鵜舞

再嚟D2 Place 鵜舞食飯。今次主要想試呢度新推出嘅「德島美食祭」同埋「秋刀魚祭」菜式。🐟秋刀魚刺身秋刀魚刺身擺盤精緻，肉質肥美富彈性，仲帶有甘甜濃郁嘅魚鮮。秋刀魚秋天最肥美，被日本人視為「秋の味覺」的代表之一。以薑蓉、蔥花去襯托出秋刀魚油香係最正宗嘅配搭。🍠黑糖鳴門金時蕃薯條 配忌廉芝士沾醬 以甜度高、纖維少、口感佳嘅德島鳴門優質金時蕃薯，切成幼條，炸至金黃色，口感變香脆，加上黑糖糖漿，咬下去甜而不膩。配搭自加裝忌廉芝士醬，我係食到停唔到口！呢個小吃造型靚，打卡餸酒必點！ 🧡神山香菇北海道海膽壽司徳島神山町出產嘅「神山香菇」肉質肥厚、口味鮮香。加上北海道海膽，勁甘甜濃郁，呢個創新嘅配搭超讚。🐓明太子芝士釀阿波尾雞翼 阿波尾雞係代表德島嘅高級地雞，低脂肪健康、口感酥脆。阿波尾雞翼肉味香濃，釀入福岡明太子、芝士及明太子辣味噌，炸至金黃色鬆脆，入面嘅雞肉仍然軟嫩多汁。🥟阿波尾雞餃子天婦羅 這晚阿波尾雞嘅另一美食。採用肉質紮實低脂、雞味鮮香濃郁嘅阿波尾雞做餃子餡料，餃子皮薄至半mm。這阿波尾雞餃子沾上輕薄酥脆的天婦羅麵衣，炸至外層酥脆、帶嚟無比驚喜嘅豐富口感。🥘鐵板油浸芝士有馬山椒德島釜揚丁香魚 日籍主廚以「釜揚」工法製作德島釜揚丁香魚保留丁香魚嘅鮮嫩。將丁香魚、芝士及兵庫縣有馬山椒以橄欖油放上鐵板加熱至焦香氣。山椒嘅獨特柑橘香氣及清爽麻味，能中和丁香魚腥味提升整體層次。以香脆多士沾上橄欖油、釜揚丁香魚、微溶芝士及山椒粒食別有一番滋味！🍋德島半田酢橘冷素麵德島縣半田素麵搭配德島名產酢橘製作清爽冷麵，Q彈微酸、清新開胃! 之前每次去日本都會揾嚟食，估唔到喺香港都可以食到咁優質嘅酢橘冷麵👍🏻作為居酒屋，呢度嘅飲品都有好多選擇。我哋就揀咗🍹Umai Calpis Soda鵜舞乳酸梳打🍺Double Cultured乳酸生啤啤酒與乳酸結合，兩種發酵技術創造出極致的啤酒雞尾酒。好甜好易入口！配搭炸物同鹹香菜式一流。🈵 整體嚟講，鵜舞呢次嘅德島美食祭＋秋刀魚祭，將正宗日本食材原汁原味帶到香港。食材獨特優質、菜式美味新穎。炸物尤其出色 … 加埋居酒屋嘅輕鬆環境，仲好有氣氛𠻹！真係好有去咗日本旅行的感覺。…查看更多

