賞茶 (荷里活廣場)

營業中

休息中

賞茶嘅波霸奶茶味道唔錯，奶同茶嘅比例合適，珍珠又唔會過硬或者過軟。不過我試過嗌熱飲，但係就唔係好夠熱，好似只係用暖水沖咁。反而佢嘅小食就超級好食啦。我最鍾意嗌佢嘅鹽酥小派對，有齊炸雞、炸花枝丸同埋炸薯條三款小食。所有小食都係即叫即炸，所以每一次食都係熱辣辣，又脆又香口，用嚟送佢嘅奶茶，配搭一流。不過，因為佢係即叫即炸，所以每一次嗌小食都至少要等半個鐘先有得食，所以強烈建議你哋唔係好趕時間嗰陣先至好去買。