影片
更多
2025-07-14
0 瀏覽
收工之後相約咗班朋友聚下，我哋又想食小菜又想食點心，即刻諗起全日都有點心供應嘅荃灣鳯城1954，一於去食小菜，又可以飲夜茶🥰原來鳯城1954係鳳城集團嘅新派順德品牌，經過悉心改良嘅特色小菜，更加容易吸引年輕一族消費者🌀欖角骨 $88呢個真係好好食，欖角骨大大件，肉質鬆軟帶蜜糖嘅香甜，好香欖角香味入晒骨🥰🌀自選孖寶 $268呢個真係超級抵食，呢個孖寶有半隻招牌炸子雞，另外可在五款主菜中選一，我哋揀咗酸菜魚，有驚喜唔會將價就貨，真材實料，酸菜魚份量超多，用料好足，魚肉好嫩滑，湯底鮮甜好正🌀蜜汁火方配蝴蝶包（4件）$46好傳統嘅菜式，金華火腿部份肥瘦適中，蜜汁味好香，用蜜汁煨過嘅鹹香金華火腿配上蝴蝶包同吃極滋味呀😋🌀龍袍四季豆 $48呢個係令人驚喜菜式，最邪惡嘅嘢係最好食㗎，外層超多鹹蛋黃包住四季豆，炸到脆卜卜，真係好食到停唔到口😋🌀鳯城炒飯 $118/🌀鳳城小炒王 $108點咗咁多點心同小食，要點返啲飽肚嘢先至得😆鳳城炒飯材料極豐富，炒飯做到粒粒分明，乾身唔會話太過油，唔錯👍🏻我最愛嘅小炒王材料爆多，又夠鑊氣🌀彩虹鮮蝦餃/蝶豆花菜苗餃/龍蝦湯鮮竹卷🌀小鳥依人鳳梨酥/包羅萬有三色包/甘筍鹹水
原來鳯城1954係鳳城集團嘅新派順德品牌，經過悉心改良嘅特色小菜，更加容易吸引年輕一族消費者
🌀欖角骨 $88呢個真係好好食，欖角骨大大件，肉質鬆軟帶蜜糖嘅香甜，好香欖角香味入晒骨🥰
🌀自選孖寶 $268呢個真係超級抵食，呢個孖寶有半隻招牌炸子雞，另外可在五款主菜中選一，我哋揀咗酸菜魚，有驚喜唔會將價就貨，真材實料，酸菜魚份量超多，用料好足，魚肉好嫩滑，湯底鮮甜好正
🌀蜜汁火方配蝴蝶包（4件）$46好傳統嘅菜式，金華火腿部份肥瘦適中，蜜汁味好香，用蜜汁煨過嘅鹹香金華火腿配上蝴蝶包同吃極滋味呀😋
🌀龍袍四季豆 $48呢個係令人驚喜菜式，最邪惡嘅嘢係最好食㗎，外層超多鹹蛋黃包住四季豆，炸到脆卜卜，真係好食到停唔到口😋
🌀鳯城炒飯 $118/🌀鳳城小炒王 $108點咗咁多點心同小食，要點返啲飽肚嘢先至得😆
鳳城炒飯材料極豐富，炒飯做到粒粒分明，乾身唔會話太過油，唔錯👍🏻我最愛嘅小炒王材料爆多，又夠鑊氣
🌀彩虹鮮蝦餃/蝶豆花菜苗餃/龍蝦湯鮮竹卷🌀小鳥依人鳳梨酥/包羅萬有三色包/甘筍鹹水角
包羅萬有之中的三款包，其中豬豬包🐷嘅叉燒包係最可愛🥰，另外兩款分別係熔岩流沙包、青趣奶皇子，仲有放喺雀籠入邊嘅小鳥依人鳳梨酥都好得意😍呢度啲點心真係每款都好抵食，兼且造型好可愛
🌀冰鎮花雕鴨舌$58/ 懷舊蓮藕餅6件$82🌀胡椒豬肚雲吞$39/甘筍鹹水角3件$43
🌀金剛炸粉果3件$38/宮廷紅棗糕4件$38
特別推介🤗花雕鴨舌肉香彈牙，超香洒味，呢個送啤酒一流😋胡椒豬肚雲吞嘅湯底好鮮甜陣陣胡椒香
張貼
