影片
更多
2022-08-10
612 瀏覽
上個月頭來Umai食個一次晚飯，朋友話呢到嘅新廚下田豪馬嘅tasting Menu非常精彩，話點都要試下。一直好鍾意食串燒嘅我，當然唔會抗拒再食過full串燒menu。兩個前菜，一個刺身，九串肉類內臟串燒，兩串蔬菜類串燒，一個湯，再加一個好特別嘅雞肉壽喜燒烏冬，仲有甜品，只係$780，有一個日本廚全程負責為你服務，呢個價錢，絕對精彩，而且你一定會食得好飽，就算你唔夠食要加串燒，通通都係$42串，講到呢到，唔推薦唔得。以前住荔枝角嘅時候真係一個美食沙漠，多得Bird Kingdom呢個group，老闆真心識食，喺呢度帶嚟左幾間唔同嘅精彩餐廳，Umai絕對值得你再黎呢度，聽講天婦羅都好正，淨係一間餐廳都夠你黎幾次，今次就講吓串燒先。剌身係青森大間吞拿魚醬油漬，前菜有西柚牛油果沙律點同雞肝醬吐司燒鳥九串，用上日本阿波尾雞，當中好幾個都好出色。第一串雞頸肉，爽牙彈牙，開個好頭。雞胗嘅濃，加上佢嘅醬汁，食得更開胃，內臟部份就不是用日本雞，反用上本地清遠雞。大蔥雞髀串，我最愛嘅係大蔥，有點焦香，雞肉夠多汁。雞尾，旁邊有用日本紫蘇做嘅醬汁，雞尾當然口味濃郁，唔係個個都食得到，但係送埋個汁又無咁濃味，
上個月頭來Umai食個一次晚飯，朋友話呢到嘅新廚下田豪馬嘅tasting Menu非常精彩，話點都要試下。一直好鍾意食串燒嘅我，當然唔會抗拒再食過full串燒menu。
兩個前菜，一個刺身，九串肉類內臟串燒，兩串蔬菜類串燒，一個湯，再加一個好特別嘅雞肉壽喜燒烏冬，仲有甜品，只係$780，有一個日本廚全程負責為你服務，呢個價錢，絕對精彩，而且你一定會食得好飽，就算你唔夠食要加串燒，通通都係$42串，講到呢到，唔推薦唔得。
以前住荔枝角嘅時候真係一個美食沙漠，多得Bird Kingdom呢個group，老闆真心識食，喺呢度帶嚟左幾間唔同嘅精彩餐廳，Umai絕對值得你再黎呢度，聽講天婦羅都好正，淨係一間餐廳都夠你黎幾次，今次就講吓串燒先。
剌身係青森大間吞拿魚醬油漬，前菜有西柚牛油果沙律點同雞肝醬吐司
燒鳥九串，用上日本阿波尾雞，當中好幾個都好出色。
第一串雞頸肉，爽牙彈牙，開個好頭。
雞胗嘅濃，加上佢嘅醬汁，食得更開胃，內臟部份就不是用日本雞，反用上本地清遠雞。
大蔥雞髀串，我最愛嘅係大蔥，有點焦香，雞肉夠多汁。
雞尾，旁邊有用日本紫蘇做嘅醬汁，雞尾當然口味濃郁，唔係個個都食得到，但係送埋個汁又無咁濃味，幾好。
用上較小的雞子，更容易吃，小巧不會太膩。
自家製免治雞肉串，冇平時咁大件，入面唔會好多嘅雞肉，送上日本蛋，之前一串已打爆你，但呢個就會易接受得多。
不是經常見的甲狀腺，上次Yardbird都無得食，今日食完真係一試便愛上，有點像雞腸質地。
雞肝都不錯，加點七味粉同鹽，各有特色。
雞翼係燒得勁出色，同平時你食開唔同，雞皮當然脆，佢嘅雞翼仲會連接一個雞肉，係你未食過的形式。
野菜有兩串，意大利青瓜同高智縣靑椒，各有所長，我特別愛青椒。
好戲有後頭，蛋花清雞湯，蛋花真係好精美，個湯都好飲。
地雞壽喜燒烏冬先係精彩，佢燒熱個鍋，放上蔬菜同雞，加上壽喜燒湯，又有日本蛋同烏冬，絕對係你從未試過嘅經驗，雖然好飽，但你都一定會食得哂。
尾聲的紅豆綠茶雪糕，簡單收結。食咁多，都係咁平，你係香港區一定唔係呢口價，近來朋友要推薦串燒店，呢間一定係。
張貼
