影片
更多
2023-04-22
659 瀏覽
今次第一次食鹿兒島薩摩雞雞串燒為主既omakase，串燒有8本同10本串可以揀我地叫左十本串燒餐，可以試多啲唔同串燒！前菜係湯品濃香雞湯配免治雞肉，雞湯非常濃香，配埋軟滑入味嘅免治雞肉，係未試過嘅配搭，層次豐富味道剛剛好。串燒雞柳就配咗魚子醬，員工都介紹如果唔夠味嘅話可以落七味粉或者山椒粉。雞胸配埋紫蘇葉，味道特別清爽，出奇地好味。帆立貝三文魚籽帆立貝好鮮味！三文魚子超級鮮甜大粒～真係有驚喜！雞側腎平時我唔太食內臟，但係依個燒得好好味，入口好爽脆，又惹味！雞腿依然有雞肉嘅嫩滑，燒後亦鎖住咗個肉汁。生麩磯邊燒紫菜包住芝士年糕，聽落以為韓國嘢，但係日式滋味，與別不同。沖繩酸拌海蘊串燒本身好濃味，中間夾雜一個酸味爽口嘅海蘊，好好嘅安排！時令蔬菜係醬燒大菇，廚師好細心，將蘑菇碇切成格紋狀，入口嘅時候就唔驚咬唔爛喇～^_^和牛西冷雖然呢間舖以薩摩雞做賣點，但係和牛都做得好出色，燒至五成熟，外脆內嫩，肉汁鎖得啱啱好，有驚喜！自家製月見免治雞肉生雞蛋嘅汁液令到免治雞串再滑左啲，雞串表皮香脆，有啲似食緊雞皮餃子嘅感覺！雞白湯拉麵/雞肉茶泡飯套餐可以任選其一，看似平凡嘅拉麵，但係個湯真係整得好濃好cre
今次第一次食鹿兒島薩摩雞雞串燒為主既omakase，串燒有8本同10本串可以揀
我地叫左十本串燒餐，可以試多啲唔同串燒！前菜
係湯品濃香雞湯配免治雞肉，雞湯非常濃香，配埋軟滑入味嘅免治雞肉，係未試過嘅配搭，層次豐富味道剛剛好。
串燒
雞柳就配咗魚子醬，員工都介紹如果唔夠味嘅話可以落七味粉或者山椒粉。雞胸配埋紫蘇葉，味道特別清爽，出奇地好味。
帆立貝三文魚籽
帆立貝好鮮味！三文魚子超級鮮甜大粒～真係有驚喜！
雞側腎
平時我唔太食內臟，但係依個燒得好好味，入口好爽脆，又惹味！
雞腿
依然有雞肉嘅嫩滑，燒後亦鎖住咗個肉汁。
生麩磯邊燒
紫菜包住芝士年糕，聽落以為韓國嘢，但係日式滋味，與別不同。
沖繩酸拌海蘊
串燒本身好濃味，中間夾雜一個酸味爽口嘅海蘊，好好嘅安排！
時令蔬菜係醬燒大菇，廚師好細心，將蘑菇碇切成格紋狀，入口嘅時候就唔驚咬唔爛喇～^_^
和牛西冷
雖然呢間舖以薩摩雞做賣點，但係和牛都做得好出色，燒至五成熟，外脆內嫩，肉汁鎖得啱啱好，有驚喜！
自家製月見免治雞肉
生雞蛋嘅汁液令到免治雞串再滑左啲，雞串表皮香脆，有啲似食緊雞皮餃子嘅感覺！
雞白湯拉麵/雞肉茶泡飯
套餐可以任選其一，看似平凡嘅拉麵，但係個湯真係整得好濃好creamy，就係只係食佢都願意俾錢！而茶泡飯係雞絲飯連雞湯撈埋一齊食，又係便是一番滋味！
夾餡雪糕/自家製布甸
香濃嘅海鹽雲呢拿雪糕會有脆餅夾住，口感幾特別。而布甸會加上幼糖灼燒過成焦糖，配埋甜甜嘅蕨餅，為呢一餐落下完美既終結！
張貼
