Contrast

今次嚟到長沙灣嘅 Contrast，呢間 café 主打黑白極簡風，令人一入去就覺得格調滿滿。整體氣氛舒服，無論係坐低歎杯咖啡、同朋友傾計，或者影相打卡，都好啱。經典車打芝士美國牛肉漢堡配薯條沙律漢堡賣相精緻，厚身牛肉扒煎得恰到好處，肉汁充盈，牛香濃郁。表面輕微焦香，夾上溶化車打芝士，咸香誘人。漢堡包質地鬆軟，唔會太乾。沙律配菜新鮮爽口，帶少少酸味中和油香；薯條炸得金黃酥脆，熱辣辣上枱時香氣撲鼻，咬落外脆內綿，令人忍唔住一條接一條。黑松露蟹肉炒蛋竹炭多士炒蛋滑溜柔軟，質感如雲般輕盈。蟹肉細緻鮮甜，每一口都滲出海洋氣息。黑松露香味濃郁而唔霸道，融合得剛剛好。底層嘅竹炭多士微脆帶香，帶出少少煙燻感，令整體層次更加豐富。每一啖都有蛋香、蟹香同松露香交織，十分有驚喜。芒果抹茶輕輕攪拌抹茶後入口，芒果香甜濃郁，帶一點果肉纖維感，配上抹茶的微苦茶韻，甜中帶苦，層次感十足。芒果的果香令整體更清新，而抹茶則為飲品增添深度，兩者融合得自然順滑，不會互搶風頭，飲落冰涼順口。…查看更多

同個fd約食lunch，揀左呢間cafe因為想休閒啲坐得舒服啲😆佢個餐牌好特別，會寫埋幾多卡路里係到😆減肥嘅人就唔洗驚食多左🤣🤣✨✨✨✨✨✨✨✨✨✨✨我就試左個 墨魚汁扁意粉拌蟹籽🍝墨汁味好香，唔會好靭，不過食完成口黑哂😂😂蟹籽粒粒卜卜脆😋蟹籽控嘅我真係超愛🤩加埋杯Expresso Lime Tonic ☕️呢個休閒寫意嘅lunch就完美😍啡味濃🙂‍↔️咖啡控嘅你一定要試下🫶🏼…查看更多

一年冇見朋友，同朋友約於此cafe ，我地由2:30pm坐到人地關門6:30 ，中間都係食左一意粉半份窩夫，仲叫左杯matcha latte and long black。佢既咖啡算好款式，其中creamy Americano 都特別既。而hand drip都有3種。不過最重要係，坐得耐，唔趕人。…查看更多

兩組兩人等位。已經十分鐘有多。見靠窗bar 枱四個位，1及3位各坐一個人。所以問女服務員為什麼不叫其中一個移位便可以坐兩個。所以才請其中一位客人移動，客人亦十公願意。當枱執好，矮枱有人走。我想要矮枱，告訴戴眼鏡Cap 帽職員表示想要矮枱。但他說已經因為我要求執好Bar 枱。我表示：一早便應該要求客人移一移，我們觀察了十分鐘有多才出聲。男Cap帽話：我哋做嘢係就自己方便，今日爆哂單。我驚訝：乜話？就自己方便？佢答：係呀。係就自己先。我說：宜家我排先，係咪可以先揀位。佢才答：可以。呢個係老闆之一還是伙記？係咪因為食物質素唔錯，好生意就唔積極安排吓客人坐埋一邊，好讓客人不用在門口曬住等呢？墨汁意粉fb 超愛。黑松露蟹肉多士，黑松露味超濃。…查看更多

Cold Matcha Latte（$50）口感順滑，濃厚得嚟又帶點清新，鮮奶同抹茶味道比例大約七三。開心果糯米窩夫 全份（$148）賣相不錯，打卡一流。竹炭窩夫，有四件，size 比一般格仔餅大件及厚身。即制，所以上枱時仲熱烘烘，表層脆身，裡面就好軟糯（可能係溝咗糯米粉），而且口感實在，唔會一陣風咁。開心果奶蓋，香滑、綿密，表面洒上開心果碎。意大利開心果醬，開心果味濃，甜度適中，同窩夫好夾。伊朗開心果碎脆脆，開心果味重，十分脆口，好味。椰子開心果金寶，少許椰子味，極度脆口。自家製牛奶雪條，味道十分濃郁，滿滿的牛奶味。餐廳環境舒適，員工有禮，食物及飲料質素不錯，但價錢對我來說就偏貴，久唔久一次半次都可以嘅。…查看更多