客家人

營業中

休息中

以前喺界限街打完波，都會去客家人食飯，最近見到佢喺長沙灣開咗新店，當然都要去支持下啦。一嚟就先開壺茶，呢度除咗有傳統嘅茶葉之外，仲有酒樓比較少見嘅大紅袍可以揀，我就當然一試啦，都唔錯。我哋要咗客家嘅名菜，黃酒煮雞湯。呢度嘅黃酒煮雞湯真係唔野少，用了勁足，除咗有整整半隻雞之外，仲加上大量嘅藥材同埋餐廳自己釀嘅黃酒。飲完一碗雞湯之後，塊面都已經即刻紅晒，仲流晒汗咁，真係熱血沸騰。秘製三杯鴨三杯鴨又係另一道客家特色的美食，鴨肉肥而不膩，滿口回香，肉質結實，夏天食鴨肉真係最好不過。鬼馬焗魚腸焗魚腸其實係一道用了非常之平嘅菜式，係用上所謂下欄貨去煮。不過願意去整焗魚腸嘅人真係少之又少，因為煮法非常之繁複，因為魚腸好難洗乾淨，要將魚腸同魚肝洗乾淨，再搭配各種食材先蒸後焗，真係愈黎愈少人願意整。呢度驚焗魚腸就做得非常之出色，魚油豐富，魚腸嘅表面雞蛋嘅部份都非常之香，令人一試難忘。