Classy Le Carré

營業中

休息中

呢間位於西環既餐廳環境優美，裝修有特色，歐陸風情既白色小屋裝修！❤️黑松露迷你披薩❤️pizza酥皮鬆軟有嚼勁，好煙韌，好香麥味，上面撒滿香濃既黑松露同各種雜菌，口感豐富而且味道極為美味，又唔會太大個，小巧💛黑松露雜菌奶油菲達芝士扁意粉💛扁意粉煮得軟硬適中，味道濃郁香爽，精選佐新鮮既雜菌，並搭配濃郁既黑松露奶油醬汁同絲絲入味既菲達芝士，每一啖既扁意粉都散發著混合左黑松露同奶油既幽香🧡威士忌水牛城汁單骨雞翼🧡除佐黑松露嘅菜品出色，小食同樣唔錯，呢度既雞翼先炸香再用汁煮，外酥內嫩，搭配威士忌水牛城汁既獨特調味濃稠香辣既水牛城汁浸潤雞翼，令雞肉更加鮮嫩多汁💚小米鮮蝦羽衣甘藍沙律💚同時呢度既沙律都值得俾讚，新鮮既小米做基料，加上鮮蝦搭配清新爽口既羽衣甘藍，仲有其他新鮮蔬菜，配上特調醬汁既點綴，味道清新又有層次感！