牛大人台灣火鍋吃到飽 (鱷魚恤中心)

營業中

休息中

呢個大人相信大家都唔會陌生，今次佢地玩黑白主題，由湯底都食物都黑x白。黑白養生湯底分別有黑金蒜皇土雞鍋同雪白御鮮豆腐鍋。揀左黑金蒜皇土雞鍋，香味撲鼻又有特色。120分鐘日本A4黑毛和牛火鍋放題先送上澳洲M9和牛牛丸同埋海鮮拼盤，和牛牛丸彈牙又多汁，海鮮拼盤食材新鮮，有鮑魚、蟶子、蠔，同埋扇貝。日本A4黑毛和牛好靚仔，口感香嫩。伊比利亞黑毛豬梅肉唔比A4黑毛和牛遜色，有驚喜。另一亮點”任食鮑魚”都好吸引，因為唔係獨沽一味，比夠鮑魚三吃：古法醉鮑魚、炭燒鹽蔥鮑魚同柚子燒汁鮑魚，多種食法。黑白主題仲有好多驚喜，好似黑·雪映山葵豆腐、蟹籽墨汁漿、鹽酥髒髒雞；白·藤香鮑魚豆腐，鹽酥美乃『雞』，魚香皮蛋豆腐。然後飲品都有濃厚黑芝麻味既芝麻豆漿黑旋風，like 社交平台就送；或者飲啤酒都有手工啤。甜品就有仙花雙圓。整體真係唔似平時任食火鍋咁悶。當然，自助區照舊有其他食材同多款飲品。最後我一定留意埋雪糕。除左KitKat 同Oreo 雪糕批，最搶手一定係 Movenpick 雪糕，岩晒我呢啲雪糕控。