🇭🇰鵜舞·呢間喺荔枝角嘅居酒屋我之前已經食過啦 佢近排出咗個新menu係有全國唔同地區嘅特色美食 都幾得意🇯🇵·[名古屋]鄉土料理 鰻魚飯三食$108 l [福岡]爐端燒豬蹄$88佢個鰻魚飯新鮮整起 熱辣辣 超級香🔥食完原味仲可以加茶變茶漬飯🍵之後個燒豬蹄都好有驚喜 佢燒到好脆口 而個豬腳煮到岩岩好 超多膠質🐷·[大分]琉球醬漬刺身$118 l [東京]三文魚籽最中餅/吞拿魚蓉最中餅$58個刺身我哋都好鍾意 佢好新鮮 撈埋生蛋黃 簡簡單單已經好好食🤤之後兩款最中餅我自己就鍾意三文魚籽嗰款多啲 呢一個鹹鮮啲😗·[千葉]花生味噌唐揚炸雞$108 l [京都]鱧魚茄子天婦羅 梅肉蘿蔔泥$118 l [福岡]明太子芝士豚肉天婦羅$78 l [北海道]焗2年越冬熟成馬鈴薯$78佢個唐揚炸雞係配左花生味噌 估唔到幾夾🥜之後天婦羅個皮好脆 點埋個蘿蔔泥超夾🍤最後個明太子芝士豚肉中間係超多芝士 好邪惡🧀·#rbyeat#rby日本菜#rby荔枝角·📍荔枝角長義街9號D2 Place ONE地下G02號舖…查看更多

呢兩日香港天氣熱到一個點🥵 收工好想搵個地方飲杯嘢唞一唞❤️ 朋友仔話公司附近開咗間 #居酒屋「 鵜舞 」，以 #簡單美食、#日本鄉土及B級美食 （簡單易烹調，適合平民大眾嘅食物）為賣點，每晚都會吸引唔少食客慕名而來幫襯🍻 呢晚 #小秘書 就跟埋朋友仔嚟到 📍#D2 朝聖！餐廳外貌以大江戶居酒屋造型而建，經過兩旁高掛嘅紅色燈籠🏮 終於去到我哋嘅座位，餐廳環境非常有儀式感！餐牌上食物以 #日本各省美食 組合而成，單係睇圖片已經好吸引😉 呢晚就聽店員嘅介紹，試吓師傅嘅手勢！✨東京三文魚籽、海膽最中餅 - #最中餅 可以話係日本東京嘅名物，師傅用糯米粉搓成薄皮，再放入熊仔🐻嘅模件烤焗成形，配埋大大粒嘅 #三文魚籽，同 #海膽 一齊食，可愛得來又有特色✨大分美食#琉球醬漬刺身 - 特製嘅醬油，加入雪凍咗嘅 #魚生刺身 同 #牛油果 一齊混合，再用紫菜包住一齊食，清新嘅口感，啱晒夏日嘅節奏✨北海道美食#焗2年越冬熟成馬鈴薯 - 師傅將薯仔烤熟，口感軟腍腍就好似棉花糖一樣，加埋牛油喺面，焦糖化甜甜嘅口味，令人非常滿足#漁師町海鮮野菜鏘鏘燒 - 錫紙包住各式各樣嘅海鮮同埋其他蔬菜一齊煮，味道辣辣地，非常惹味✨広島美食#牛腸天婦羅 - 牛腸軟糯嘅口感，外邊包住一層甜甜地嘅漿粉，味道都幾有創意✨福岡#明太子芝士豚肉天婦羅 - 咬落去啖啖 #芝士醬，加埋 #明太子 獨有嘅香味，口感好豐富✨新潟美食#糸魚川墨魚汁炒麵 - 濃濃嘅墨魚醬汁跟麵條撈勻，每一啖入口都有厚厚嘅墨魚肉，好有口感✨名古屋美食鄉土料理 #鰻魚飯三食 - 店員叫我哋先將 #鰻魚 切開四份，加入配菜或者放落茶漬入邊，味道食各有特色，不過我就比較鍾意原味，貪佢夠香口，食到真正嘅鰻魚味道✨鵜舞夏日特飲因為天氣實在太熱，我哋一口氣嗌晒餐牌上嘅四杯 #沙瓦特飲(Sour)🍋冰結檸檬塔沙瓦 - 35 cm長嘅 #冰結檸檬 做裝飾，有得食有得玩之餘，啱晒鍾意打卡嘅我🥰 Sour酸微微嘅味道，令人胃口大開🍍冰結菠蘿沙瓦 - 新鮮嘅檸檬放入沙瓦(sour)一齊，啖啖新鮮菠蘿肉，十分滋味🥒河童沙瓦 - 青瓜清新口味，啱晒炎炎熱嘅夏日🌶️金魚沙瓦 - 以辣椒嘅形狀造成金魚，外觀睇起嚟就好似一個水族館一樣，微辣嘅口感，刺激味蕾餐廳俾我嘅感覺，就好似返咗屋企食飯一樣，滿載笑容嘅店員，令人攰氣全消！雖然只係簡簡單單嘅菜式，但係食物味道卻係充滿層次感！不愧為 #日本鄉土及B級美食 專門店，整個感覺都好溫馨呀❤️…查看更多

