紅堂 (已結業)

天氣涼涼地最岩打返個邊爐，今日過左港島，LUNCH揀左呢間紅堂，位於銅鑼灣登龍街28號永光中心1樓。BOOK左位準時到即獲安排入座，經理同埋店員都非常有親切有禮貌!湯底有四款選擇，鴛鴦鍋可任選兩款湯底。清油養生麻辣鍋拼東北酸菜白肉鍋麻辣鍋鮮辣辛香、麻而不嗆；酸菜白肉鍋入喉順口，酸香開胃。十秒牛舌薄切牛舌嫩滑彈牙，口感極致。蟹子墨魚手掌滑手掌造型可愛有特色，墨魚滑鮮濃爽滑，蟹子脆卜卜，口感層次豐富，鮮味突出。紫菜響鈴新鮮出爐即叫即炸熱辣辣，新鮮爽脆，炸至金黃色，將紫菜釀入響鈴，外脆內軟!鮮蔬拼盤 有齊生菜、南瓜、栗米、冬菇等，款款新鮮健康，南瓜香甜軟糯，生菜爽脆，栗米清甜飽滿。甜品叫左紅桑子冰粉，配料有山楂片、紅桑子、提子乾等等，冰粉食落爽滑，Q彈有口感，甜度剛好，解膩解辣一流，口感層次多元化。