The Platter (悦品酒店‧荃灣)

營業中

休息中

今次去咗食自助餐，做緊鵝肝花膠主題。主打鵝肝、龍蝦任食，仲有花膠鵝掌等。一入到去，食物擺得好整齊，即刻開動！首先海鮮區，有蟹腳、凍蟹、螺、蝦、青口，都幾多元化！蟹腳鮮甜，螺同蝦都好爽彈，配埋檸檬汁同cocktail sauce，更加提鮮！刺身區有三文魚、吞拿魚、鯛魚、墨魚、馬刀貝、蝦。重頭戲嚟喇！鵝肝即叫即整，煎得外脆內軟，入口即溶，配埋多士食，邪惡到爆！龍蝦肉質彈牙，任食真係抵！花膠鵝掌炆得夠腍，花膠滑溜溜，鵝掌入味，食落好滋補。燒烤區有串燒，另外熟食仲有燒牛肉、蜆、蟹、中、雞、豬肋骨等。甜品區係雪糕、蛋糕、Brownie、朱古力噴泉，款式算多！特別推介朱古力噴泉，可以自己整朱古力水果串，好玩又好食！飲品區有果汁、咖啡、茶、任飲。