公眾假期嗰日9:30pm入到餐廳，明明10點先last order想叫個釜飯、玉子燒、燒油甘魚鮫，全部都話冇。擺明就係唔想做。 味道尚算OK但係如果乜都唔想整，咁不如就話自己10點閂門罷了。總括嚟講非常之失望因為基本上想食嘅嘢全部都話冇（我估係啲員工想早啲收工，所以乜都話冇）。…查看更多

趁秋刀魚當造月份，想一試刺身在OpenRice隨機搜尋秋刀魚見依間秋刀魚嘅相賣相唔錯，就嚟一試果然同其他食評既賣相一樣秋刀魚肥美新鮮，開心可以喺香港食到冇諗過其他菜式都幾出色特別係天婦羅店員過來推銷的幾款菜式，都有叫可以講係全部都好食天婦羅食材夠新鮮，炸蝦、炸蠔都係刺身級別（食得出，同急凍貨係唔同）粉薄漿脆柚子冷麵一人前份量，但真係好食，麵質煙靭，柚子凍湯夠爽，酸甜開胃最驚喜係雪糕，諗住番薯雪糕唔會有咩特別，原來佢係炸番薯做底，再放上雲呢拿雪糕番薯炸得好好，同埋雪糕一齊配搭一凍一熱，可以話係好好食雖然最後都食到好飽，但係個雪糕真係出色整體樣樣嘢都好味😋食材新鮮，感受到廚師有用心整，廚藝也在線侍應都好好，雖然坐卡位，都定時有人過嚟望吓，而落單嗰位sell嘅嘢食都真係好食依個價錢話平唔係最平，但依個價又做到以上咁多樣嘢都做得好嘅餐廳真係唔多食評可能冇其他既咁專業，本人普通食客一名，基本上都唔會特登去寫食評。埋單嘅時候聽到係餐廳13周年，都幾難得人人都話香港飲食業寒冬，希望用心嘅餐廳多啲人知道:)…查看更多

今次去呢間日式餐廳食飯，整體體驗真係幾舒服～😌🍱一入去就感受到濃濃嘅日本風味🇯🇵，店內播住悠揚音樂🎶，空間又夠闊落，坐低嗰刻已經覺得好放鬆～🛋️✨ 店員仲好有心，用筆記本逐樣介紹當季食材📒，講解得清楚又有禮貌，服務態度真係值得讚👍！🍣 最期待嘅刺身果然冇令我失望～叫咗油甘魚同帶子，每一啖都食到海洋嘅鮮味🌊，配埋少少芥末🌿，嗆一嗆更惹味，真係好食到唔捨得停口！🍛 咖喱罐罐外形幾特別，好有創意～不過入面肉碎就少咗啲，餸料唔算豐富，烏冬係滑但偏少，有啲唔夠喉😅。反而清酒煮蜆就好正！蜆肉滑滑地🦪，湯汁清甜又鮮，簡直係正～💯呢間日式鋪食物質素高，服務又貼心，環境又舒服，係間值得再嚟嘅日式餐廳～📍🍶…查看更多

