影片
更多
2025-05-17
0 瀏覽
見到牛大人推出咗新嘅湯底同埋配料選項- 叫黑白盛宴，所以即刻搵埋朋友一齊去試吓。每一次可以食任飲任食火鍋係最開心嘅，因為可以放肆自己，咩都食吓。見到有幾個新嘅湯底，係黑白養生系列，分別有黑金蒜土雞鍋同埋雪白御鮮豆腐鍋，兩個湯底都好吸引呀，最後我哋都係清清地揀咗雪白御鮮豆腐鍋，原來鍋入邊已經有蒸煮滑豆腐及硬豆腐架喇，加埋一啲魚肉去熬煮嘅湯底，鮮味十足。我哋仲另外加咗個黑豆蒸煮滑豆腐放落湯底煮添。當然唔少得餐廳最出名嘅湯底啦，叫左牛夫人秘方麻辣鍋，一如既往咁好味。最後係加咗錢叫咗個鴛鴦鍋，滿足晒兩個願望。我哋就揀咗日本黑毛和牛A4+套餐，每位贈送澳洲M9和牛牛丸2粒 ，仲有海鮮拼盤添，好豐富。個海鮮拼盤啲海鮮好新鮮，有蟶子，大大隻嘅蠔帶子同埋鮑魚，用白湯底嚟煮熟佢哋，特別鮮味。一大碟A 4+黑毛和牛同埋伊比利亞黑毛豬梅肉，佢哋色澤均勻，肉質特別鮮嫩，肉味十足，超吸引。望吓餐牌，有好多新選項，我哋呢個套餐仲可以任食鮑魚㖭啊，有不同口味嘅鮑魚可供選擇。鮮甜鮑魚，古法醉鮑魚，炭燒鹽蔥鮑魚、柚子燒汁鮑魚同埋白•藤香鮑魚豆腐，佢哋嘅調味調得10分出色，保留咗鮑魚嘅鮮甜。我哋都食到停唔到口叫咗幾次。我
見到有幾個新嘅湯底，係黑白養生系列，分別有黑金蒜土雞鍋同埋雪白御鮮豆腐鍋，兩個湯底都好吸引呀，最後我哋都係清清地揀咗雪白御鮮豆腐鍋，原來鍋入邊已經有蒸煮滑豆腐及硬豆腐架喇，加埋一啲魚肉去熬煮嘅湯底，鮮味十足。我哋仲另外加咗個黑豆蒸煮滑豆腐放落湯底煮添。當然唔少得餐廳最出名嘅湯底啦，叫左牛夫人秘方麻辣鍋，一如既往咁好味。最後係加咗錢叫咗個鴛鴦鍋，滿足晒兩個願望。
我哋就揀咗日本黑毛和牛A4+套餐，每位贈送澳洲M9和牛牛丸2粒 ，仲有海鮮拼盤添，好豐富。個海鮮拼盤啲海鮮好新鮮，有蟶子，大大隻嘅蠔帶子同埋鮑魚，用白湯底嚟煮熟佢哋，特別鮮味。
一大碟A 4+黑毛和牛同埋伊比利亞黑毛豬梅肉，佢哋色澤均勻，肉質特別鮮嫩，肉味十足，超吸引。
望吓餐牌，有好多新選項，我哋呢個套餐仲可以任食鮑魚㖭啊，有不同口味嘅鮑魚可供選擇。鮮甜鮑魚，古法醉鮑魚，炭燒鹽蔥鮑魚、柚子燒汁鮑魚同埋白•藤香鮑魚豆腐，佢哋嘅調味調得10分出色，保留咗鮑魚嘅鮮甜。我哋都食到停唔到口叫咗幾次。
我仲叫咗一個幾得意嘅芝士麻吉燒，好似湯圓咁放落湯度，一咬落去芝士爆出嚟，啱晒我呢啲芝士愛好者。
仲俾我發現到幾款新嘅小食，香烤墨汁腸、鹽酥髒髒雞同鹽酥美乃’雞’。佢哋都各有特色保留住台灣嘅風味。香烤墨汁腸烤得好香口配上生蒜一齊食，好似身處於台灣夜市呀。鹽酥髒髒雞炸得好香脆，配上超多紫菜粉，真係好髒髒呀。鹽酥美乃’雞’，顧名思義就係取美乃滋嘅諧音，好搞笑，亦都超級邪惡。仲有一個黑•雪映山葵豆腐，黑豆豆腐，配上新鮮山葵，識落好清新。
飲品方面亦有新發現，我叫咗個芝麻豆漿黑旋風，朋友就叫咗杯啤酒 - 半杯晨光 • 半杯暮色，混合少爺啤酒的Pilsner與Stout，顏色上睇落已經好靚，加埋一個咁特別嘅名。飲落好清新。而芝麻豆漿黑旋風，芝麻同豆味超級香濃，都幾好飲。
最後試埋個仙花雙圓，配料10分豐富有豆腐花、仙草仲有其他配料，好豐富。
食勻晒呢幾樣嘢都已經食唔落出邊任食區嘅火鍋配料同飲品,手機QR code亦都仲有其他唔同嘅食品飲品😆，真係超多選擇。不過飽住個肚都要食雪糕，有超多唔同款嘅雪糕產品選擇，當然我哋梗係要食movenpick雪糕啦, 食到回晒本，捧住個肚走😂
張貼
