影片
更多
2022-05-02
127 瀏覽
星期六黎到長沙灣呢間黑白格調既cafe，個名Contrast已經帶出左裝潢同食物設計上既心思。店內裝潢主要都係走黑白對比嘅色調；擺設上好多都係廣東特有嘅裝飾，例如港式嘅招牌或舊式嘅風扇；而食物主要提供西式咖啡、窩夫、多士等等。可以見到好多細節位上都有用到對比嘅概念⚫️⚪️今次我哋嚟到食brunch，10:30左右嚟到其實都坐滿晒人，開始要排隊等一陣。我哋叫咗一個主食、一個甜品同一杯飲品😊主食我哋叫咗羅勒煙三文魚忌廉芝士竹炭多士🍞($78)我哋發現好多食物都有利用竹炭/墨魚汁等加入黑色嘅元素。首先睇圖就見到煙三文魚嘅份量都幾多！而竹炭多士嘅味道亦都比較特別，食落會咬到竹炭特有既微粒個種口感，而且佢係有輕微嘅甜味😆配搭埋煙三文魚嘅微鹹同清新嘅羅勒葉，口感豐富而且味道幾特別，有驚喜👍🏻甜品我哋叫咗竹炭糯米窩夫($102)主要貪佢有竹炭同埋網上好多人介紹🤣窩夫因為加入左糯米所以變得煙韌，而且烤得外脆內軟👍🏻最鍾意係佢嘅自家製牛奶雪條，好重嘅牛奶味🍼本身以為雪條好硬🤣佢都溶得比較快，質感食落似忌廉芝士咁好幼滑😆食窩夫嘅時候仲可以加埋淡奶、忌廉、草莓或者紅桑子🍓好多材料好正啊😙最後飲咗杯熱朱古力($4
店內裝潢主要都係走黑白對比嘅色調；擺設上好多都係廣東特有嘅裝飾，例如港式嘅招牌或舊式嘅風扇；而食物主要提供西式咖啡、窩夫、多士等等。
可以見到好多細節位上都有用到對比嘅概念⚫️⚪️
今次我哋嚟到食brunch，10:30左右嚟到其實都坐滿晒人，開始要排隊等一陣。
我哋叫咗一個主食、一個甜品同一杯飲品😊
羅勒煙三文魚忌廉芝士竹炭多直
$78
20 瀏覽
0 讚好
0 留言
主食我哋叫咗羅勒煙三文魚忌廉芝士竹炭多士🍞($78)
我哋發現好多食物都有利用竹炭/墨魚汁等加入黑色嘅元素。首先睇圖就見到煙三文魚嘅份量都幾多！而竹炭多士嘅味道亦都比較特別，食落會咬到竹炭特有既微粒個種口感，而且佢係有輕微嘅甜味😆
配搭埋煙三文魚嘅微鹹同清新嘅羅勒葉，口感豐富而且味道幾特別，有驚喜👍🏻
竹炭糯米窩夫
$102
12 瀏覽
0 讚好
0 留言
甜品我哋叫咗竹炭糯米窩夫($102)
主要貪佢有竹炭同埋網上好多人介紹🤣
窩夫因為加入左糯米所以變得煙韌，而且烤得外脆內軟👍🏻
最鍾意係佢嘅自家製牛奶雪條，好重嘅牛奶味🍼
本身以為雪條好硬🤣佢都溶得比較快，質感食落似忌廉芝士咁好幼滑😆
食窩夫嘅時候仲可以加埋淡奶、忌廉、草莓或者紅桑子🍓好多材料好正啊😙
Valrhona chocolate
$42
22 瀏覽
0 讚好
0 留言
最後飲咗杯熱朱古力($42)
杯朱古力同出面飲嘅味道都好唔同，飲得出佢唔係普通嘅可可粉🤤
朱古力入面嘅可可味係超級濃郁，甜中帶甘🥰
之後上網睇返原來Valrhona朱古力係有朱古力界Hermès之稱的法國著名品牌😱
請原諒我見識淺，飲完又係一試難忘🥺
張貼