挺有氣氛的日式居酒屋🏮 說到秋季美食當然不少得肥美的秋刀魚🐟 原條秋刀魚刺身新鮮又肥美!而秋季限定的「德島美食祭」帶來了四國德島的美食!! 神山町出產的香菇以天婦羅方式呈現，香菇厚肉肥大，配搭鮮甜的海膽☺️ 一起吃下很滋味阿波尾雞翼釀了明太子芝士咸香惹味🍗 油浸芝士山椒丁香魚配酒一流😋 加上脆口麵包，咸香十足最後吃一碗清爽的酢橘冷素麵作結!! 這款半田素麵比一般的素麵滑溜有彈性🍜 微酸的酢橘醬汁可以解膩😚…查看更多

荔枝角D2 place人氣居酒屋鵜舞係今個秋天為大家帶黎入秋必食嘅秋刀魚及各款德島美食.尤其係德島美食系列嘅menu內有各款食品,好多都好吸引!!秋刀魚刺身有「秋之味覺」之稱嘅秋刀魚絕對係入秋必食之一秋刀魚油香豐腴而且味道鮮甜鐵板油浸芝士有馬山椒德島釜揚丁香魚以鐵板熱辣辣送上 丁香魚鹹香鮮味配上帶微辛香嘅山椒更惹味最後配上烘德香脆嘅麵包平衡返油膩感神山香菇北海道海膽壽司以厚肉充滿沖郁菌香嘅炸神山香菇做底再配甘甜海膽 鮮味滿分明太子芝士釀阿波尾雞翼釀滿豐富餡料嘅雞翼雞翼好juicy 配上微辛又帶鮮味嘅明太子再加上濃郁芝士 味道充滿層次阿波尾雞餃子天婦羅餃子以雞肉作餡 咬開爆晒肉汁入口脆卜卜又唔會太膩德島半田酢橘冷素麵素麵上鋪上一片片柑橘片 賣相好靚素麵清溜彈牙 味道清新好解膩黑糖鳴門金時蕃薯條配忌廉芝士沾醬炸得薄脆嘅金時蕃薯條 充滿金時蕃薯天然香甜…查看更多

日式居酒屋🏮鵜舞✨位於荔枝角 D2 Place，以東京新宿小巷風情，與日本漁村樸實質感營造日式風情🇯🇵由即日起到十月底舉辦「德島美食祭 2025」，以⾛地雞「阿波尾雞」🐓糖度極⾼的「鳴⾨⾦時」蕃薯🍠及鮮嫩的「鳴⾨鯛⿂」入饌🐟同場亦推出秋刀魚限定料理，展現秋味之王的甘香油潤與細緻彈性，日本直送當造肥美🔸秋刀魚刺身 $198每逢秋天🍂又到秋刀魚當造的季節刺身魚肉柔軟細膩，搭配薑蓉和蔥花🫚辛香中和了油脂的濃郁，味道更鮮更有層次。🔸神山香菇北海道海膽壽司 $118金黃酥脆的天婦羅香菇🍄‍🟫厚實飽滿，內裏味道濃郁，鮮香多汁。頂部點綴著質感細膩的北海道海膽🧡口感柔滑，味道甘甜鮮美，底下配上壽司醋飯，層次豐富。
🔸明太子芝士釀阿波尾雞翼 $58外皮沾上天婦羅粉漿，炸得酥脆鬆化，雞肉本身鮮嫩多汁🍗帶有阿波尾雞特有的濃郁肉香內餡中選用福岡名產明太子🤤增添了濃郁鹹香味，再配上濃郁絲滑的芝士🧀及清香解膩的紫蘇葉，令人回味無窮。🔸德島半田酢橘冷素麵 $108冷素麵外觀清新怡人🌱碗面鋪滿薄切的酢橘，散發著淡淡的柑橘香氣，微酸又清新🥰德島縣半田地區由日本江戶時代開始製作「半田素麵」並傳承至今🌾小麥比例會根據季節有所調整，入口更有彈性。🔸鐵板油浸芝士有馬山椒德島釜揚丁香魚 $118熱騰騰的鐵板上，丁香魚細緻地鋪滿表面🐟經過「釜揚」工法，保留鮮味與香脆口感。配上芝士🧀及有馬山椒🌶️以橄欖油低溫浸煮，表面微焦、香氣四溢。配上香脆的多士同食🍞鹹香惹味，層次感十足
🔸阿波尾雞餃子天婦羅 $88餃子被一層薄薄的天婦羅麵衣包裹，炸至輕脆鬆化，餃子皮薄餡靚🥟阿波尾雞肉質較緊實有彈性，雞香濃郁🐓面頭點綴著細碎的蔥花與紅椒粉，配上酢橘醬油製成的清爽醬汁，酸香中和了炸物的油膩感。
🔸黑糖鳴門金時蕃薯條 配忌廉芝士沾醬 $78甘甜與濃郁的金時蕃薯切成幼條🍠炸至金黃香脆，再淋上一層薄薄的黑糖糖漿，帶著一絲焦香，加上忌廉芝士醬🧀奶香濃郁，質地滑順🍻很適合作爲佐酒小食。🔸冰結檸檬塔沙瓦片片檸檬層層疊起🍋賣相吸睛😍 入口是冰涼的檸檬清香，帶著微微的酸，帶少量酒精，味道清新🔸焙茶冰梅酒熊造型冰塊十分可愛🧸焙茶的醇厚茶香，與梅酒的甜美搭配得恰到好處…查看更多

