黑木亭居酒屋 (金馬倫道)

黑木亭居酒屋：尖沙咀隱世和風美食盛宴！今日同朋友去咗尖沙咀嘅黑木亭居酒屋，一入到去就俾佢嘅和風裝潢吸引住！木系設計加上柔和燈光，感覺好溫暖又放鬆，坐低即刻想叫嘢食！仲有Live Band可以互動/點歌，充滿氣氛。三味鐵板A5和牛鵝肝，原價$428，而家特價$298，真係抵！A5和牛嘅油花分布均勻，入口即化，鵝肝外脆內軟，油脂香氣撲鼻，兩者夾埋一齊食，簡直係味蕾嘅極致享受！鐵板嘅熱度令和牛同鵝肝嘅香氣更加突出，每一啖都令人回味無窮。草莓南蠻醬吉列炸蝦原價$228，特價$168。呢度嘅吉列炸蝦真係唔講得笑，手掌咁長，炸得金黃酥脆，咬落去蝦肉飽滿彈牙，配上士多啤梨南蠻醬，酸甜開胃，完美中和咗炸物嘅油膩感，食完仲想再encore！ 天降橫財炸福袋，原價$211，特價$148。呢個自家製炸福袋真係驚喜滿滿！外皮炸得香脆，入面包住蝦膠、鮑魚同雞肉，口感豐富又有層次，蘸埋南蠻醬一齊食，開胃到停唔到口！ 仲有一道柚庵燒美腿乳鴿原價$68，特價$48。乳鴿用新鮮柚子醬汁醃，燒得皮脆肉嫩，乳鴿腿定型成「美腿狀」，擺盤好有心思！用手拎住食，咬開仲有陣陣鴿油同肉汁，柚子嘅清香令成道菜更加清爽，完全唔會膩！