牛大人台灣火鍋吃到飽 (銅鑼灣廣場二期)

營業中

休息中

今日過海，食晏梗係搵間想食既野食啦 !! 醒起銅鐵灣有牛大人，即刻捉隻佬去排隊 !!上到店家都已經好多人，拎左飛仔就等叫號碼，我地已經去到全場滿坐既最後一兩枱，好在入到 !! YEAH入座即刻點湯底，當然係我地最愛既麻辣鍋啦 ! 仲要點多個唔辣既就淥菜，好重要 ~ 最後叫左 苦瓜鳳梨雞湯。梗係叫個最貴既餐唔駛煩！乜都叫得🙈個牛肩好好味！黎到牛大人都必叫既 牛筋/牛肚/大腸！配麻辣鍋都真係好正！好入味，越滾越正！佢地竟然有西洋菜勁開心！個花枝滑又夠彈牙，仲有一粒粒既花枝 👍🏻老油條又係不得了！吸哂湯，勁正！鹽酥雞夠脆口 ，一份小食岩岩好！之後梗係又狂叫肉啦，其實黎咁多次牛大人佢地牛同豬既質數都真係唔錯 !!佢地既鴨血好滑，但如果好似台灣果邊咁，大舊D就好喇！當然份量佢地有時都有大既 ... 但唔常囉！冇問題 ~ 在於我梗係點多幾份就好！哈哈 ～嘩～ 食到勁飽，侍應姐姐突然話有碗雜錦仙草俾我地，堅飽都要食埋佢！太正喇～