米走雞Deluxe (已搬遷) 新店位置

對於鍾意食芝士既我，一直好想搵機會試下芝士雞煲，今日終於可以過銅鑼灣試試黃金芝士雞煲。一坐低，店員放低醬料架，醬料擺放得很整齊，有芫茜、洋蔥、紅辣椒仔等，每個有獨立的蓋蓋着，感覺好衛生。 由於我十分喜愛芝士，所以選了激量芝士，上菜時已經見到有好多芝士係面，雞煲完全被芝士覆蓋，望到都流晒口水，只需加熱幾分鐘芝士開始溶化就可以食。一打開蓋，立即聞到香濃的芝士味，芝士完全多到可以拉絲，而每件雞件都好大件，啖啖肉之餘，肉質亦好幼滑，每一件都被芝士包著，非常美味。食到差不多，可選擇加清湯或芝士湯，我們選擇了清湯，芝士味雖會變得無咁濃，但依然好好味，更適合打邊爐。至於打邊爐，當然唔少得牛肉。我地選左手切新鮮牛頸脊，雖然點左小份，但好大碟，而且油脂分佈平均，牛味香濃，厚薄適中，入口即溶，正! 因為有芝士湯底，決定點了一個雜菇拼盤，沾滿芝士嘅雜菇，好好味! 最後不少得的當然是稻庭烏冬，質地彈牙煙韌，吸收埋芝士湯汁，非常美味。