影片
更多
2008-04-09
24 瀏覽
係大埔行完一輪, 轉眼又到晚飯的時間. 小弟突然想起著名8/90年代歌手黃翊係度開了間三小姐, 口碑係不俗的. 於是就四個人來了這裡.先打電話訂臺, 但原來要最少六個人先有得訂臺, 不過店方話大把位, 於是小弟馬上趕過來. 大約六點半來到, 還有不少位, 但轉眼間未到六點十已經全場爆滿.值得一提的係這裡的等位辦法係跟舊式茶樓一樣, 就係自行揀一張最有機就走的臺, 企係後面等. 但係晚市要這樣等, 就真係幾麻煩同考眼界了.這裡的餐牌跟一般大排檔相似, 就係選擇不多, 一輪選擇之後, 揀了以下幾樣.沙薑雞腳$28: 9分, 先要一客沙薑雞腳, 邊食邊等二妹. 而度的沙薑雞腳件頭係好大, 一碟八隻雞腳, 仲要係件件都大大隻的, 只係$28, 好抵. 沙薑沾在雞腳上面, 幾入味的, 件雞腳不太淋, 有咬口, 最適合喜歡吮骨的人. 當晚6點開門, 7點半就賣光沙薑雞腳了, 成為當晚最快售罄的食物. 值得一試.泰式香辣骨$38: 8分, 要了個廚師推介的泰式香辣骨, 肉係幾鬆化的,炸德剛好, 面頭的汁酸酸的, 也帶小小辣味, 好醒胃.銀魚蝦乾炒翠玉瓜$42: 8分, 本來應該係勝瓜的, 但係是晚沒
先打電話訂臺, 但原來要最少六個人先有得訂臺, 不過店方話大把位, 於是小弟馬上趕過來. 大約六點半來到, 還有不少位, 但轉眼間未到六點十已經全場爆滿.
值得一提的係這裡的等位辦法係跟舊式茶樓一樣, 就係自行揀一張最有機就走的臺, 企係後面等. 但係晚市要這樣等, 就真係幾麻煩同考眼界了.
這裡的餐牌跟一般大排檔相似, 就係選擇不多, 一輪選擇之後, 揀了以下幾樣.
沙薑雞腳$28: 9分, 先要一客沙薑雞腳, 邊食邊等二妹. 而度的沙薑雞腳件頭係好大, 一碟八隻雞腳, 仲要係件件都大大隻的, 只係$28, 好抵. 沙薑沾在雞腳上面, 幾入味的, 件雞腳不太淋, 有咬口, 最適合喜歡吮骨的人. 當晚6點開門, 7點半就賣光沙薑雞腳了, 成為當晚最快售罄的食物. 值得一試.
泰式香辣骨$38: 8分, 要了個廚師推介的泰式香辣骨, 肉係幾鬆化的,炸德剛好, 面頭的汁酸酸的, 也帶小小辣味, 好醒胃.
銀魚蝦乾炒翠玉瓜$42: 8分, 本來應該係勝瓜的, 但係是晚沒有勝瓜, 轉了做翠玉瓜. 銀魚同蝦乾脆卜卜, 點綴一下, 比單單炒翠玉瓜多了層口感.
籠仔燸米蒸羔蟹$58: 8分, 放眼望落去, 係差不多每一臺都有叫這個籠仔燸米蒸羔蟹. 先吃燸米飯, 係非常之香, 好入味, 吸收了蟹香, 也有點荷葉味, 加上面頭的蒜蓉, 係每吃一口飯也香氣噗鼻. 單單計這個燸米飯, 相當高水準. 不過蟹係不新鮮, 霉了. 當然價位只係$58, 也不能要求蟹係好新鮮的, 但家下的水準就未令人滿意. 蟹羔也有不少, 不過當然也同樣地不太新鮮, 色水麻麻.
份量係好多, 適合人多來食的. 如果蟹的水準能夠改一下就更加好.
豉骨陳村粉$38: 7分, 一樣係相當大籠的, 小弟不知這個粉的份量係這麼大的, 其實要了個蟹再要個陳村粉實在比較多. 陳村粉係出奇的不太入味, 已經撈了, 但係也好像沒有甚麼豉汁味, 淡淡的, 不太好食. 排骨無乜肉. 跟北角那邊的狗仔粉比, 這個陳村粉係一般.
鮮奶椰皇$20: 9分, 落單時已經預留兩客椰皇, 雖然好飽, 也照食. 椰皇幾大個, 仲好深, 係畢極都有的, 又係份量十足的, 一個人吃有大難度, 兩個人吃剛好. 燉奶係好滑, 也有椰子味道滲入了燉奶入面, 更加之香口, 係偏濕了點. 吃這個甜品, 為這餐帶來美滿的結局.
整體食物有水準, 價錢相宜, 不錯的. 但成晚也見不到黃翊, 放假了?
張貼
