，成個感覺比較清新食到海鮮味。✨石澳梅菜蒸菜心石澳梅菜好惹味，但係唔會太鹹，菜心好爽脆。