呢日玩左成日去左荔枝角搵好野食，夜幕低垂見到遠處好大個燈籠，係日式居酒屋～即刻衝去食😍店內好多燈籠同魚旗、所有裝飾都好有日本味道好似置身於日本咁🥰今期大推德島系列美食，好多都係平時未食過ge菜式好驚喜😋😋秋刀魚刺身，原條刺身上枱，擺盤好靚，刺身口感好爽口彈牙，從未試過的咁正正，一d都唔腥😍餃子，炸到脆卜卜，內餡肉質鮮嫩好多汁，果然食日本野餃子是必點的👍🏻雞翼，內皮炸到卜卜脆，雞翼入面釀左芝士同明太子，層次口感好豐富💖蕃薯條，蕃薯條切成絲烘到好脆，再沾上忌廉芝士一齊食，真係無懈可擊，好食到停唔到口🤤鐵板油浸芝士有馬山椒德島釜揚丁香魚，完全冇諗過呢個配搭可以咁出眾😳丁香魚加埋充滿魚油的芝士搽落去脆包一齊食，鹹香得黎又唔膩，真係好食到停唔到口👍🏻島半田幹橘命素麵，冰凍爽口彈牙的麵條配上青橘的青香，好清爽解暑～好岩夏天食😋😋💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡秋刀魚刺身餃子雞翼蕃薯條鐵板油浸芝士有馬山椒德島釜揚丁香魚島半田幹橘命素麵香芋雪糕💛💛💛💛💛💛💛💛…查看更多

We indulged in a limited-time menu featuring the freshest flavors straight from Tokushima  . Here’s a peek at our delicious journey:🍣 Sanma Sashimi: The ultimate way to savor the essence of autumn! Tender and rich in flavor, it melted in our mouths.🍄 Shin-Yama Mushrooms with Hokkaido Sea Urchin Sushi: A delightful combination of umami! The juicy mushrooms paired perfectly with the creamy sea urchin.🍗 Awa Chicken Gyoza Tempura: Crunchy on the outside and juicy inside, these gyozas were bursting with flavor.🧀 Mentaiko Cheese-Stuffed Awa Chicken Wings: These wings were a heavenly fusion of creamy and savory, making every bite irresistible!🍠 Brown Sugar Narutomaki Sweet Potato Fries with Cream Cheese Dip: Sweet, crispy, and absolutely delightful! The creamy dip took it to another level.🔥 Teppanyaki Cheese with Arima Sansho Tokushima Boiled Shirasu: A unique dish with a perfect balance of flavors that left us craving for more!🍜 Handa Sudachi Cold Soba: Refreshing and zesty, the perfect palate cleanser!If you’re in the area, don’t miss out on this culinary adventure! 🥢❤️…查看更多

