麻辣派對 (瑞生酒店) (已結業)

都好一排冇食麻辣嘢啦，今次食呢間麻辣派對，之前未食過，但係經過一路都想試。餐廳環境非常有特色，佈置用心，好似啲婚宴場地咁樣，昏暗的燈光再加埋大枱，坐落都幾舒服。酸菜魚 (⭐⭐⭐⭐💢)嚟得呢間當然係食酸菜魚啦。佢呢度魚嘅款式都幾多，佢有重慶銅盤烤桂魚或者水煮系列。以水煮系列為例，再分唔同嘅味道，例如有鮮椒味、蕃茄味同埋酸菜味。我就揀咗最典型嘅酸菜味，有唔同嘅辣度，由於新手入門，所以叫咗BB辣，味道都可以接受，一般人都應該不成問題。魚方面亦都有唔少選擇，例如有江團、黑魚、桂花魚、剝皮魚同埋最貴嘅極上安格斯牛肉。我哋揀江團，因為侍應推介話比較香滑。另外仲可以加輔菜，不過我哋見水煮魚份量都好大喇，所以就冇需要。酸菜魚有唔同嘅配料，除咗魚之外，仲有水晶粉、蒟蒻、酸菜、芽菜，味道非常香濃，遠遠已經聞到一陣麻辣嘅味道。叫水煮魚當然要有啲嘢送喇，見個魚味道都好濃，我哋點咗白飯，魚配白飯一流。另外仲有啲家常小炒，本來想試，不過驚食唔曬，所以都冇點。款式其實都幾多，有辣有唔辣。飲品 (⭐⭐⭐⭐💢)嘢飲方面，叫咗凍蜜語水果茶，38蚊，另外仲叫咗支凍嘅道地冬瓜茶，諗住凍嘢比較有助解辣。甜品 (⭐⭐⭐⭐💢)原來