賞茶 (荷里活廣場)

賞茶的荔枝烏龍和白桃烏龍想不到鑽石山那麼多手搖選擇, 這次點了賞茶的荔枝烏龍和白桃烏龍, 喜歡烏龍的味道, 有茶香, 又不會太澀, 晚上飲完都唔會睡不著, 而且少甜相對比較健康, 之前不停飲手搖飲到肥左好多, 所以現在都傾向選擇少甜或者無糖的, 但並不會不好喝, 反而更喝出茶味。荔枝烏龍的荔枝味比想像中清新,而不是那種假假的香精味, 味道不錯, 其實習慣了少甜, 但不會淡到沒有味道。少冰或走冰絕對建議, 因為凍飲其實都不好, 喝完容易肚子痛, 少喝凍飲而喝室溫的反而比較好, 這間手搖店是健康之選, 而且都算美味。…查看更多

去到賞茶，環境乾淨簡約，落單速度快，拎杯時仲聞到陣陣黑糖香。今次試「黑糖奶蓋珍珠奶茉」，叫咗小甜小冰，效果啱啱好。 第一口落去，黑糖香濃郁，但唔會太甜膩，入面嘅茉莉茶底仍然清楚透出花香同清爽回甘，層次比一般黑糖奶多咗啲細節。奶蓋係最大驚喜，質地似輕奶油，入口厚滑，帶淡淡鹹香，壓住黑糖嘅甜度，令整體唔至於膩口。 珍珠煮得相當到位，軟糯又有彈性，吸住咗部分黑糖糖漿，每咬一下都有香氣滲出嚟，啱啱好同茶香交融。小冰令飲品保持涼爽，但又唔會凍到麻痺味覺，飲完仲有餘韻。 整體嚟講，呢杯飲品平衡感做得幾靚，用料同火候都見心思，飲落去流暢自然，唔係齋靠黑糖甜去呃人，而係真係飲得出茶同奶嘅和諧。成杯飲完，滿足又清爽。…查看更多

服務態度有需要改善一下 講真員工心情好唔好唔關我事 我淨係問一句 呢杯野飲請問可唔可以少冰少甜 冇出聲答我可以定唔可以就自己打咗少冰少甜 其實我問下可以定唔可以 因為飲個個唔係我 你可以答一聲 唔可以答一聲 自己打單打落去係你飲定我飲 再者 我問一聲有冇visa比錢 唔洗好似我欠咗你幾萬蚊咁 西口西面話得現金八達通 唔係我冇現金八達通 係我唔知有咩方式支付 如果我知我實攞定出嚟比埋你地員工 講真我完全冇諗過服務態度由我心情好好 搞到我要好似做錯事而受人氣咁走 今次比錢買難受 …查看更多

叫左杯半糖熱手工芋頭鮮奶，甜到嘔，自己加左鮮奶 加左小半盒都勁甜，咁大杯野 得幾粒芋頭，我要飲鮮奶嘅話樓下7仔20蚊一大盒啦大佬我比49蚊買杯甜到嘔嘅鮮奶，想知啲好評係咪買番黎🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮…查看更多

【賞茶🧋🤤】今日同朋友睇完戲 好想飲珍珠奶茶 經過賞茶 決定買一杯*極品波霸賞奶茶（少甜少冰）$28d茶嘅味道比較淡 應該係紅茶底 反而係d珍珠比較Q彈 彈牙 有嚼勁 煙煙韌韌適合喜歡咬珍珠嘅朋友 整體搭配一般 不過不失⭐️評分： 6/10 📍地址：賞茶 (鑽石山)鑽石山龍蟠街3號荷里活廣場3樓324號舖 #珍珠奶茶#珍珠奶茶🧋#🧋#賞茶#極品波霸賞奶茶#手搖#bubbletea#bobatea#hongkongfood#hongkongfoodie#hongkongfoodblogger#hkfoodie …查看更多