喺荔枝角D2 Place樓下嘅鵜舞 Umai，每年9月至10月都會有「德島美食祭」，用高品質走地雞「阿波尾雞」同肥美秋刀魚創作菜式！阿波尾雞果然有雞味又Juicy！亂咁嗌嘅黑糖鳴門金時蕃薯條我同朋友都食到停唔到口！神山香菇北海道海膽壽司 HK$118神山香菇天婦羅外脆內juicy，北海道海膽夠甘甜，與香菇嘅香氣好夾，而且有多重口感！明太子芝士釀阿波尾雞翼 HK$58「阿波尾雞」雞翼肉香味濃，入面包住福岡明太子同芝士，增添鹹香味道，再沾上天婦羅粉漿炸到鬆脆內嫩！鐵板油浸芝士有馬山椒德島釜揚丁香魚HK$118 家嫂覺得最有驚喜嘅一道菜！釜揚丁香魚、芝士同山椒用橄欖油低溫浸煮，香脆到不得了，生椒爆炒過之後冇咁麻但係好香！雖然應該卡路里爆燈，但係第一次食到呢個味道同口感！秋刀魚刺身HK$ 198 秋天係秋刀魚當做嘅日子刺身食起嚟完全冇腥味，配上薑蓉、蔥花或同大橘子香味嘅醋，襯托出秋刀魚油香！黑糖鳴門金時蕃薯條 配忌廉芝士沾醬HK$78 我同朋友仔都食到停唔到！番薯條炸到脆卜卜，但係一啲都唔油膩，帶雲呢拿甜味嘅忌廉芝士醬係MVP，食落有喺日本食鮮忌廉焗番薯嘅感覺！帶雲呢拿甜味嘅忌廉芝士醬係MVP，食落有喺日本食牛油焗番薯嘅感覺，推薦！…查看更多

荔枝角區 「性價比」 的一間日本料理餐館，位置於 D2 one 地下 🍀🍀 午市提供多種套餐定食今天點選了拉麵套餐，一碗拉麵+一款小食 $108🍀 辛辣叉燒拉麵，湯頭濃郁是純手工熬煮的高品質證明 😋 除了手工極細麵條之外，叉燒肉屬於清爽系，僅用拉麵內的基底醬醃製而成，味道溫和不搶戲，和拉麵湯頭非常搭。最後再加入青蔥、黑木耳，半熟蛋就是一碗招牌拉麵！🍀 黑蒜油所需要的香氣、蒜味、鹹度 、還有豚骨湯的調和，這一切全都體現在眼前的這一碗了 😍😍😍🍀 套餐配的 「唐揚炸雞」…查看更多

非常出色 所有食物都很好吃. 當晚叫左燒鮑魚(正!) 海膽 生蠔 壽司 刺身 松葉蟹飯 等等 樣樣都好出色.基本上每星期都會黎一晚食. 餐牌多元化 好多選擇.唯一希望 如果可以有埋八爪魚刺身 同埋 燒魷魚一夜干 咁我好肯定每星期至少光顧兩晚. 因為家在鵜舞附近, 直頭可以當飯堂咁.希望可以考慮考慮一下加八爪魚刺身同埋燒魷魚一夜干. 謝謝. 以及加多些燒海鮮款式. 日式胡麻菠菜也好.…查看更多

喺附近工作完，諗住獎勵自己食餐好啲嘅上OpenRice睇見到呢一間評分都幾高，就諗住入去試吓，叫咗個澳洲和牛燒定食好快已經有職員過嚟幫我落單，服務都OK不過職員冇特別問我幾多成熟咁我諗住可能佢哋有一定嘅烹調方法啦，所以我都冇特別講自己要幾多成熟嚟到見到塊牛扒，成碟都係血水雖然唔介意生啲，但未至於可以接受成碟都係血水嘅牛扒睇見都即刻食肉不振連埋+1服務費，埋單$251收得唔平之餘，影響了心情冇下次講完。…查看更多