影片
更多
2022-11-03
66 瀏覽
之前食過呢間Honjokko喺西營盤嘅姊妹店，作為pirata group嘅一員，食物質素當然有保證。見喺太古坊開咁店，當然要黎捧場。餐廳位於The Sixteenth入面，同場仲有其他幾間餐廳，裝修佈置高級，非常有氣氛。今次我哋就叫咗佢哋嘅tasting menu，$780。Edamame先有枝豆作為小食，用咗海鹽黎到調味，鹹味啱啱好，食到停唔到口。Spinach 跟住上嘅前菜非常有特色，將菠菜卷成一串上碟，加上香濃白芝麻醬同芥末籽，味道非常有層次，為今餐打開咗序幕。Madai Truffle另一款前菜以黑松露為主調，店員會喺真鯛刺身沙律面頭撒上大量嘅即磨黑松露，配搭車厘茄、芽蔥等材料，再撈埋加鵪鶉蛋一齊食，好香黑松露味之餘，底嘅柚子醋汁仲好醒胃。Waygu Tataki 呢款日式生牛肉他他，一見到粉嫩嘅牛肉就已經流哂口水，肉質腍嫩，肉味香濃，夾埋d青辣椒粒一齊食就更加惹味。Honjokko Otoro 跟住落黎上嘅壽司，加入咗煙燻效果，好香之餘仲非常吸睛。用咗吞拿魚嘅腹部位置，油花豐富，入口即融，加上甘甜海膽、金箔同黑魚子製成壽司，食得聞得又睇得。Sashimi 有壽司當然有刺身，
Edamame
先有枝豆作為小食，用咗海鹽黎到調味，鹹味啱啱好，食到停唔到口。
Spinach
跟住上嘅前菜非常有特色，將菠菜卷成一串上碟，加上香濃白芝麻醬同芥末籽，味道非常有層次，為今餐打開咗序幕。
Madai Truffle
另一款前菜以黑松露為主調，店員會喺真鯛刺身沙律面頭撒上大量嘅即磨黑松露，配搭車厘茄、芽蔥等材料，再撈埋加鵪鶉蛋一齊食，好香黑松露味之餘，底嘅柚子醋汁仲好醒胃。
Waygu Tataki
呢款日式生牛肉他他，一見到粉嫩嘅牛肉就已經流哂口水，肉質腍嫩，肉味香濃，夾埋d青辣椒粒一齊食就更加惹味。
Honjokko Otoro
跟住落黎上嘅壽司，加入咗煙燻效果，好香之餘仲非常吸睛。用咗吞拿魚嘅腹部位置，油花豐富，入口即融，加上甘甜海膽、金箔同黑魚子製成壽司，食得聞得又睇得。
Sashimi
有壽司當然有刺身，厚切吞拿魚同油甘魚，加上海膽同三文魚子，正！刺身非常新鮮，魚身爽嫩冇筋，充滿油香。海膽味道甘甜，口感creamy，入口即融。三文魚子亦都好鮮味，每一粒喺口入面爆開都衝擊緊味蕾。
Robata Pork Belly
到主菜就有串燒豬腩肉，大大件嘅豬腩肉砌成九宮格，面頭仲加咗蛋黃醬，豬腩肉燒到好口惹味，肉質腍嫩，食落亦唔會太油膩。
Sea Bass Saikyoyaki
另一款主菜係燒海鱸魚扒，食落有味噌嘅香味，剛上枱嘅時魚油仲滲透緊出黎，魚肉雪白嫩滑，魚皮煎到好香脆，好食！
黑芝麻焦糖燉蛋
最後嘅甜品亦都唔馬虎，係非常特別嘅黑芝麻味焦糖燉蛋，面頭有花生醬味雪糕同芝麻脆餅，芝麻同花生味超夾，相輔相成，口層味道層次都非常豐富。
。
。
Honjokko (鰂魚涌)
鰂魚涌英皇道979號太古坊濠豐大厦2樓The Sixteenth
。
。
張貼
